Dohā 28 / 60
▶ Listen to recitation🔊 Tap any line to hear it — or ▶ to recite the whole stanza
चलत महाधुनि गर्जेसि भारी। गर्भ स्त्रवहिं सुनि निसिचर नारी॥ नाघि सिंधु एहि पारहि आवा। सबद किलकिला कपिन्ह सुनावा॥ हरषे सब बिलोकि हनुमाना। नूतन जन्म कपिन्ह तब जाना॥ मुख प्रसन्न तन तेज बिराजा। कीन्हेसि रामचन्द्र कर काजा॥ मिले सकल अति भए सुखारी। तलफत मीन पाव जिमि बारी॥ चले हरषि रघुनायक पासा। पूँछत कहत नवल इतिहासा॥ तब मधुबन भीतर सब आए। अंगद संमत मधु फल खाए॥ रखवारे जब बरजन लागे। मुष्टि प्रहार हनत सब भागे॥
calata mahādhuni garjesi bhārī garbha stravahiṃ suni nisicara nārī nāghi siṃdhu ehi pārahi āvā sabada kilakilā kapinha sunāvā haraṣe saba biloki hanumānā nūtana janma kapinha taba jānā mukha prasanna tana teja birājā kīnhesi rāmacandra kara kājā mile sakala ati bhae sukhārī talaphata mīna pāva jimi bārī cale haraṣi raghunāyaka pāsā pū~chata kahata navala itihāsā taba madhubana bhītara saba āe aṃgada saṃmata madhu phala khāe rakhavāre jaba barajana lāge muṣṭi prahāra hanata saba bhāge
जाइ पुकारे ते सब बन उजार जुबराज। सुनि सुग्रीव हरष कपि करि आए प्रभु काज॥28॥
jāi pukāre te saba bana ujāra jubarāja suni sugrīva haraṣa kapi kari āe prabhu kāja 28