दोहा 46 / 60
▶ पाठ सुनें🔊 किसी भी पंक्ति को सुनने के लिए टैप करें — या पूरी चौपाई सुनने के लिए ▶ दबाएँ
अस कहि करत दंडवत देखा। तुरत उठे प्रभु हरष बिसेषा॥ दीन बचन सुनि प्रभु मन भावा। भुज बिसाल गहि हृदयँ लगावा॥ अनुज सहित मिलि ढिग बैठारी। बोले बचन भगत भयहारी॥ कहु लंकेस सहित परिवारा। कुसल कुठाहर बास तुम्हारा॥ खल मंडलीं बसहु दिनु राती। सखा धरम निबहइ केहि भाँती॥ मैं जानउँ तुम्हारि सब रीती। अति नय निपुन न भाव अनीती॥ बरु भल बास नरक कर ताता। दुष्ट संग जनि देइ बिधाता॥ अब पद देखि कुसल रघुराया। जौं तुम्ह कीन्ह जानि जन दाया॥
asa kahi karata daṃḍavata dekhā turata uṭhe prabhu haraṣa biseṣā dīna bacana suni prabhu mana bhāvā bhuja bisāla gahi hṛdaya~ lagāvā anuja sahita mili ḍhiga baiṭhārī bole bacana bhagata bhayahārī kahu laṃkesa sahita parivārā kusala kuṭhāhara bāsa tumhārā khala maṃḍalīṃ basahu dinu rātī sakhā dharama nibahai kehi bhā~tī maiṃ jānau~ tumhāri saba rītī ati naya nipuna na bhāva anītī baru bhala bāsa naraka kara tātā duṣṭa saṃga jani dei bidhātā aba pada dekhi kusala raghurāyā jauṃ tumha kīnha jāni jana dāyā
तब लगि कुसल न जीव कहुँ सपनेहुँ मन बिश्राम। जब लगि भजत न राम कहुँ सोक धाम तजि काम॥46॥
taba lagi kusala na jīva kahu~ sapanehu~ mana biśrāma jaba lagi bhajata na rāma kahu~ soka dhāma taji kāma 46