Subramanya Ashtakam (Karavalamba Stotram) in Malayalam
മലയാളം
Read and chant the complete Subramanya Ashtakam (Karavalamba Stotram) written in the Malayalam script (മലയാളം). The Roman (IAST) transliteration is given below each verse for pronunciation. For the meaning and benefits, see the full page.
ഹേ സ്വാമിനാഥ കരുണാകര ദീനബന്ധോ ശ്രീപാര്വതീശമുഖപങ്കജപദ്മബന്ധോ । ശ്രീശാദിദേവഗണപൂജിതപാദപദ്മ വല്ലീശനാഥ മമ ദേഹി കരാവലമ്ബമ് ॥ ൧॥
he svāminātha karuṇākara dīnabandho śrīpārvatīśamukhapaṅkajapadmabandho | śrīśādidevagaṇapūjitapādapadma vallīśanātha mama dehi karāvalambam || 1||
ദേവാധിദേവസുത ദേവഗണാധിനാഥ ദേവേന്ദ്രവന്ദ്യമൃദുപങ്കജമഞ്ജുപാദ । ദേവര്ഷിനാരദമുനീന്ദ്രസുഗീതകീര്തേ വല്ലീശനാഥ മമ ദേഹി കരാവലമ്ബമ് ॥ ൨॥
devādhidevasuta devagaṇādhinātha devendravandyamṛdupaṅkajamañjupāda | devarṣināradamunīndrasugītakīrte vallīśanātha mama dehi karāvalambam || 2||
നിത്യാന്നദാനനിരതാഖിലരോഗഹാരിന് ഭാഗ്യപ്രദാനപരിപൂരിതഭക്തകാമ । ശ്രുത്യാഗമപ്രണവവാച്യനിജസ്വരൂപ വല്ലീശനാഥ മമ ദേഹി കരാവലമ്ബമ് ॥ ൩॥
nityānnadānaniratākhilarogahārin bhāgyapradānaparipūritabhaktakāma | śrutyāgamapraṇavavācyanijasvarūpa vallīśanātha mama dehi karāvalambam || 3||
ക്രൌഞ്ചാസുരേന്ദ്രപരിഖണ്ഡന ശക്തിശൂലചാപാദിശസ്ത്രപരിമണ്ഡിതദിവ്യപാണേ । ശ്രീകുണ്ഡലീശധരതുണ്ഡശിഖീന്ദ്രവാഹ വല്ലീശനാഥ മമ ദേഹി കരാവലമ്ബമ് ॥ ൪॥
krauñcāsurendraparikhaṇḍana śaktiśūlacāpādiśastraparimaṇḍitadivyapāṇe | śrīkuṇḍalīśadharatuṇḍaśikhīndravāha vallīśanātha mama dehi karāvalambam || 4||
ദേവാധിദേവരഥമണ്ഡലമധ്യവേഽദ്യ ദേവേന്ദ്രപീഠനകരം ദൃഢചാപഹസ്തമ് । ശൂരം നിഹത്യ സുരകോടിഭിരീഡ്യമാന വല്ലീശനാഥ മമ ദേഹി കരാവലമ്ബമ് ॥ ൫॥
devādhidevarathamaṇḍalamadhyave’dya devendrapīṭhanakaraṃ dṛḍhacāpahastam | śūraṃ nihatya surakoṭibhirīḍyamāna vallīśanātha mama dehi karāvalambam || 5||
ഹാരാദിരത്നമണിയുക്തകിരീടഹാര കേയൂരകുണ്ഡലലസത്കവചാഭിരാമമ് । ഹേ വീര താരകജയാമരവൃന്ദവന്ദ്യ വല്ലീശനാഥ മമ ദേഹി കരാവലമ്ബമ് ॥ ൬॥
hārādiratnamaṇiyuktakirīṭahāra keyūrakuṇḍalalasatkavacābhirāmam | he vīra tārakajayāmaravṛndavandya vallīśanātha mama dehi karāvalambam || 6||
പഞ്ചാക്ഷരാദിമനുമന്ത്രിതഗാങ്ഗതോയൈഃ പഞ്ചാമൃതൈഃ പ്രമുദിതേന്ദ്രമുഖൈര്മുനീന്ദ്രൈഃ । പട്ടാഭിഷിക്തഹരിയുക്ത പരാസനാഥ വല്ലീശനാഥ മമ ദേഹി കരാവലമ്ബമ് ॥ ൭॥
pañcākṣarādimanumantritagāṅgatoyaiḥ pañcāmṛtaiḥ pramuditendramukhairmunīndraiḥ | paṭṭābhiṣiktahariyukta parāsanātha vallīśanātha mama dehi karāvalambam || 7||
ശ്രീകാര്തികേയ കരുണാമൃതപൂര്ണദൃഷ്ട്യാ കാമാദിരോഗകലുഷീകൃതദുഷ്ടചിത്തമ് । സിക്ത്വാ തു മാമവ കലാധരകാന്തികാന്ത്യാ വല്ലീശനാഥ മമ ദേഹി കരാവലമ്ബമ് ॥ ൮॥
śrīkārtikeya karuṇāmṛtapūrṇadṛṣṭyā kāmādirogakaluṣīkṛtaduṣṭacittam | siktvā tu māmava kalādharakāntikāntyā vallīśanātha mama dehi karāvalambam || 8||
സുബ്രഹ്മണ്യാഷ്ടകം പുണ്യം യേ പഠന്തി ദ്വിജോത്തമാഃ । തേ സര്വേ മുക്തിമായാന്തി സുബ്രഹ്മണ്യപ്രസാദതഃ । സുബ്രഹ്മണ്യാഷ്ടകം ഇദം പ്രാതരുത്ഥായ യഃ പഠേത് । കോടിജന്മകൃതം പാപം തത്ക്ഷണാദേവ നശ്യതി ॥
subrahmaṇyāṣṭakaṃ puṇyaṃ ye paṭhanti dvijottamāḥ | te sarve muktimāyānti subrahmaṇyaprasādataḥ | subrahmaṇyāṣṭakaṃ idaṃ prātarutthāya yaḥ paṭhet | koṭijanmakṛtaṃ pāpaṃ tatkṣaṇādeva naśyati ||