Dohā 33 / 60
▶ Listen to recitation🔊 Tap any line to hear it — or ▶ to recite the whole stanza
बार बार प्रभु चहइ उठावा। प्रेम मगन तेहि उठब न भावा॥ प्रभु कर पंकज कपि कें सीसा। सुमिरि सो दसा मगन गौरीसा॥ सावधान मन करि पुनि संकर। लागे कहन कथा अति सुंदर॥ कपि उठाइ प्रभु हृदयँ लगावा। कर गहि परम निकट बैठावा॥ कहु कपि रावन पालित लंका। केहि बिधि दहेउ दुर्ग अति बंका॥ प्रभु प्रसन्न जाना हनुमाना। बोला बचन बिगत अभिमाना॥ साखामृग के बड़ि मनुसाई। साखा तें साखा पर जाई॥ नाघि सिंधु हाटकपुर जारा। निसिचर गन बिधि बिपिन उजारा। सो सब तव प्रताप रघुराई। नाथ न कछू मोरि प्रभुताई॥
bāra bāra prabhu cahai uṭhāvā prema magana tehi uṭhaba na bhāvā prabhu kara paṃkaja kapi keṃ sīsā sumiri so dasā magana gaurīsā sāvadhāna mana kari puni saṃkara lāge kahana kathā ati suṃdara kapi uṭhāi prabhu hṛdaya~ lagāvā kara gahi parama nikaṭa baiṭhāvā kahu kapi rāvana pālita laṃkā kehi bidhi daheu durga ati baṃkā prabhu prasanna jānā hanumānā bolā bacana bigata abhimānā sākhāmṛga ke baḍi manusāī sākhā teṃ sākhā para jāī nāghi siṃdhu hāṭakapura jārā nisicara gana bidhi bipina ujārā so saba tava pratāpa raghurāī nātha na kachū mori prabhutāī
ता कहुँ प्रभु कछु अगम नहिं जा पर तुम्ह अनुकुल। तब प्रभावँ बड़वानलहिं जारि सकइ खलु तूल॥33॥
tā kahu~ prabhu kachu agama nahiṃ jā para tumha anukula taba prabhāva~ baḍavānalahiṃ jāri sakai khalu tūla 33