Ganpati Atharvashirsha in Odia

॥ ଶାନ୍ତି ପାଠ ॥ ଓଁ ଭଦ୍ରଂ କର୍ଣେଭିଃ ଶ‍ୃଣୁଯାମ ଦେଵାଃ । ଭଦ୍ରଂ ପଶ୍ଯେମାକ୍ଷଭିର୍ଯଜତ୍ରାଃ ॥ ସ୍ଥିରୈରଙ୍ଗୈସ୍ତୁଷ୍ଟୁଵାଂସସ୍ତନୂଭିଃ । ଵ୍ଯଶେମ ଦେଵହିତଂ ଯଦାଯୁଃ ॥ ଓଁ ସ୍ଵସ୍ତି ନ ଇନ୍ଦ୍ରୋ ଵୃଦ୍ଧଶ୍ରଵାଃ । ସ୍ଵସ୍ତି ନଃ ପୂଷା ଵିଶ୍ଵଵେଦାଃ ॥ ସ୍ଵସ୍ତି ନସ୍ତାର୍କ୍ଷ୍ଯୋ ଅରିଷ୍ଟନେମିଃ । ସ୍ଵସ୍ତି ନୋ ବୃହସ୍ପତିର୍ଦଧାତୁ ॥ ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥

Shanti patha Om bhadram karnebhih sharinuyama devah Bhadram pashyemakshabhiryajatrah Sthirairangaistushtuvamsastanubhih Vyashema devahitam yadayuh Om svasti na indro vriddhashravah Svasti nah pusha vishvavedah Svasti nastarkshyo arishtanemih Svasti no brihaspatirdadhatu Om shantih shantih shantih

॥ ଉପନିଷତ୍ ॥ ଓଁ ନମସ୍ତେ ଗଣପତଯେ ॥ ତ୍ଵମେଵ ପ୍ରତ୍ଯକ୍ଷଂ ତତ୍ତ୍ଵମସି ॥ ତ୍ଵମେଵ କେଵଲଂ କର୍ତାଽସି ॥ ତ୍ଵମେଵ କେଵଲଂ ଧର୍ତାଽସି ॥ ତ୍ଵମେଵ କେଵଲଂ ହର୍ତାଽସି ॥ ତ୍ଵମେଵ ସର୍ଵଂ ଖଲ୍ଵିଦଂ ବ୍ରହ୍ମାସି ॥ ତ୍ଵଂ ସାକ୍ଷାଦାତ୍ମାଽସି ନିତ୍ଯମ୍ ॥ ୧॥

Upanishat Om namaste ganapataye Tvameva pratyaksham tattvamasi Tvameva kevalam kartasi tvameva kevalam dhartasi Tvameva kevalam hartasi Tvameva sarvam khalvidam brahmasi Tvam sakshadatmasi nityam

॥ ସ୍ଵରୂପ ତତ୍ତ୍ଵ ॥ ଋତଂ ଵଚ୍ମି ॥ ସତ୍ଯଂ ଵଚ୍ମି ॥ ୨॥ ଅଵ ତ୍ଵଂ ମାମ୍ ॥ ଅଵ ଵକ୍ତାରମ୍ ॥ ଅଵ ଶ୍ରୋତାରମ୍ ॥ ଅଵ ଦାତାରମ୍ ॥ ଅଵ ଧାତାରମ୍ ॥ ଅଵାନୂଚାନମଵ ଶିଷ୍ଯମ୍ ॥ ଅଵ ପଶ୍ଚାତ୍ତାତ୍ ॥ ଅଵ ପୁରସ୍ତାତ୍ ॥ ଅଵୋତ୍ତରାତ୍ତାତ୍ ॥ ଅଵ ଦକ୍ଷିଣାତ୍ତାତ୍ ॥ ଅଵ ଚୋର୍ଧ୍ଵାତ୍ତାତ୍ ॥ ଅଵାଧରାତ୍ତାତ୍ ॥ ସର୍ଵତୋ ମାଂ ପାହି ପାହି ସମନ୍ତାତ୍ ॥ ୩॥

Svarupa tattva Ritam vachmi satyam vachmi Ava tvam mam ava vaktaram ava shrotaram Ava dataram ava dhataram Avanuchanamava shishyam Ava pashchattat ava purastat Avottarattat ava dakshinattat Ava chordhvattat avadharattat Sarvato mam pahi pahi samantat

ତ୍ଵଂ ଵାଙ୍ମଯସ୍ତ୍ଵଂ ଚିନ୍ମଯଃ ॥ ତ୍ଵମାନନ୍ଦମଯସ୍ତ୍ଵଂ ବ୍ରହ୍ମମଯଃ ॥ ତ୍ଵଂ ସଚ୍ଚିଦାନନ୍ଦାଦ୍ଵିତୀଯୋଽସି ॥ ତ୍ଵଂ ପ୍ରତ୍ଯକ୍ଷଂ ବ୍ରହ୍ମାସି ॥ ତ୍ଵଂ ଜ୍ଞାନମଯୋ ଵିଜ୍ଞାନମଯୋଽସି ॥ ୪॥

Tvam vanmayastvam chinmayah Tvamanandamayastvam brahmamayah Tvam sachchidanandadvitiyosi Tvam pratyaksham brahmasi Tvam jnanamayo vijnanamayosi

ସର୍ଵଂ ଜଗଦିଦଂ ତ୍ଵତ୍ତୋ ଜାଯତେ ॥ ସର୍ଵଂ ଜଗଦିଦଂ ତ୍ଵତ୍ତସ୍ତିଷ୍ଠତି ॥ ସର୍ଵଂ ଜଗଦିଦଂ ତ୍ଵଯି ଲଯମେଷ୍ଯତି ॥ ସର୍ଵଂ ଜଗଦିଦଂ ତ୍ଵଯି ପ୍ରତ୍ଯେତି ॥ ତ୍ଵଂ ଭୂମିରାପୋଽନଲୋଽନିଲୋ ନଭଃ ॥ ତ୍ଵଂ ଚତ୍ଵାରି ଵାକ୍ପଦାନି ॥ ୫॥

Sarvam jagadidam tvatto jayate Sarvam jagadidam tvattastishthati Sarvam jagadidam tvayi layameshyati Sarvam jagadidam tvayi pratyeti Tvam bhumiraponalonilo nabhah Tvam chatvari vakpadani

ତ୍ଵଂ ଗୁଣତ୍ରଯାତୀତଃ ॥ ତ୍ଵମଵସ୍ଥାତ୍ରଯାତୀତଃ ॥ ତ୍ଵଂ ଦେହତ୍ରଯାତୀତଃ ॥ ତ୍ଵଂ କାଲତ୍ରଯାତୀତଃ ॥ ତ୍ଵଂ ମୂଲାଧାରସ୍ଥିତୋଽସି ନିତ୍ଯମ୍ ॥ ତ୍ଵଂ ଶକ୍ତିତ୍ରଯାତ୍ମକଃ ॥ ତ୍ଵାଂ ଯୋଗିନୋ ଧ୍ଯାଯନ୍ତି ନିତ୍ଯମ୍ ॥ ତ୍ଵଂ ବ୍ରହ୍ମା ତ୍ଵଂ ଵିଷ୍ଣୁସ୍ତ୍ଵଂ ରୁଦ୍ରସ୍ତ୍ଵମିନ୍ଦ୍ରସ୍ତ୍ଵମଗ୍ନିସ୍ତ୍ଵଂ ଵାଯୁସ୍ତ୍ଵଂ ସୂର୍ଯସ୍ତ୍ଵଂ ଚନ୍ଦ୍ରମାସ୍ତ୍ଵଂ ବ୍ରହ୍ମ ଭୂର୍ଭୁଵଃସ୍ଵରୋମ୍ ॥ ୬॥

Tvam gunatrayatitah tvamavasthatrayatitah Tvam dehatrayatitah tvam kalatrayatitah Tvam muladharasthitosi nityam Tvam shaktitrayatmakah Tvam yogino dhyayanti nityam Tvam brahma tvam vishnustvam rudrastvamindrastvamagnistvam Vayustvam suryastvam chandramastvam brahma bhurbhuvahsvarom

॥ ଗଣେଶ ମନ୍ତ୍ର ॥ ଗଣାଦିଂ ପୂର୍ଵମୁଚ୍ଚାର୍ଯ ଵର୍ଣାଦିଂ ତଦନନ୍ତରମ୍ ॥ ଅନୁସ୍ଵାରଃ ପରତରଃ ॥ ଅର୍ଧେନ୍ଦୁଲସିତମ୍ ॥ ତାରେଣ ଋଦ୍ଧମ୍ ॥ ଏତତ୍ତଵ ମନୁସ୍ଵରୂପମ୍ ॥ ଗକାରଃ ପୂର୍ଵରୂପମ୍ ॥ ଅକାରୋ ମଧ୍ଯମରୂପମ୍ ॥ ଅନୁସ୍ଵାରଶ୍ଚାନ୍ତ୍ଯରୂପମ୍ ॥ ବିନ୍ଦୁରୁତ୍ତରରୂପମ୍ ॥ ନାଦଃ ସନ୍ଧାନମ୍ ॥ ସଂହିତାସନ୍ଧିଃ ॥ ସୈଷା ଗଣେଶଵିଦ୍ଯା ॥ ଗଣକଋଷିଃ ॥ ନିଚୃଦ୍ଗାଯତ୍ରୀଚ୍ଛନ୍ଦଃ ॥ ଗଣପତିର୍ଦେଵତା ॥ ଓଁ ଗଂ ଗଣପତଯେ ନମଃ ॥ ୭॥

Ganesha mantra Ganadim purvamuchcharya varnadim tadanantaram Anusvarah paratarah ardhendulasitam tarena riddham Etattava manusvarupam Gakarah purvarupam akaro madhyamarupam Anusvarashchantyarupam binduruttararupam Nadah sandhanam samhitasandhih Saisha ganeshavidya ganakarishih Nichridgayatrichchhandah ganapatirdevata Om gam ganapataye namah

॥ ଗଣେଶ ଗାଯତ୍ରୀ ॥ ଏକଦନ୍ତାଯ ଵିଦ୍ମହେ । ଵକ୍ରତୁଣ୍ଡାଯ ଧୀମହି ॥ ତନ୍ନୋ ଦନ୍ତିଃ ପ୍ରଚୋଦଯାତ୍ ॥ ୮॥

Ganesha gayatri Ekadantaya vidmahe vakratundaya dhimahi Tanno dantih prachodayat

॥ ଗଣେଶ ରୂପ ॥ ଏକଦନ୍ତଂ ଚତୁର୍ହସ୍ତଂ ପାଶମଙ୍କୁଶଧାରିଣମ୍ ॥ ରଦଂ ଚ ଵରଦଂ ହସ୍ତୈର୍ବିଭ୍ରାଣଂ ମୂଷକଧ୍ଵଜମ୍ ॥ ରକ୍ତଂ ଲମ୍ବୋଦରଂ ଶୂର୍ପକର୍ଣକଂ ରକ୍ତଵାସସମ୍ ॥ ରକ୍ତଗନ୍ଧାନୁଲିପ୍ତାଙ୍ଗଂ ରକ୍ତପୁଷ୍ପୈଃ ସୁପୂଜିତମ୍ ॥ ଭକ୍ତାନୁକମ୍ପିନଂ ଦେଵଂ ଜଗତ୍କାରଣମଚ୍ଯୁତମ୍ ॥ ଆଵିର୍ଭୂତଂ ଚ ସୃଷ୍ଟ୍ଯାଦୌ ପ୍ରକୃତେଃ ପୁରୁଷାତ୍ପରମ୍ ॥ ଏଵଂ ଧ୍ଯାଯତି ଯୋ ନିତ୍ଯଂ ସ ଯୋଗୀ ଯୋଗିନାଂ ଵରଃ ॥ ୯॥

Ganesha rupa Ekadantam chaturhastam pashamankushadharinam Radam cha varadam hastairbibhranam mushakadhvajam Raktam lambodaram shurpakarnakam raktavasasam Raktagandhanuliptangam raktapushpaih supujitam Bhaktanukampinam devam jagatkaranamachyutam Avirbhutam cha srishtyadau prakriteh purushatparam Evam dhyayati yo nityam sa yogi yoginam varah

॥ ଅଷ୍ଟ ନାମ ଗଣପତି ॥ ନମୋ ଵ୍ରାତପତଯେ ॥ ନମୋ ଗଣପତଯେ ॥ ନମଃ ପ୍ରମଥପତଯେ ॥ ନମସ୍ତେଽସ୍ତୁ ଲମ୍ବୋଦରାଯୈକଦନ୍ତାଯ ॥ ଵିଘ୍ନନାଶିନେ ଶିଵସୁତାଯ ॥ ଶ୍ରୀଵରଦମୂର୍ତଯେ ନମୋ ନମଃ ॥ ୧୦॥

Ashta nama ganapati Namo vratapataye namo ganapataye Namah pramathapataye Namastestu lambodarayaikadantaya Vighnanashine shivasutaya Shrivaradamurtaye namo namah

॥ ଫଲଶ୍ରୁତି ॥ ଏତଦଥର୍ଵଶୀର୍ଷଂ ଯୋଽଧୀତେ ॥ ସ ବ୍ରହ୍ମଭୂଯାଯ କଲ୍ପତେ ॥ ସ ସର୍ଵତଃ ସୁଖମେଧତେ ॥ ସ ସର୍ଵଵିଘ୍ନୈର୍ନ ବାଧ୍ଯତେ ॥ ସ ପଞ୍ଚମହାପାପାତ୍ପ୍ରମୁଚ୍ଯତେ ॥ ସାଯମଧୀଯାନୋ ଦିଵସକୃତଂ ପାପଂ ନାଶଯତି ॥ ପ୍ରାତରଧୀଯାନୋ ରାତ୍ରିକୃତଂ ପାପଂ ନାଶଯତି ॥ ସାଯଂ ପ୍ରାତଃ ପ୍ରଯୁଞ୍ଜାନୋ ଅପାପୋ ଭଵତି ॥ ସର୍ଵତ୍ରାଧୀଯାନୋଽପଵିଘ୍ନୋ ଭଵତି ॥ ଧର୍ମାର୍ଥକାମମୋକ୍ଷଂ ଚ ଵିନ୍ଦତି ॥

Phalashruti Etadatharvashirsham yodhite sa brahmabhuyaya kalpate Sa sarvatah sukhamedhate sa sarvavighnairna badhyate Sa panchamahapapatpramuchyate Sayamadhiyano divasakritam papam nashayati Prataradhiyano ratrikritam papam nashayati Sayam pratah prayunjano apapo bhavati Sarvatradhiyanopavighno bhavati Dharmarthakamamoksham cha vindati

ଇଦମଥର୍ଵଶୀର୍ଷମଶିଷ୍ଯାଯ ନ ଦେଯମ୍ ॥ ଯୋ ଯଦି ମୋହାଦ୍ଦାସ୍ଯତି ସ ପାପୀଯାନ୍ ଭଵତି ॥ ସହସ୍ରାଵର୍ତନାଦ୍ଯଂ ଯଂ କାମମଧୀତେ ତଂ ତମନେନ ସାଧଯେତ୍ ॥ ୧୧॥ ଅନେନ ଗଣପତିମଭିଷିଞ୍ଚତି ସ ଵାଗ୍ମୀ ଭଵତି ॥ ଚତୁର୍ଥ୍ଯାମନଶ୍ନନ୍ ଜପତି ସ ଵିଦ୍ଯାଵାନ୍ ଭଵତି ॥ ଇତ୍ଯଥର୍ଵଣଵାକ୍ଯମ୍ ॥ ବ୍ରହ୍ମାଦ୍ଯାଵରଣଂ ଵିଦ୍ଯାତ୍ ॥ ନ ବିଭେତି କଦାଚନେତି ॥ ୧୨॥

Idamatharvashirshamashishyaya na deyam Yo yadi mohaddasyati sa papiyan bhavati Sahasravartanadyam yam kamamadhite tam tamanena sadhayet Anena ganapatimabhishinchati sa vagmi bhavati Chaturthyamanashnan japati sa vidyavan bhavati Ityatharvanavakyam Brahmadyavaranam vidyat na bibheti kadachaneti

ଯୋ ଦୂର୍ଵାଙ୍କୁରୈର୍ଯଜତି ସ ଵୈଶ୍ରଵଣୋପମୋ ଭଵତି ॥ ଯୋ ଲାଜୈର୍ଯଜତି ସ ଯଶୋଵାନ୍ ଭଵତି ॥ ସ ମେଧାଵାନ୍ ଭଵତି ॥ ଯୋ ମୋଦକସହସ୍ରେଣ ଯଜତି ସ ଵାଞ୍ଛିତଫଲମଵାପ୍ନୋତି ॥ ଯଃ ସାଜ୍ଯସମିଦ୍ଭିର୍ଯଜତି ସ ସର୍ଵଂ ଲଭତେ ସ ସର୍ଵଂ ଲଭତେ ॥ ୧୩॥ ଅଷ୍ଟୌ ବ୍ରାହ୍ମଣାନ୍ ସମ୍ଯଗ୍ଗ୍ରାହଯିତ୍ଵା ସୂର୍ଯଵର୍ଚସ୍ଵୀ ଭଵତି ॥ ସୂର୍ଯଗ୍ରହେ ମହାନଦ୍ଯାଂ ପ୍ରତିମାସନ୍ନିଧୌ ଵା ଜପ୍ତ୍ଵା ସିଦ୍ଧମନ୍ତ୍ରୋ ଭଵତି ॥ ମହାଵିଘ୍ନାତ୍ପ୍ରମୁଚ୍ଯତେ ॥ ମହାଦୋଷାତ୍ପ୍ରମୁଚ୍ଯତେ ॥ ମହାପାପାତ୍ପ୍ରମୁଚ୍ଯତେ ॥ ସ ସର୍ଵଵିଦ୍ଭଵତି ସ ସର୍ଵଵିଦ୍ଭଵତି ॥ ଯ ଏଵଂ ଵେଦ ॥ ଇତ୍ଯୁପନିଷତ୍ ॥ ୧୪॥

Yo durvankurairyajati sa vaishravanopamo bhavati Yo lajairyajati sa yashovan bhavati sa medhavan bhavati Yo modakasahasrena yajati sa vanchhitaphalamavapnoti Yah sajyasamidbhiryajati sa sarvam labhate sa sarvam labhate Ashtau brahmanan samyaggrahayitva suryavarchasvi bhavati Suryagrahe mahanadyam pratimasannidhau va japtva siddhamantro bhavati Mahavighnatpramuchyate mahadoshatpramuchyate mahapapatpramuchyate Sa sarvavidbhavati sa sarvavidbhavati ya evam veda ityupanishat

॥ ଶାନ୍ତି ମନ୍ତ୍ର ॥ ଓଁ ସହନାଵଵତୁ ॥ ସହ ନୌ ଭୁନକ୍ତୁ ॥ ସହ ଵୀର୍ଯଂ କରଵାଵହୈ ॥ ତେଜସ୍ଵିନାଵଧୀତମସ୍ତୁ ମା ଵିଦ୍ଵିଷାଵହୈ ॥ ଓଁ ଭଦ୍ରଂ କର୍ଣେଭିଃ ଶ‍ୃଣୁଯାମ ଦେଵାଃ । ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥ ॥ ଇତି ଶ୍ରୀଗଣପତ୍ଯଥର୍ଵଶୀର୍ଷଂ ସମାପ୍ତମ୍ ॥

Shanti mantra Om sahanavavatu saha nau bhunaktu Saha viryam karavavahai Tejasvinavadhitamastu ma vidvishavahai Om bhadram karnebhih sharinuyama devah Om shantih shantih shantih Iti shriganapatyatharvashirsham samaptam