Subramanya Ashtakam (Karavalamba Stotram) in Kannada
ಕನ್ನಡ
Read and chant the complete Subramanya Ashtakam (Karavalamba Stotram) written in the Kannada script (ಕನ್ನಡ). The Roman (IAST) transliteration is given below each verse for pronunciation. For the meaning and benefits, see the full page.
ಹೇ ಸ್ವಾಮಿನಾಥ ಕರುಣಾಕರ ದೀನಬನ್ಧೋ ಶ್ರೀಪಾರ್ವತೀಶಮುಖಪಙ್ಕಜಪದ್ಮಬನ್ಧೋ । ಶ್ರೀಶಾದಿದೇವಗಣಪೂಜಿತಪಾದಪದ್ಮ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೧॥
he svāminātha karuṇākara dīnabandho śrīpārvatīśamukhapaṅkajapadmabandho | śrīśādidevagaṇapūjitapādapadma vallīśanātha mama dehi karāvalambam || 1||
ದೇವಾಧಿದೇವಸುತ ದೇವಗಣಾಧಿನಾಥ ದೇವೇನ್ದ್ರವನ್ದ್ಯಮೃದುಪಙ್ಕಜಮಞ್ಜುಪಾದ । ದೇವರ್ಷಿನಾರದಮುನೀನ್ದ್ರಸುಗೀತಕೀರ್ತೇ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೨॥
devādhidevasuta devagaṇādhinātha devendravandyamṛdupaṅkajamañjupāda | devarṣināradamunīndrasugītakīrte vallīśanātha mama dehi karāvalambam || 2||
ನಿತ್ಯಾನ್ನದಾನನಿರತಾಖಿಲರೋಗಹಾರಿನ್ ಭಾಗ್ಯಪ್ರದಾನಪರಿಪೂರಿತಭಕ್ತಕಾಮ । ಶ್ರುತ್ಯಾಗಮಪ್ರಣವವಾಚ್ಯನಿಜಸ್ವರೂಪ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೩॥
nityānnadānaniratākhilarogahārin bhāgyapradānaparipūritabhaktakāma | śrutyāgamapraṇavavācyanijasvarūpa vallīśanātha mama dehi karāvalambam || 3||
ಕ್ರೌಞ್ಚಾಸುರೇನ್ದ್ರಪರಿಖಣ್ಡನ ಶಕ್ತಿಶೂಲಚಾಪಾದಿಶಸ್ತ್ರಪರಿಮಣ್ಡಿತದಿವ್ಯಪಾಣೇ । ಶ್ರೀಕುಣ್ಡಲೀಶಧರತುಣ್ಡಶಿಖೀನ್ದ್ರವಾಹ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೪॥
krauñcāsurendraparikhaṇḍana śaktiśūlacāpādiśastraparimaṇḍitadivyapāṇe | śrīkuṇḍalīśadharatuṇḍaśikhīndravāha vallīśanātha mama dehi karāvalambam || 4||
ದೇವಾಧಿದೇವರಥಮಣ್ಡಲಮಧ್ಯವೇಽದ್ಯ ದೇವೇನ್ದ್ರಪೀಠನಕರಂ ದೃಢಚಾಪಹಸ್ತಮ್ । ಶೂರಂ ನಿಹತ್ಯ ಸುರಕೋಟಿಭಿರೀಡ್ಯಮಾನ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೫॥
devādhidevarathamaṇḍalamadhyave’dya devendrapīṭhanakaraṃ dṛḍhacāpahastam | śūraṃ nihatya surakoṭibhirīḍyamāna vallīśanātha mama dehi karāvalambam || 5||
ಹಾರಾದಿರತ್ನಮಣಿಯುಕ್ತಕಿರೀಟಹಾರ ಕೇಯೂರಕುಣ್ಡಲಲಸತ್ಕವಚಾಭಿರಾಮಮ್ । ಹೇ ವೀರ ತಾರಕಜಯಾಮರವೃನ್ದವನ್ದ್ಯ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೬॥
hārādiratnamaṇiyuktakirīṭahāra keyūrakuṇḍalalasatkavacābhirāmam | he vīra tārakajayāmaravṛndavandya vallīśanātha mama dehi karāvalambam || 6||
ಪಞ್ಚಾಕ್ಷರಾದಿಮನುಮನ್ತ್ರಿತಗಾಙ್ಗತೋಯೈಃ ಪಞ್ಚಾಮೃತೈಃ ಪ್ರಮುದಿತೇನ್ದ್ರಮುಖೈರ್ಮುನೀನ್ದ್ರೈಃ । ಪಟ್ಟಾಭಿಷಿಕ್ತಹರಿಯುಕ್ತ ಪರಾಸನಾಥ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೭॥
pañcākṣarādimanumantritagāṅgatoyaiḥ pañcāmṛtaiḥ pramuditendramukhairmunīndraiḥ | paṭṭābhiṣiktahariyukta parāsanātha vallīśanātha mama dehi karāvalambam || 7||
ಶ್ರೀಕಾರ್ತಿಕೇಯ ಕರುಣಾಮೃತಪೂರ್ಣದೃಷ್ಟ್ಯಾ ಕಾಮಾದಿರೋಗಕಲುಷೀಕೃತದುಷ್ಟಚಿತ್ತಮ್ । ಸಿಕ್ತ್ವಾ ತು ಮಾಮವ ಕಲಾಧರಕಾನ್ತಿಕಾನ್ತ್ಯಾ ವಲ್ಲೀಶನಾಥ ಮಮ ದೇಹಿ ಕರಾವಲಮ್ಬಮ್ ॥ ೮॥
śrīkārtikeya karuṇāmṛtapūrṇadṛṣṭyā kāmādirogakaluṣīkṛtaduṣṭacittam | siktvā tu māmava kalādharakāntikāntyā vallīśanātha mama dehi karāvalambam || 8||
ಸುಬ್ರಹ್ಮಣ್ಯಾಷ್ಟಕಂ ಪುಣ್ಯಂ ಯೇ ಪಠನ್ತಿ ದ್ವಿಜೋತ್ತಮಾಃ । ತೇ ಸರ್ವೇ ಮುಕ್ತಿಮಾಯಾನ್ತಿ ಸುಬ್ರಹ್ಮಣ್ಯಪ್ರಸಾದತಃ । ಸುಬ್ರಹ್ಮಣ್ಯಾಷ್ಟಕಂ ಇದಂ ಪ್ರಾತರುತ್ಥಾಯ ಯಃ ಪಠೇತ್ । ಕೋಟಿಜನ್ಮಕೃತಂ ಪಾಪಂ ತತ್ಕ್ಷಣಾದೇವ ನಶ್ಯತಿ ॥
subrahmaṇyāṣṭakaṃ puṇyaṃ ye paṭhanti dvijottamāḥ | te sarve muktimāyānti subrahmaṇyaprasādataḥ | subrahmaṇyāṣṭakaṃ idaṃ prātarutthāya yaḥ paṭhet | koṭijanmakṛtaṃ pāpaṃ tatkṣaṇādeva naśyati ||