Ganpati Atharvashirsha in Bengali

॥ শান্তি পাঠ ॥ ওঁ ভদ্রং কর্ণেভিঃ শ‍ৃণুযাম দেবাঃ । ভদ্রং পশ্যেমাক্ষভির্যজত্রাঃ ॥ স্থিরৈরঙ্গৈস্তুষ্টুবাংসস্তনূভিঃ । ব্যশেম দেবহিতং যদাযুঃ ॥ ওঁ স্বস্তি ন ইন্দ্রো বৃদ্ধশ্রবাঃ । স্বস্তি নঃ পূষা বিশ্ববেদাঃ ॥ স্বস্তি নস্তার্ক্ষ্যো অরিষ্টনেমিঃ । স্বস্তি নো বৃহস্পতির্দধাতু ॥ ওঁ শান্তিঃ শান্তিঃ শান্তিঃ ॥

Shanti patha Om bhadram karnebhih sharinuyama devah Bhadram pashyemakshabhiryajatrah Sthirairangaistushtuvamsastanubhih Vyashema devahitam yadayuh Om svasti na indro vriddhashravah Svasti nah pusha vishvavedah Svasti nastarkshyo arishtanemih Svasti no brihaspatirdadhatu Om shantih shantih shantih

॥ উপনিষত্ ॥ ওঁ নমস্তে গণপতযে ॥ ত্বমেব প্রত্যক্ষং তত্ত্বমসি ॥ ত্বমেব কেবলং কর্তাঽসি ॥ ত্বমেব কেবলং ধর্তাঽসি ॥ ত্বমেব কেবলং হর্তাঽসি ॥ ত্বমেব সর্বং খল্বিদং ব্রহ্মাসি ॥ ত্বং সাক্ষাদাত্মাঽসি নিত্যম্ ॥ ১॥

Upanishat Om namaste ganapataye Tvameva pratyaksham tattvamasi Tvameva kevalam kartasi tvameva kevalam dhartasi Tvameva kevalam hartasi Tvameva sarvam khalvidam brahmasi Tvam sakshadatmasi nityam

॥ স্বরূপ তত্ত্ব ॥ ঋতং বচ্মি ॥ সত্যং বচ্মি ॥ ২॥ অব ত্বং মাম্ ॥ অব বক্তারম্ ॥ অব শ্রোতারম্ ॥ অব দাতারম্ ॥ অব ধাতারম্ ॥ অবানূচানমব শিষ্যম্ ॥ অব পশ্চাত্তাত্ ॥ অব পুরস্তাত্ ॥ অবোত্তরাত্তাত্ ॥ অব দক্ষিণাত্তাত্ ॥ অব চোর্ধ্বাত্তাত্ ॥ অবাধরাত্তাত্ ॥ সর্বতো মাং পাহি পাহি সমন্তাত্ ॥ ৩॥

Svarupa tattva Ritam vachmi satyam vachmi Ava tvam mam ava vaktaram ava shrotaram Ava dataram ava dhataram Avanuchanamava shishyam Ava pashchattat ava purastat Avottarattat ava dakshinattat Ava chordhvattat avadharattat Sarvato mam pahi pahi samantat

ত্বং বাঙ্মযস্ত্বং চিন্মযঃ ॥ ত্বমানন্দমযস্ত্বং ব্রহ্মমযঃ ॥ ত্বং সচ্চিদানন্দাদ্বিতীযোঽসি ॥ ত্বং প্রত্যক্ষং ব্রহ্মাসি ॥ ত্বং জ্ঞানমযো বিজ্ঞানমযোঽসি ॥ ৪॥

Tvam vanmayastvam chinmayah Tvamanandamayastvam brahmamayah Tvam sachchidanandadvitiyosi Tvam pratyaksham brahmasi Tvam jnanamayo vijnanamayosi

সর্বং জগদিদং ত্বত্তো জাযতে ॥ সর্বং জগদিদং ত্বত্তস্তিষ্ঠতি ॥ সর্বং জগদিদং ত্বযি লযমেষ্যতি ॥ সর্বং জগদিদং ত্বযি প্রত্যেতি ॥ ত্বং ভূমিরাপোঽনলোঽনিলো নভঃ ॥ ত্বং চত্বারি বাক্পদানি ॥ ৫॥

Sarvam jagadidam tvatto jayate Sarvam jagadidam tvattastishthati Sarvam jagadidam tvayi layameshyati Sarvam jagadidam tvayi pratyeti Tvam bhumiraponalonilo nabhah Tvam chatvari vakpadani

ত্বং গুণত্রযাতীতঃ ॥ ত্বমবস্থাত্রযাতীতঃ ॥ ত্বং দেহত্রযাতীতঃ ॥ ত্বং কালত্রযাতীতঃ ॥ ত্বং মূলাধারস্থিতোঽসি নিত্যম্ ॥ ত্বং শক্তিত্রযাত্মকঃ ॥ ত্বাং যোগিনো ধ্যাযন্তি নিত্যম্ ॥ ত্বং ব্রহ্মা ত্বং বিষ্ণুস্ত্বং রুদ্রস্ত্বমিন্দ্রস্ত্বমগ্নিস্ত্বং বাযুস্ত্বং সূর্যস্ত্বং চন্দ্রমাস্ত্বং ব্রহ্ম ভূর্ভুবঃস্বরোম্ ॥ ৬॥

Tvam gunatrayatitah tvamavasthatrayatitah Tvam dehatrayatitah tvam kalatrayatitah Tvam muladharasthitosi nityam Tvam shaktitrayatmakah Tvam yogino dhyayanti nityam Tvam brahma tvam vishnustvam rudrastvamindrastvamagnistvam Vayustvam suryastvam chandramastvam brahma bhurbhuvahsvarom

॥ গণেশ মন্ত্র ॥ গণাদিং পূর্বমুচ্চার্য বর্ণাদিং তদনন্তরম্ ॥ অনুস্বারঃ পরতরঃ ॥ অর্ধেন্দুলসিতম্ ॥ তারেণ ঋদ্ধম্ ॥ এতত্তব মনুস্বরূপম্ ॥ গকারঃ পূর্বরূপম্ ॥ অকারো মধ্যমরূপম্ ॥ অনুস্বারশ্চান্ত্যরূপম্ ॥ বিন্দুরুত্তররূপম্ ॥ নাদঃ সন্ধানম্ ॥ সংহিতাসন্ধিঃ ॥ সৈষা গণেশবিদ্যা ॥ গণকঋষিঃ ॥ নিচৃদ্গাযত্রীচ্ছন্দঃ ॥ গণপতির্দেবতা ॥ ওঁ গং গণপতযে নমঃ ॥ ৭॥

Ganesha mantra Ganadim purvamuchcharya varnadim tadanantaram Anusvarah paratarah ardhendulasitam tarena riddham Etattava manusvarupam Gakarah purvarupam akaro madhyamarupam Anusvarashchantyarupam binduruttararupam Nadah sandhanam samhitasandhih Saisha ganeshavidya ganakarishih Nichridgayatrichchhandah ganapatirdevata Om gam ganapataye namah

॥ গণেশ গাযত্রী ॥ একদন্তায বিদ্মহে । বক্রতুণ্ডায ধীমহি ॥ তন্নো দন্তিঃ প্রচোদযাত্ ॥ ৮॥

Ganesha gayatri Ekadantaya vidmahe vakratundaya dhimahi Tanno dantih prachodayat

॥ গণেশ রূপ ॥ একদন্তং চতুর্হস্তং পাশমঙ্কুশধারিণম্ ॥ রদং চ বরদং হস্তৈর্বিভ্রাণং মূষকধ্বজম্ ॥ রক্তং লম্বোদরং শূর্পকর্ণকং রক্তবাসসম্ ॥ রক্তগন্ধানুলিপ্তাঙ্গং রক্তপুষ্পৈঃ সুপূজিতম্ ॥ ভক্তানুকম্পিনং দেবং জগত্কারণমচ্যুতম্ ॥ আবির্ভূতং চ সৃষ্ট্যাদৌ প্রকৃতেঃ পুরুষাত্পরম্ ॥ এবং ধ্যাযতি যো নিত্যং স যোগী যোগিনাং বরঃ ॥ ৯॥

Ganesha rupa Ekadantam chaturhastam pashamankushadharinam Radam cha varadam hastairbibhranam mushakadhvajam Raktam lambodaram shurpakarnakam raktavasasam Raktagandhanuliptangam raktapushpaih supujitam Bhaktanukampinam devam jagatkaranamachyutam Avirbhutam cha srishtyadau prakriteh purushatparam Evam dhyayati yo nityam sa yogi yoginam varah

॥ অষ্ট নাম গণপতি ॥ নমো ব্রাতপতযে ॥ নমো গণপতযে ॥ নমঃ প্রমথপতযে ॥ নমস্তেঽস্তু লম্বোদরাযৈকদন্তায ॥ বিঘ্ননাশিনে শিবসুতায ॥ শ্রীবরদমূর্তযে নমো নমঃ ॥ ১০॥

Ashta nama ganapati Namo vratapataye namo ganapataye Namah pramathapataye Namastestu lambodarayaikadantaya Vighnanashine shivasutaya Shrivaradamurtaye namo namah

॥ ফলশ্রুতি ॥ এতদথর্বশীর্ষং যোঽধীতে ॥ স ব্রহ্মভূযায কল্পতে ॥ স সর্বতঃ সুখমেধতে ॥ স সর্ববিঘ্নৈর্ন বাধ্যতে ॥ স পঞ্চমহাপাপাত্প্রমুচ্যতে ॥ সাযমধীযানো দিবসকৃতং পাপং নাশযতি ॥ প্রাতরধীযানো রাত্রিকৃতং পাপং নাশযতি ॥ সাযং প্রাতঃ প্রযুঞ্জানো অপাপো ভবতি ॥ সর্বত্রাধীযানোঽপবিঘ্নো ভবতি ॥ ধর্মার্থকামমোক্ষং চ বিন্দতি ॥

Phalashruti Etadatharvashirsham yodhite sa brahmabhuyaya kalpate Sa sarvatah sukhamedhate sa sarvavighnairna badhyate Sa panchamahapapatpramuchyate Sayamadhiyano divasakritam papam nashayati Prataradhiyano ratrikritam papam nashayati Sayam pratah prayunjano apapo bhavati Sarvatradhiyanopavighno bhavati Dharmarthakamamoksham cha vindati

ইদমথর্বশীর্ষমশিষ্যায ন দেযম্ ॥ যো যদি মোহাদ্দাস্যতি স পাপীযান্ ভবতি ॥ সহস্রাবর্তনাদ্যং যং কামমধীতে তং তমনেন সাধযেত্ ॥ ১১॥ অনেন গণপতিমভিষিঞ্চতি স বাগ্মী ভবতি ॥ চতুর্থ্যামনশ্নন্ জপতি স বিদ্যাবান্ ভবতি ॥ ইত্যথর্বণবাক্যম্ ॥ ব্রহ্মাদ্যাবরণং বিদ্যাত্ ॥ ন বিভেতি কদাচনেতি ॥ ১২॥

Idamatharvashirshamashishyaya na deyam Yo yadi mohaddasyati sa papiyan bhavati Sahasravartanadyam yam kamamadhite tam tamanena sadhayet Anena ganapatimabhishinchati sa vagmi bhavati Chaturthyamanashnan japati sa vidyavan bhavati Ityatharvanavakyam Brahmadyavaranam vidyat na bibheti kadachaneti

যো দূর্বাঙ্কুরৈর্যজতি স বৈশ্রবণোপমো ভবতি ॥ যো লাজৈর্যজতি স যশোবান্ ভবতি ॥ স মেধাবান্ ভবতি ॥ যো মোদকসহস্রেণ যজতি স বাঞ্ছিতফলমবাপ্নোতি ॥ যঃ সাজ্যসমিদ্ভির্যজতি স সর্বং লভতে স সর্বং লভতে ॥ ১৩॥ অষ্টৌ ব্রাহ্মণান্ সম্যগ্গ্রাহযিত্বা সূর্যবর্চস্বী ভবতি ॥ সূর্যগ্রহে মহানদ্যাং প্রতিমাসন্নিধৌ বা জপ্ত্বা সিদ্ধমন্ত্রো ভবতি ॥ মহাবিঘ্নাত্প্রমুচ্যতে ॥ মহাদোষাত্প্রমুচ্যতে ॥ মহাপাপাত্প্রমুচ্যতে ॥ স সর্ববিদ্ভবতি স সর্ববিদ্ভবতি ॥ য এবং বেদ ॥ ইত্যুপনিষত্ ॥ ১৪॥

Yo durvankurairyajati sa vaishravanopamo bhavati Yo lajairyajati sa yashovan bhavati sa medhavan bhavati Yo modakasahasrena yajati sa vanchhitaphalamavapnoti Yah sajyasamidbhiryajati sa sarvam labhate sa sarvam labhate Ashtau brahmanan samyaggrahayitva suryavarchasvi bhavati Suryagrahe mahanadyam pratimasannidhau va japtva siddhamantro bhavati Mahavighnatpramuchyate mahadoshatpramuchyate mahapapatpramuchyate Sa sarvavidbhavati sa sarvavidbhavati ya evam veda ityupanishat

॥ শান্তি মন্ত্র ॥ ওঁ সহনাববতু ॥ সহ নৌ ভুনক্তু ॥ সহ বীর্যং করবাবহৈ ॥ তেজস্বিনাবধীতমস্তু মা বিদ্বিষাবহৈ ॥ ওঁ ভদ্রং কর্ণেভিঃ শ‍ৃণুযাম দেবাঃ । ওঁ শান্তিঃ শান্তিঃ শান্তিঃ ॥ ॥ ইতি শ্রীগণপত্যথর্বশীর্ষং সমাপ্তম্ ॥

Shanti mantra Om sahanavavatu saha nau bhunaktu Saha viryam karavavahai Tejasvinavadhitamastu ma vidvishavahai Om bhadram karnebhih sharinuyama devah Om shantih shantih shantih Iti shriganapatyatharvashirsham samaptam