Ganpati Atharvashirsha in Kannada

॥ ಶಾನ್ತಿ ಪಾಠ ॥ ಓಂ ಭದ್ರಂ ಕರ್ಣೇಭಿಃ ಶ‍ೃಣುಯಾಮ ದೇವಾಃ । ಭದ್ರಂ ಪಶ್ಯೇಮಾಕ್ಷಭಿರ್ಯಜತ್ರಾಃ ॥ ಸ್ಥಿರೈರಙ್ಗೈಸ್ತುಷ್ಟುವಾಂಸಸ್ತನೂಭಿಃ । ವ್ಯಶೇಮ ದೇವಹಿತಂ ಯದಾಯುಃ ॥ ಓಂ ಸ್ವಸ್ತಿ ನ ಇನ್ದ್ರೋ ವೃದ್ಧಶ್ರವಾಃ । ಸ್ವಸ್ತಿ ನಃ ಪೂಷಾ ವಿಶ್ವವೇದಾಃ ॥ ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿಃ । ಸ್ವಸ್ತಿ ನೋ ಬೃಹಸ್ಪತಿರ್ದಧಾತು ॥ ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥

Shanti patha Om bhadram karnebhih sharinuyama devah Bhadram pashyemakshabhiryajatrah Sthirairangaistushtuvamsastanubhih Vyashema devahitam yadayuh Om svasti na indro vriddhashravah Svasti nah pusha vishvavedah Svasti nastarkshyo arishtanemih Svasti no brihaspatirdadhatu Om shantih shantih shantih

॥ ಉಪನಿಷತ್ ॥ ಓಂ ನಮಸ್ತೇ ಗಣಪತಯೇ ॥ ತ್ವಮೇವ ಪ್ರತ್ಯಕ್ಷಂ ತತ್ತ್ವಮಸಿ ॥ ತ್ವಮೇವ ಕೇವಲಂ ಕರ್ತಾಽಸಿ ॥ ತ್ವಮೇವ ಕೇವಲಂ ಧರ್ತಾಽಸಿ ॥ ತ್ವಮೇವ ಕೇವಲಂ ಹರ್ತಾಽಸಿ ॥ ತ್ವಮೇವ ಸರ್ವಂ ಖಲ್ವಿದಂ ಬ್ರಹ್ಮಾಸಿ ॥ ತ್ವಂ ಸಾಕ್ಷಾದಾತ್ಮಾಽಸಿ ನಿತ್ಯಮ್ ॥ ೧॥

Upanishat Om namaste ganapataye Tvameva pratyaksham tattvamasi Tvameva kevalam kartasi tvameva kevalam dhartasi Tvameva kevalam hartasi Tvameva sarvam khalvidam brahmasi Tvam sakshadatmasi nityam

॥ ಸ್ವರೂಪ ತತ್ತ್ವ ॥ ಋತಂ ವಚ್ಮಿ ॥ ಸತ್ಯಂ ವಚ್ಮಿ ॥ ೨॥ ಅವ ತ್ವಂ ಮಾಮ್ ॥ ಅವ ವಕ್ತಾರಮ್ ॥ ಅವ ಶ್ರೋತಾರಮ್ ॥ ಅವ ದಾತಾರಮ್ ॥ ಅವ ಧಾತಾರಮ್ ॥ ಅವಾನೂಚಾನಮವ ಶಿಷ್ಯಮ್ ॥ ಅವ ಪಶ್ಚಾತ್ತಾತ್ ॥ ಅವ ಪುರಸ್ತಾತ್ ॥ ಅವೋತ್ತರಾತ್ತಾತ್ ॥ ಅವ ದಕ್ಷಿಣಾತ್ತಾತ್ ॥ ಅವ ಚೋರ್ಧ್ವಾತ್ತಾತ್ ॥ ಅವಾಧರಾತ್ತಾತ್ ॥ ಸರ್ವತೋ ಮಾಂ ಪಾಹಿ ಪಾಹಿ ಸಮನ್ತಾತ್ ॥ ೩॥

Svarupa tattva Ritam vachmi satyam vachmi Ava tvam mam ava vaktaram ava shrotaram Ava dataram ava dhataram Avanuchanamava shishyam Ava pashchattat ava purastat Avottarattat ava dakshinattat Ava chordhvattat avadharattat Sarvato mam pahi pahi samantat

ತ್ವಂ ವಾಙ್ಮಯಸ್ತ್ವಂ ಚಿನ್ಮಯಃ ॥ ತ್ವಮಾನನ್ದಮಯಸ್ತ್ವಂ ಬ್ರಹ್ಮಮಯಃ ॥ ತ್ವಂ ಸಚ್ಚಿದಾನನ್ದಾದ್ವಿತೀಯೋಽಸಿ ॥ ತ್ವಂ ಪ್ರತ್ಯಕ್ಷಂ ಬ್ರಹ್ಮಾಸಿ ॥ ತ್ವಂ ಜ್ಞಾನಮಯೋ ವಿಜ್ಞಾನಮಯೋಽಸಿ ॥ ೪॥

Tvam vanmayastvam chinmayah Tvamanandamayastvam brahmamayah Tvam sachchidanandadvitiyosi Tvam pratyaksham brahmasi Tvam jnanamayo vijnanamayosi

ಸರ್ವಂ ಜಗದಿದಂ ತ್ವತ್ತೋ ಜಾಯತೇ ॥ ಸರ್ವಂ ಜಗದಿದಂ ತ್ವತ್ತಸ್ತಿಷ್ಠತಿ ॥ ಸರ್ವಂ ಜಗದಿದಂ ತ್ವಯಿ ಲಯಮೇಷ್ಯತಿ ॥ ಸರ್ವಂ ಜಗದಿದಂ ತ್ವಯಿ ಪ್ರತ್ಯೇತಿ ॥ ತ್ವಂ ಭೂಮಿರಾಪೋಽನಲೋಽನಿಲೋ ನಭಃ ॥ ತ್ವಂ ಚತ್ವಾರಿ ವಾಕ್ಪದಾನಿ ॥ ೫॥

Sarvam jagadidam tvatto jayate Sarvam jagadidam tvattastishthati Sarvam jagadidam tvayi layameshyati Sarvam jagadidam tvayi pratyeti Tvam bhumiraponalonilo nabhah Tvam chatvari vakpadani

ತ್ವಂ ಗುಣತ್ರಯಾತೀತಃ ॥ ತ್ವಮವಸ್ಥಾತ್ರಯಾತೀತಃ ॥ ತ್ವಂ ದೇಹತ್ರಯಾತೀತಃ ॥ ತ್ವಂ ಕಾಲತ್ರಯಾತೀತಃ ॥ ತ್ವಂ ಮೂಲಾಧಾರಸ್ಥಿತೋಽಸಿ ನಿತ್ಯಮ್ ॥ ತ್ವಂ ಶಕ್ತಿತ್ರಯಾತ್ಮಕಃ ॥ ತ್ವಾಂ ಯೋಗಿನೋ ಧ್ಯಾಯನ್ತಿ ನಿತ್ಯಮ್ ॥ ತ್ವಂ ಬ್ರಹ್ಮಾ ತ್ವಂ ವಿಷ್ಣುಸ್ತ್ವಂ ರುದ್ರಸ್ತ್ವಮಿನ್ದ್ರಸ್ತ್ವಮಗ್ನಿಸ್ತ್ವಂ ವಾಯುಸ್ತ್ವಂ ಸೂರ್ಯಸ್ತ್ವಂ ಚನ್ದ್ರಮಾಸ್ತ್ವಂ ಬ್ರಹ್ಮ ಭೂರ್ಭುವಃಸ್ವರೋಮ್ ॥ ೬॥

Tvam gunatrayatitah tvamavasthatrayatitah Tvam dehatrayatitah tvam kalatrayatitah Tvam muladharasthitosi nityam Tvam shaktitrayatmakah Tvam yogino dhyayanti nityam Tvam brahma tvam vishnustvam rudrastvamindrastvamagnistvam Vayustvam suryastvam chandramastvam brahma bhurbhuvahsvarom

॥ ಗಣೇಶ ಮನ್ತ್ರ ॥ ಗಣಾದಿಂ ಪೂರ್ವಮುಚ್ಚಾರ್ಯ ವರ್ಣಾದಿಂ ತದನನ್ತರಮ್ ॥ ಅನುಸ್ವಾರಃ ಪರತರಃ ॥ ಅರ್ಧೇನ್ದುಲಸಿತಮ್ ॥ ತಾರೇಣ ಋದ್ಧಮ್ ॥ ಏತತ್ತವ ಮನುಸ್ವರೂಪಮ್ ॥ ಗಕಾರಃ ಪೂರ್ವರೂಪಮ್ ॥ ಅಕಾರೋ ಮಧ್ಯಮರೂಪಮ್ ॥ ಅನುಸ್ವಾರಶ್ಚಾನ್ತ್ಯರೂಪಮ್ ॥ ಬಿನ್ದುರುತ್ತರರೂಪಮ್ ॥ ನಾದಃ ಸನ್ಧಾನಮ್ ॥ ಸಂಹಿತಾಸನ್ಧಿಃ ॥ ಸೈಷಾ ಗಣೇಶವಿದ್ಯಾ ॥ ಗಣಕಋಷಿಃ ॥ ನಿಚೃದ್ಗಾಯತ್ರೀಚ್ಛನ್ದಃ ॥ ಗಣಪತಿರ್ದೇವತಾ ॥ ಓಂ ಗಂ ಗಣಪತಯೇ ನಮಃ ॥ ೭॥

Ganesha mantra Ganadim purvamuchcharya varnadim tadanantaram Anusvarah paratarah ardhendulasitam tarena riddham Etattava manusvarupam Gakarah purvarupam akaro madhyamarupam Anusvarashchantyarupam binduruttararupam Nadah sandhanam samhitasandhih Saisha ganeshavidya ganakarishih Nichridgayatrichchhandah ganapatirdevata Om gam ganapataye namah

॥ ಗಣೇಶ ಗಾಯತ್ರೀ ॥ ಏಕದನ್ತಾಯ ವಿದ್ಮಹೇ । ವಕ್ರತುಣ್ಡಾಯ ಧೀಮಹಿ ॥ ತನ್ನೋ ದನ್ತಿಃ ಪ್ರಚೋದಯಾತ್ ॥ ೮॥

Ganesha gayatri Ekadantaya vidmahe vakratundaya dhimahi Tanno dantih prachodayat

॥ ಗಣೇಶ ರೂಪ ॥ ಏಕದನ್ತಂ ಚತುರ್ಹಸ್ತಂ ಪಾಶಮಙ್ಕುಶಧಾರಿಣಮ್ ॥ ರದಂ ಚ ವರದಂ ಹಸ್ತೈರ್ಬಿಭ್ರಾಣಂ ಮೂಷಕಧ್ವಜಮ್ ॥ ರಕ್ತಂ ಲಮ್ಬೋದರಂ ಶೂರ್ಪಕರ್ಣಕಂ ರಕ್ತವಾಸಸಮ್ ॥ ರಕ್ತಗನ್ಧಾನುಲಿಪ್ತಾಙ್ಗಂ ರಕ್ತಪುಷ್ಪೈಃ ಸುಪೂಜಿತಮ್ ॥ ಭಕ್ತಾನುಕಮ್ಪಿನಂ ದೇವಂ ಜಗತ್ಕಾರಣಮಚ್ಯುತಮ್ ॥ ಆವಿರ್ಭೂತಂ ಚ ಸೃಷ್ಟ್ಯಾದೌ ಪ್ರಕೃತೇಃ ಪುರುಷಾತ್ಪರಮ್ ॥ ಏವಂ ಧ್ಯಾಯತಿ ಯೋ ನಿತ್ಯಂ ಸ ಯೋಗೀ ಯೋಗಿನಾಂ ವರಃ ॥ ೯॥

Ganesha rupa Ekadantam chaturhastam pashamankushadharinam Radam cha varadam hastairbibhranam mushakadhvajam Raktam lambodaram shurpakarnakam raktavasasam Raktagandhanuliptangam raktapushpaih supujitam Bhaktanukampinam devam jagatkaranamachyutam Avirbhutam cha srishtyadau prakriteh purushatparam Evam dhyayati yo nityam sa yogi yoginam varah

॥ ಅಷ್ಟ ನಾಮ ಗಣಪತಿ ॥ ನಮೋ ವ್ರಾತಪತಯೇ ॥ ನಮೋ ಗಣಪತಯೇ ॥ ನಮಃ ಪ್ರಮಥಪತಯೇ ॥ ನಮಸ್ತೇಽಸ್ತು ಲಮ್ಬೋದರಾಯೈಕದನ್ತಾಯ ॥ ವಿಘ್ನನಾಶಿನೇ ಶಿವಸುತಾಯ ॥ ಶ್ರೀವರದಮೂರ್ತಯೇ ನಮೋ ನಮಃ ॥ ೧೦॥

Ashta nama ganapati Namo vratapataye namo ganapataye Namah pramathapataye Namastestu lambodarayaikadantaya Vighnanashine shivasutaya Shrivaradamurtaye namo namah

॥ ಫಲಶ್ರುತಿ ॥ ಏತದಥರ್ವಶೀರ್ಷಂ ಯೋಽಧೀತೇ ॥ ಸ ಬ್ರಹ್ಮಭೂಯಾಯ ಕಲ್ಪತೇ ॥ ಸ ಸರ್ವತಃ ಸುಖಮೇಧತೇ ॥ ಸ ಸರ್ವವಿಘ್ನೈರ್ನ ಬಾಧ್ಯತೇ ॥ ಸ ಪಞ್ಚಮಹಾಪಾಪಾತ್ಪ್ರಮುಚ್ಯತೇ ॥ ಸಾಯಮಧೀಯಾನೋ ದಿವಸಕೃತಂ ಪಾಪಂ ನಾಶಯತಿ ॥ ಪ್ರಾತರಧೀಯಾನೋ ರಾತ್ರಿಕೃತಂ ಪಾಪಂ ನಾಶಯತಿ ॥ ಸಾಯಂ ಪ್ರಾತಃ ಪ್ರಯುಞ್ಜಾನೋ ಅಪಾಪೋ ಭವತಿ ॥ ಸರ್ವತ್ರಾಧೀಯಾನೋಽಪವಿಘ್ನೋ ಭವತಿ ॥ ಧರ್ಮಾರ್ಥಕಾಮಮೋಕ್ಷಂ ಚ ವಿನ್ದತಿ ॥

Phalashruti Etadatharvashirsham yodhite sa brahmabhuyaya kalpate Sa sarvatah sukhamedhate sa sarvavighnairna badhyate Sa panchamahapapatpramuchyate Sayamadhiyano divasakritam papam nashayati Prataradhiyano ratrikritam papam nashayati Sayam pratah prayunjano apapo bhavati Sarvatradhiyanopavighno bhavati Dharmarthakamamoksham cha vindati

ಇದಮಥರ್ವಶೀರ್ಷಮಶಿಷ್ಯಾಯ ನ ದೇಯಮ್ ॥ ಯೋ ಯದಿ ಮೋಹಾದ್ದಾಸ್ಯತಿ ಸ ಪಾಪೀಯಾನ್ ಭವತಿ ॥ ಸಹಸ್ರಾವರ್ತನಾದ್ಯಂ ಯಂ ಕಾಮಮಧೀತೇ ತಂ ತಮನೇನ ಸಾಧಯೇತ್ ॥ ೧೧॥ ಅನೇನ ಗಣಪತಿಮಭಿಷಿಞ್ಚತಿ ಸ ವಾಗ್ಮೀ ಭವತಿ ॥ ಚತುರ್ಥ್ಯಾಮನಶ್ನನ್ ಜಪತಿ ಸ ವಿದ್ಯಾವಾನ್ ಭವತಿ ॥ ಇತ್ಯಥರ್ವಣವಾಕ್ಯಮ್ ॥ ಬ್ರಹ್ಮಾದ್ಯಾವರಣಂ ವಿದ್ಯಾತ್ ॥ ನ ಬಿಭೇತಿ ಕದಾಚನೇತಿ ॥ ೧೨॥

Idamatharvashirshamashishyaya na deyam Yo yadi mohaddasyati sa papiyan bhavati Sahasravartanadyam yam kamamadhite tam tamanena sadhayet Anena ganapatimabhishinchati sa vagmi bhavati Chaturthyamanashnan japati sa vidyavan bhavati Ityatharvanavakyam Brahmadyavaranam vidyat na bibheti kadachaneti

ಯೋ ದೂರ್ವಾಙ್ಕುರೈರ್ಯಜತಿ ಸ ವೈಶ್ರವಣೋಪಮೋ ಭವತಿ ॥ ಯೋ ಲಾಜೈರ್ಯಜತಿ ಸ ಯಶೋವಾನ್ ಭವತಿ ॥ ಸ ಮೇಧಾವಾನ್ ಭವತಿ ॥ ಯೋ ಮೋದಕಸಹಸ್ರೇಣ ಯಜತಿ ಸ ವಾಞ್ಛಿತಫಲಮವಾಪ್ನೋತಿ ॥ ಯಃ ಸಾಜ್ಯಸಮಿದ್ಭಿರ್ಯಜತಿ ಸ ಸರ್ವಂ ಲಭತೇ ಸ ಸರ್ವಂ ಲಭತೇ ॥ ೧೩॥ ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್ಗ್ರಾಹಯಿತ್ವಾ ಸೂರ್ಯವರ್ಚಸ್ವೀ ಭವತಿ ॥ ಸೂರ್ಯಗ್ರಹೇ ಮಹಾನದ್ಯಾಂ ಪ್ರತಿಮಾಸನ್ನಿಧೌ ವಾ ಜಪ್ತ್ವಾ ಸಿದ್ಧಮನ್ತ್ರೋ ಭವತಿ ॥ ಮಹಾವಿಘ್ನಾತ್ಪ್ರಮುಚ್ಯತೇ ॥ ಮಹಾದೋಷಾತ್ಪ್ರಮುಚ್ಯತೇ ॥ ಮಹಾಪಾಪಾತ್ಪ್ರಮುಚ್ಯತೇ ॥ ಸ ಸರ್ವವಿದ್ಭವತಿ ಸ ಸರ್ವವಿದ್ಭವತಿ ॥ ಯ ಏವಂ ವೇದ ॥ ಇತ್ಯುಪನಿಷತ್ ॥ ೧೪॥

Yo durvankurairyajati sa vaishravanopamo bhavati Yo lajairyajati sa yashovan bhavati sa medhavan bhavati Yo modakasahasrena yajati sa vanchhitaphalamavapnoti Yah sajyasamidbhiryajati sa sarvam labhate sa sarvam labhate Ashtau brahmanan samyaggrahayitva suryavarchasvi bhavati Suryagrahe mahanadyam pratimasannidhau va japtva siddhamantro bhavati Mahavighnatpramuchyate mahadoshatpramuchyate mahapapatpramuchyate Sa sarvavidbhavati sa sarvavidbhavati ya evam veda ityupanishat

॥ ಶಾನ್ತಿ ಮನ್ತ್ರ ॥ ಓಂ ಸಹನಾವವತು ॥ ಸಹ ನೌ ಭುನಕ್ತು ॥ ಸಹ ವೀರ್ಯಂ ಕರವಾವಹೈ ॥ ತೇಜಸ್ವಿನಾವಧೀತಮಸ್ತು ಮಾ ವಿದ್ವಿಷಾವಹೈ ॥ ಓಂ ಭದ್ರಂ ಕರ್ಣೇಭಿಃ ಶ‍ೃಣುಯಾಮ ದೇವಾಃ । ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥ ॥ ಇತಿ ಶ್ರೀಗಣಪತ್ಯಥರ್ವಶೀರ್ಷಂ ಸಮಾಪ್ತಮ್ ॥

Shanti mantra Om sahanavavatu saha nau bhunaktu Saha viryam karavavahai Tejasvinavadhitamastu ma vidvishavahai Om bhadram karnebhih sharinuyama devah Om shantih shantih shantih Iti shriganapatyatharvashirsham samaptam