कीलकम् — Complete Lyrics
कीलकम्
Sanskrit text with English transliteration and translation
Verse 1
ॐ अस्य श्रीकीलकमन्त्रस्य शिवऋषिः, अनुष्टुप् छन्दः,
श्रीमहासरस्वती देवता, श्रीजगदम्बाप्रीत्यर्थं
सप्तशतीपाठाङ्गत्वेन जपे विनियोगः ।
oṃ asya śrīkīlakamantrasya śivaṛṣiḥ, anuṣṭup chandaḥ,
śrīmahāsarasvatī devatā, śrījagadambāprītyarthaṃ
saptaśatīpāṭhāṅgatvena jape viniyogaḥ
कीलक स्तोत्र ("कीलक" अर्थात् कील/खूँटी) दुर्गा सप्तशती से पहले पढ़े जाने वाले तीन अंगों में तीसरा है, जिसे महर्षि मार्कण्डेय ने कहा है; इसके ऋषि शिव और अधिष्ठात्री देवी महासरस्वती हैं। इसका आरंभ शिव की वंदना से होता है, जो विशुद्ध ज्ञान-देह वाले, तीन वेदों के दिव्य नेत्र वाले और अर्धचन्द्र धारण करने वाले हैं। फिर यह 'कीलक' का रहस्य प्रकट करता है — वह कील जिससे शिव ने कभी सप्तशती की शक्ति को (बाँध) कीलित कर दिया था, ताकि उसका दुरुपयोग न हो। जो इसे जानकर कील को 'खोलकर' (निष्कील कर) चण्डी का पाठ करता है, वह समस्त सिद्धियाँ पाता है, कहीं नहीं डरता, अपमृत्यु नहीं पाता और अंत में मोक्ष पाता है। यह स्तोत्र श्रद्धा-धैर्य से सप्तशती का पाठ करने वाले भक्त को ऐश्वर्य, सौभाग्य, आरोग्य, शत्रु-नाश और परम मोक्ष का वचन देता है।
Verse 2
ॐ नमश्चण्डिकायै ।
oṃ namaścaṇḍikāyai
Verse 3
मार्कण्डेय उवाच ।
ॐ विशुद्धज्ञानदेहाय त्रिवेदीदिव्यचक्षुषे ।
श्रेयःप्राप्तिनिमित्ताय नमः सोमार्धधारिणे ॥ १॥
सर्वमेतद्विजानीयान्मन्त्राणामपि कीलकम् ।
सोऽपि क्षेममवाप्नोति सततं जप्यतत्परः ॥ २॥
सिद्ध्यन्त्युच्चाटनादीनि कर्माणि सकलान्यपि ।
एतेन स्तुवतां देवीं स्तोत्रवृन्देन भक्तितः ॥ ३॥
न मन्त्रो नौषधं तस्य न किञ्चिदपि विद्यते ।
विना जप्येन सिद्ध्येत्तु सर्वमुच्चाटनादिकम् ॥ ४॥
समग्राण्यपि सेत्स्यन्ति लोकशङ्कामिमां हरः ।
कृत्वा निमन्त्रयामास सर्वमेवमिदं शुभम् ॥ ५॥
स्तोत्रं वै चण्डिकायास्तु तच्च गुह्यं चकार सः ।
समाप्नोति स पुण्येन तां यथावन्निमन्त्रणाम् ॥ ६॥
सोऽपि क्षेममवाप्नोति सर्वमेव न संशयः ।
कृष्णायां वा चतुर्दश्यामष्टम्यां वा समाहितः ॥ ७॥
ददाति प्रतिगृह्णाति नान्यथैषा प्रसीदति ।
इत्थं रूपेण कीलेन महादेवेन कीलितम् ॥ ८॥
यो निष्कीलां विधायैनां चण्डीं जपति नित्यशः ।
स सिद्धः स गणः सोऽथ गन्धर्वो जायते ध्रुवम् ॥ ९॥
न चैवापाटवं तस्य भयं क्वापि न जायते ।
नापमृत्युवशं याति मृते च मोक्षमाप्नुयात् ॥ १०॥
ज्ञात्वा प्रारभ्य कुर्वीत ह्यकुर्वाणो विनश्यति ।
ततो ज्ञात्वैव सम्पूर्णमिदं प्रारभ्यते बुधैः ॥ ११॥
सौभाग्यादि च यत्किञ्चिद् दृश्यते ललनाजने ।
तत्सर्वं तत्प्रसादेन तेन जप्यमिदं शुभम् ॥ १२॥
शनैस्तु जप्यमानेऽस्मिन् स्तोत्रे सम्पत्तिरुच्चकैः ।
भवत्येव समग्रापि ततः प्रारभ्यमेव तत् ॥ १३॥
ऐश्वर्यं तत्प्रसादेन सौभाग्यारोग्यमेव च ।
शत्रुहानिः परो मोक्षः स्तूयते सा न किं जनैः ॥ १४॥
चण्डिकां हृदयेनापि यः स्मरेत् सततं नरः ।
हृद्यं काममवाप्नोति हृदि देवी सदा वसेत् ॥ १५॥
अग्रतोऽमुं महादेवकृतं कीलकवारणम् ।
निष्कीलञ्च तथा कृत्वा पठितव्यं समाहितैः ॥ १६॥
mārkaṇḍeya uvāca
oṃ viśuddhajñānadehāya trivedīdivyacakṣuṣe
śreyaḥprāptinimittāya namaḥ somārdhadhāriṇe 1
sarvametadvijānīyānmantrāṇāmapi kīlakam
so'pi kṣemamavāpnoti satataṃ japyatatparaḥ 2
siddhyantyuccāṭanādīni karmāṇi sakalānyapi
etena stuvatāṃ devīṃ stotravṛndena bhaktitaḥ 3
na mantro nauṣadhaṃ tasya na kiñcidapi vidyate
vinā japyena siddhyettu sarvamuccāṭanādikam 4
samagrāṇyapi setsyanti lokaśaṅkāmimāṃ haraḥ
kṛtvā nimantrayāmāsa sarvamevamidaṃ śubham 5
stotraṃ vai caṇḍikāyāstu tacca guhyaṃ cakāra saḥ
samāpnoti sa puṇyena tāṃ yathāvannimantraṇām 6
so'pi kṣemamavāpnoti sarvameva na saṃśayaḥ
kṛṣṇāyāṃ vā caturdaśyāmaṣṭamyāṃ vā samāhitaḥ 7
dadāti pratigṛhṇāti nānyathaiṣā prasīdati
itthaṃ rūpeṇa kīlena mahādevena kīlitam 8
yo niṣkīlāṃ vidhāyaināṃ caṇḍīṃ japati nityaśaḥ
sa siddhaḥ sa gaṇaḥ so'tha gandharvo jāyate dhruvam 9
na caivāpāṭavaṃ tasya bhayaṃ kvāpi na jāyate
nāpamṛtyuvaśaṃ yāti mṛte ca mokṣamāpnuyāt 10
jñātvā prārabhya kurvīta hyakurvāṇo vinaśyati
tato jñātvaiva sampūrṇamidaṃ prārabhyate budhaiḥ 11
saubhāgyādi ca yatkiñcid dṛśyate lalanājane
tatsarvaṃ tatprasādena tena japyamidaṃ śubham 12
śanaistu japyamāne'smin stotre sampattiruccakaiḥ
bhavatyeva samagrāpi tataḥ prārabhyameva tat 13
aiśvaryaṃ tatprasādena saubhāgyārogyameva ca
śatruhāniḥ paro mokṣaḥ stūyate sā na kiṃ janaiḥ 14
caṇḍikāṃ hṛdayenāpi yaḥ smaret satataṃ naraḥ
hṛdyaṃ kāmamavāpnoti hṛdi devī sadā vaset 15
agrato'muṃ mahādevakṛtaṃ kīlakavāraṇam
niṣkīlañca tathā kṛtvā paṭhitavyaṃ samāhitaiḥ 16
Verse 4
॥ इति श्रीभगवत्याः कीलकस्तोत्रं समाप्तम् ॥
iti śrībhagavatyāḥ kīlakastotraṃ samāptam
Want to understand every word?
Read Word-by-Word Meaning →