सुब्रह्मण्याष्टकम् (करावलम्ब स्तोत्र) in Tamil
தமிழ்
सुब्रह्मण्याष्टकम् (करावलम्ब स्तोत्र) को Tamil (தமிழ்) लिपि में पढ़ें और जपें। नीचे सम्पूर्ण पाठ Tamil लिपि में, साथ में रोमन उच्चारण दिया गया है।
ஹே ஸ்வாமிநாத கருணாகர தீநபந்தோ ஶ்ரீபார்வதீஶமுகபங்கஜபத்மபந்தோ । ஶ்ரீஶாதிதேவகணபூஜிதபாதபத்ம வல்லீஶநாத மம தேஹி கராவலம்பம் ॥ ௧॥
he svāminātha karuṇākara dīnabandho śrīpārvatīśamukhapaṅkajapadmabandho | śrīśādidevagaṇapūjitapādapadma vallīśanātha mama dehi karāvalambam || 1||
தேவாதிதேவஸுத தேவகணாதிநாத தேவேந்த்ரவந்த்யம்ரு'துபங்கஜமஞ்ஜுபாத । தேவர்ஷிநாரதமுநீந்த்ரஸுகீதகீர்தே வல்லீஶநாத மம தேஹி கராவலம்பம் ॥ ௨॥
devādhidevasuta devagaṇādhinātha devendravandyamṛdupaṅkajamañjupāda | devarṣināradamunīndrasugītakīrte vallīśanātha mama dehi karāvalambam || 2||
நித்யாந்நதாநநிரதாகிலரோகஹாரிந் பாக்யப்ரதாநபரிபூரிதபக்தகாம । ஶ்ருத்யாகமப்ரணவவாச்யநிஜஸ்வரூப வல்லீஶநாத மம தேஹி கராவலம்பம் ॥ ௩॥
nityānnadānaniratākhilarogahārin bhāgyapradānaparipūritabhaktakāma | śrutyāgamapraṇavavācyanijasvarūpa vallīśanātha mama dehi karāvalambam || 3||
க்ரௌஞ்சாஸுரேந்த்ரபரிகண்டந ஶக்திஶூலசாபாதிஶஸ்த்ரபரிமண்டிததிவ்யபாணே । ஶ்ரீகுண்டலீஶதரதுண்டஶிகீந்த்ரவாஹ வல்லீஶநாத மம தேஹி கராவலம்பம் ॥ ௪॥
krauñcāsurendraparikhaṇḍana śaktiśūlacāpādiśastraparimaṇḍitadivyapāṇe | śrīkuṇḍalīśadharatuṇḍaśikhīndravāha vallīśanātha mama dehi karāvalambam || 4||
தேவாதிதேவரதமண்டலமத்யவேऽத்ய தேவேந்த்ரபீடநகரம் த்ரு'டசாபஹஸ்தம் । ஶூரம் நிஹத்ய ஸுரகோடிபிரீட்யமாந வல்லீஶநாத மம தேஹி கராவலம்பம் ॥ ௫॥
devādhidevarathamaṇḍalamadhyave’dya devendrapīṭhanakaraṃ dṛḍhacāpahastam | śūraṃ nihatya surakoṭibhirīḍyamāna vallīśanātha mama dehi karāvalambam || 5||
ஹாராதிரத்நமணியுக்தகிரீடஹார கேயூரகுண்டலலஸத்கவசாபிராமம் । ஹே வீர தாரகஜயாமரவ்ரு'ந்தவந்த்ய வல்லீஶநாத மம தேஹி கராவலம்பம் ॥ ௬॥
hārādiratnamaṇiyuktakirīṭahāra keyūrakuṇḍalalasatkavacābhirāmam | he vīra tārakajayāmaravṛndavandya vallīśanātha mama dehi karāvalambam || 6||
பஞ்சாக்ஷராதிமநுமந்த்ரிதகாங்கதோயைஃ பஞ்சாம்ரு'தைஃ ப்ரமுதிதேந்த்ரமுகைர்முநீந்த்ரைஃ । பட்டாபிஷிக்தஹரியுக்த பராஸநாத வல்லீஶநாத மம தேஹி கராவலம்பம் ॥ ௭॥
pañcākṣarādimanumantritagāṅgatoyaiḥ pañcāmṛtaiḥ pramuditendramukhairmunīndraiḥ | paṭṭābhiṣiktahariyukta parāsanātha vallīśanātha mama dehi karāvalambam || 7||
ஶ்ரீகார்திகேய கருணாம்ரு'தபூர்ணத்ரு'ஷ்ட்யா காமாதிரோககலுஷீக்ரு'ததுஷ்டசித்தம் । ஸிக்த்வா து மாமவ கலாதரகாந்திகாந்த்யா வல்லீஶநாத மம தேஹி கராவலம்பம் ॥ ௮॥
śrīkārtikeya karuṇāmṛtapūrṇadṛṣṭyā kāmādirogakaluṣīkṛtaduṣṭacittam | siktvā tu māmava kalādharakāntikāntyā vallīśanātha mama dehi karāvalambam || 8||
ஸுப்ரஹ்மண்யாஷ்டகம் புண்யம் யே படந்தி த்விஜோத்தமாஃ । தே ஸர்வே முக்திமாயாந்தி ஸுப்ரஹ்மண்யப்ரஸாததஃ । ஸுப்ரஹ்மண்யாஷ்டகம் இதம் ப்ராதருத்தாய யஃ படேத் । கோடிஜந்மக்ரு'தம் பாபம் தத்க்ஷணாதேவ நஶ்யதி ॥
subrahmaṇyāṣṭakaṃ puṇyaṃ ye paṭhanti dvijottamāḥ | te sarve muktimāyānti subrahmaṇyaprasādataḥ | subrahmaṇyāṣṭakaṃ idaṃ prātarutthāya yaḥ paṭhet | koṭijanmakṛtaṃ pāpaṃ tatkṣaṇādeva naśyati ||