कनकधारा स्तोत्रम् in Bengali

বন্দে বন্দারুমন্দারমিন্দিরানন্দকন্দলম্ । অমন্দানন্দসন্দোহবন্ধুরং সিন্ধুরাননম্ ॥

Vande vandarumandaramindiranandakandalam Amandanandasandohabandhuram sindhurananam

অঙ্গং হরেঃ পুলকভূষণমাশ্রযন্তী ভৃঙ্গাঙ্গনেব মুকুলাভরণং তমালম্ । অঙ্গীকৃতাখিলবিভূতিরপাঙ্গলীলা মাঙ্গল্যদাঽস্তু মম মঙ্গলদেবতাযাঃ ॥

Angam hareh pulakabhushanamashrayanti Bhringanganeva mukulabharanam tamalam Angikritakhilavibhutirapangalila Mangalyadastu mama mangaladevatayah

মুগ্ধা মুহুর্বিদধতী বদনে মুরারেঃ প্রেমত্রপাপ্রণিহিতানি গতাগতানি । মালা দৃশোর্মধুকরীব মহোত্পলে যা সা মে শ্রিযং দিশতু সাগরসম্ভবাযাঃ ॥

Mugdha muhurvidadhati vadane murareh Prematrapapranihitani gatagatani Mala drishormadhukariva mahotpale ya Sa me shriyam dishatu sagarasambhavayah

বিশ্বামরেন্দ্রপদবিভ্রমদানদক্ষং আনন্দহেতুরধিকং মুরবিদ্বিষোঽপি । ঈষন্নিষীদতু মযি ক্ষণমীক্ষণার্ধম্ ইন্দীবরোদরসহোদরমিন্দিরাযাঃ ॥

Vishvamarendrapadavibhramadanadaksham Anandaheturadhikam muravidvishopi Ishannishidatu mayi kshanamikshanardham Indivarodarasahodaramindirayah

আমীলিতাক্ষমধিগম্য মুদা মুকুন্দং আনন্দকন্দমনিমেষমনঙ্গতন্ত্রম্ । আকেকরস্থিতকনীনিকপক্ষ্মনেত্রং ভূত্যৈ ভবেন্মম ভুজঙ্গশযাঙ্গনাযাঃ ॥

Amilitakshamadhigamya muda mukundam Anandakandamanimeshamanangatantram Akekarasthitakaninikapakshmanetram Bhutyai bhavenmama bhujangashayanganayah

বাহ্বন্তরে মধুজিতঃ শ্রিতকৌস্তুভে যা হারাবলীব হরিনীলমযী বিভাতি । কামপ্রদা ভগবতোঽপি কটাক্ষমালা কল্যাণমাবহতু মে কমলালযাযাঃ ॥

Bahvantare madhujitah shritakaustubhe ya Haravaliva harinilamayi vibhati Kamaprada bhagavatopi katakshamala Kalyanamavahatu me kamalalayayah

কালাম্বুদালিললিতোরসি কৈটভারেঃ ধারাধরে স্ফুরতি যা তডিদঙ্গনেব । মাতুস্সমস্তজগতাং মহনীযমূর্তিঃ ভদ্রাণি মে দিশতু ভার্গবনন্দনাযাঃ ॥

Kalambudalilalitorasi kaitabhareh Dharadhare sphurati ya tadidanganeva Matussamastajagatam mahaniyamurtih Bhadrani me dishatu bhargavanandanayah

প্রাপ্তং পদং প্রথমতঃ খলু যত্প্রভাবাত্ মাঙ্গল্যভাজি মধুমাথিনি মন্মথেন । ময্যাপতেত্তদিহ মন্থরমীক্ষণার্ধং মন্দালসং চ মকরালযকন্যকাযাঃ ॥

Praptam padam prathamatah khalu yatprabhavat Mangalyabhaji madhumathini manmathena Mayyapatettadiha mantharamikshanardham Mandalasam cha makaralayakanyakayah

দদ্যাদ্দযানুপবনো দ্রবিণাম্বুধারাং অস্মিন্নকিঞ্চনবিহঙ্গশিশৌ বিষণ্ণে । দুষ্কর্মঘর্মমপনীয চিরায দূরং নারাযণপ্রণযিনীনযনাম্বুবাহঃ ॥

Dadyaddayanupavano dravinambudharam Asminnakinchanavihangashishau vishanne Dushkarmagharmamapaniya chiraya duram Narayanapranayininayanambuvahah

ইষ্টাবিশিষ্টমতযোঽপি যযা দযার্দ্র- দৃষ্ট্যা ত্রিবিষ্টপপদং সুলভং লভন্তে । দৃষ্টিঃ প্রহৃষ্টকমলোদরদীপ্তিরিষ্টাং পুষ্টিং কৃষীষ্ট মম পুষ্করবিষ্টরাযাঃ ॥

Ishtavishishtamatayopi yaya dayardra- Drishtya trivishtapapadam sulabham labhante Drishtih prahrishtakamalodaradiptirishtam Pushtim krishishta mama pushkaravishtarayah

গীর্দেবতেতি গরুডধ্বজসুন্দরীতি শাকম্ভরীতি শশিশেখরবল্লভেতি । সৃষ্টিস্থিতিপ্রলযকেলিষু সংস্থিতাযৈ তস্যৈ নমস্ত্রিভুবনৈকগুরোস্তরুণ্যৈ ॥

Girdevateti garudadhvajasundariti Shakambhariti shashishekharavallabheti Srishtisthitipralayakelishu samsthitayai Tasyai namastribhuvanaikagurostarunyai

শ্রুত্যৈ নমোঽস্তু শুভকর্মফলপ্রসূত্যৈ রত্যৈ নমোঽস্তু রমণীযগুণার্ণবাযৈ । শক্ত্যৈ নমোঽস্তু শতপত্রনিকেতনাযৈ পুষ্ট্যৈ নমোঽস্তু পুরুষোত্তমবল্লভাযৈ ॥

Shrutyai namostu shubhakarmaphalaprasutyai Ratyai namostu ramaniyagunarnavayai Shaktyai namostu shatapatraniketanayai Pushtyai namostu purushottamavallabhayai

নমোঽস্তু নালীকনিভাননাযৈ নমোঽস্তু দুগ্ধোদধিজন্মভূম্যৈ । নমোঽস্তু সোমামৃতসোদরাযৈ নমোঽস্তু নারাযণবল্লভাযৈ ॥

Namostu nalikanibhananayai Namostu dugdhodadhijanmabhumyai Namostu somamritasodarayai Namostu narayanavallabhayai

সম্পত্করাণি সকলেন্দ্রিযনন্দনানি সাম্রাজ্যদানবিভবানি সরোরুহাক্ষি । ত্বদ্বন্দনানি দুরিতাহরণোদ্যতানি মামেব মাতরনিশং কলযন্তু মান্যে ॥

Sampatkarani sakalendriyanandanani Samrajyadanavibhavani saroruhakshi Tvadvandanani duritaharanodyatani Mameva mataranisham kalayantu manye

যত্কটাক্ষসমুপাসনাবিধিঃ সেবকস্য সকলার্থসম্পদঃ । সন্তনোতি বচনাঙ্গমানসৈঃ ত্বাং মুরারিহৃদযেশ্বরীং ভজে ॥

Yatkatakshasamupasanavidhih Sevakasya sakalarthasampadah Santanoti vachanangamanasaih Tvam murarihridayeshvarim bhaje

সরসিজনিলযে সরোজহস্তে ধবলতমাংশুকগন্ধমাল্যশোভে । ভগবতি হরিবল্লভে মনোজ্ঞে ত্রিভুবনভূতিকরি প্রসীদ মহ্যম্ ॥

Sarasijanilaye sarojahaste Dhavalatamamshukagandhamalyashobhe Bhagavati harivallabhe manojne Tribhuvanabhutikari prasida mahyam

দিগ্ হস্তিভিঃ কনককুম্ভমুখাবসৃষ্ট- স্বর্বাহিনীবিমলচারুজলপ্লুতাঙ্গীম্ । প্রাতর্নমামি জগতাং জননীমশেষ- লোকাধিনাথগৃহিণীমমৃতাব্ধিপুত্রীম্ ॥

Dig hastibhih kanakakumbhamukhavasrishta- Svarvahinivimalacharujalaplutangim Pratarnamami jagatam jananimashesha- Lokadhinathagrihinimamritabdhiputrim

কমলে কমলাক্ষবল্লভে ত্বং করুণাপূরতরঙ্গিতৈরপাঙ্গৈঃ । অবলোকয মামকিঞ্চনানাং প্রথমং পাত্রমকৃত্রিমং দযাযাঃ ॥

Kamale kamalakshavallabhe tvam Karunapuratarangitairapangaih Avalokaya mamakinchananam Prathamam patramakritrimam dayayah

স্তুবন্তি যে স্তুতিভিরমীভিরন্বহং ত্রযীমযীং ত্রিভুবনমাতরং রমাম্ । গুণাধিকা গুরুতরভাগ্যভাগিনো ভবন্তি তে ভুবি বুধভাবিতাশযাঃ ॥

Stuvanti ye stutibhiramibhiranvaham Trayimayim tribhuvanamataram ramam Gunadhika gurutarabhagyabhagino Bhavanti te bhuvi budhabhavitashayah