दोहा 38 / 60
▶ पाठ सुनें🔊 किसी भी पंक्ति को सुनने के लिए टैप करें — या पूरी चौपाई सुनने के लिए ▶ दबाएँ
सोइ रावन कहुँ बनि सहाई। अस्तुति करहिं सुनाइ सुनाई॥ अवसर जानि बिभीषनु आवा। भ्राता चरन सीसु तेहिं नावा॥ पुनि सिरु नाइ बैठ निज आसन। बोला बचन पाइ अनुसासन॥ जौ कृपाल पूँछिहु मोहि बाता। मति अनुरुप कहउँ हित ताता॥ जो आपन चाहै कल्याना। सुजसु सुमति सुभ गति सुख नाना॥ सो परनारि लिलार गोसाईं। तजउ चउथि के चंद कि नाई॥ चौदह भुवन एक पति होई। भूतद्रोह तिष्टइ नहिं सोई॥ गुन सागर नागर नर जोऊ। अलप लोभ भल कहइ न कोऊ॥
soi rāvana kahu~ bani sahāī astuti karahiṃ sunāi sunāī avasara jāni bibhīṣanu āvā bhrātā carana sīsu tehiṃ nāvā puni siru nāi baiṭha nija āsana bolā bacana pāi anusāsana jau kṛpāla pū~chihu mohi bātā mati anurupa kahau~ hita tātā jo āpana cāhai kalyānā sujasu sumati subha gati sukha nānā so paranāri lilāra gosāīṃ tajau cauthi ke caṃda ki nāī caudaha bhuvana eka pati hoī bhūtadroha tiṣṭai nahiṃ soī guna sāgara nāgara nara joū alapa lobha bhala kahai na koū
काम क्रोध मद लोभ सब नाथ नरक के पंथ। सब परिहरि रघुबीरहि भजहु भजहिं जेहि संत॥38॥
kāma krodha mada lobha saba nātha naraka ke paṃtha saba parihari raghubīrahi bhajahu bhajahiṃ jehi saṃta 38