दोहा 37 / 60
▶ पाठ सुनें🔊 किसी भी पंक्ति को सुनने के लिए टैप करें — या पूरी चौपाई सुनने के लिए ▶ दबाएँ
श्रवन सुनी सठ ता करि बानी। बिहसा जगत बिदित अभिमानी॥ सभय सुभाउ नारि कर साचा। मंगल महुँ भय मन अति काचा॥ जौं आवइ मर्कट कटकाई। जिअहिं बिचारे निसिचर खाई॥ कंपहिं लोकप जाकी त्रासा। तासु नारि सभीत बड़ि हासा॥ अस कहि बिहसि ताहि उर लाई। चलेउ सभाँ ममता अधिकाई॥ मंदोदरी हृदयँ कर चिंता। भयउ कंत पर बिधि बिपरीता॥ बैठेउ सभाँ खबरि असि पाई। सिंधु पार सेना सब आई॥ बूझेसि सचिव उचित मत कहहू। ते सब हँसे मष्ट करि रहहू॥ जितेहु सुरासुर तब श्रम नाहीं। नर बानर केहि लेखे माही॥
śravana sunī saṭha tā kari bānī bihasā jagata bidita abhimānī sabhaya subhāu nāri kara sācā maṃgala mahu~ bhaya mana ati kācā jauṃ āvai markaṭa kaṭakāī jiahiṃ bicāre nisicara khāī kaṃpahiṃ lokapa jākī trāsā tāsu nāri sabhīta baḍi hāsā asa kahi bihasi tāhi ura lāī caleu sabhā~ mamatā adhikāī maṃdodarī hṛdaya~ kara ciṃtā bhayau kaṃta para bidhi biparītā baiṭheu sabhā~ khabari asi pāī siṃdhu pāra senā saba āī būjhesi saciva ucita mata kahahū te saba ha~se maṣṭa kari rahahū jitehu surāsura taba śrama nāhīṃ nara bānara kehi lekhe māhī
सचिव बैद गुर तीनि जौं प्रिय बोलहिं भय आस। राज धर्म तन तीनि कर होइ बेगिहीं नास॥37॥
saciva baida gura tīni jauṃ priya bolahiṃ bhaya āsa rāja dharma tana tīni kara hoi begihīṃ nāsa 37