Subramanya Ashtakam (Karavalamba Stotram) in Bengali
বাংলা
Read and chant the complete Subramanya Ashtakam (Karavalamba Stotram) written in the Bengali script (বাংলা). The Roman (IAST) transliteration is given below each verse for pronunciation. For the meaning and benefits, see the full page.
হে স্বামিনাথ করুণাকর দীনবন্ধো শ্রীপার্বতীশমুখপঙ্কজপদ্মবন্ধো । শ্রীশাদিদেবগণপূজিতপাদপদ্ম বল্লীশনাথ মম দেহি করাবলম্বম্ ॥ ১॥
he svāminātha karuṇākara dīnabandho śrīpārvatīśamukhapaṅkajapadmabandho | śrīśādidevagaṇapūjitapādapadma vallīśanātha mama dehi karāvalambam || 1||
দেবাধিদেবসুত দেবগণাধিনাথ দেবেন্দ্রবন্দ্যমৃদুপঙ্কজমঞ্জুপাদ । দেবর্ষিনারদমুনীন্দ্রসুগীতকীর্তে বল্লীশনাথ মম দেহি করাবলম্বম্ ॥ ২॥
devādhidevasuta devagaṇādhinātha devendravandyamṛdupaṅkajamañjupāda | devarṣināradamunīndrasugītakīrte vallīśanātha mama dehi karāvalambam || 2||
নিত্যান্নদাননিরতাখিলরোগহারিন্ ভাগ্যপ্রদানপরিপূরিতভক্তকাম । শ্রুত্যাগমপ্রণববাচ্যনিজস্বরূপ বল্লীশনাথ মম দেহি করাবলম্বম্ ॥ ৩॥
nityānnadānaniratākhilarogahārin bhāgyapradānaparipūritabhaktakāma | śrutyāgamapraṇavavācyanijasvarūpa vallīśanātha mama dehi karāvalambam || 3||
ক্রৌঞ্চাসুরেন্দ্রপরিখণ্ডন শক্তিশূলচাপাদিশস্ত্রপরিমণ্ডিতদিব্যপাণে । শ্রীকুণ্ডলীশধরতুণ্ডশিখীন্দ্রবাহ বল্লীশনাথ মম দেহি করাবলম্বম্ ॥ ৪॥
krauñcāsurendraparikhaṇḍana śaktiśūlacāpādiśastraparimaṇḍitadivyapāṇe | śrīkuṇḍalīśadharatuṇḍaśikhīndravāha vallīśanātha mama dehi karāvalambam || 4||
দেবাধিদেবরথমণ্ডলমধ্যবেঽদ্য দেবেন্দ্রপীঠনকরং দৃঢচাপহস্তম্ । শূরং নিহত্য সুরকোটিভিরীড্যমান বল্লীশনাথ মম দেহি করাবলম্বম্ ॥ ৫॥
devādhidevarathamaṇḍalamadhyave’dya devendrapīṭhanakaraṃ dṛḍhacāpahastam | śūraṃ nihatya surakoṭibhirīḍyamāna vallīśanātha mama dehi karāvalambam || 5||
হারাদিরত্নমণিযুক্তকিরীটহার কেযূরকুণ্ডললসত্কবচাভিরামম্ । হে বীর তারকজযামরবৃন্দবন্দ্য বল্লীশনাথ মম দেহি করাবলম্বম্ ॥ ৬॥
hārādiratnamaṇiyuktakirīṭahāra keyūrakuṇḍalalasatkavacābhirāmam | he vīra tārakajayāmaravṛndavandya vallīśanātha mama dehi karāvalambam || 6||
পঞ্চাক্ষরাদিমনুমন্ত্রিতগাঙ্গতোযৈঃ পঞ্চামৃতৈঃ প্রমুদিতেন্দ্রমুখৈর্মুনীন্দ্রৈঃ । পট্টাভিষিক্তহরিযুক্ত পরাসনাথ বল্লীশনাথ মম দেহি করাবলম্বম্ ॥ ৭॥
pañcākṣarādimanumantritagāṅgatoyaiḥ pañcāmṛtaiḥ pramuditendramukhairmunīndraiḥ | paṭṭābhiṣiktahariyukta parāsanātha vallīśanātha mama dehi karāvalambam || 7||
শ্রীকার্তিকেয করুণামৃতপূর্ণদৃষ্ট্যা কামাদিরোগকলুষীকৃতদুষ্টচিত্তম্ । সিক্ত্বা তু মামব কলাধরকান্তিকান্ত্যা বল্লীশনাথ মম দেহি করাবলম্বম্ ॥ ৮॥
śrīkārtikeya karuṇāmṛtapūrṇadṛṣṭyā kāmādirogakaluṣīkṛtaduṣṭacittam | siktvā tu māmava kalādharakāntikāntyā vallīśanātha mama dehi karāvalambam || 8||
সুব্রহ্মণ্যাষ্টকং পুণ্যং যে পঠন্তি দ্বিজোত্তমাঃ । তে সর্বে মুক্তিমাযান্তি সুব্রহ্মণ্যপ্রসাদতঃ । সুব্রহ্মণ্যাষ্টকং ইদং প্রাতরুত্থায যঃ পঠেত্ । কোটিজন্মকৃতং পাপং তত্ক্ষণাদেব নশ্যতি ॥
subrahmaṇyāṣṭakaṃ puṇyaṃ ye paṭhanti dvijottamāḥ | te sarve muktimāyānti subrahmaṇyaprasādataḥ | subrahmaṇyāṣṭakaṃ idaṃ prātarutthāya yaḥ paṭhet | koṭijanmakṛtaṃ pāpaṃ tatkṣaṇādeva naśyati ||