सूर्य अष्टकम् PDF

॥ श्री गणेशाय नमः ॥ साम्ब उवाच ॥ आदिदेव नमस्तुभ्यं प्रसीद मम भास्कर । दिवाकर नमस्तुभ्यं प्रभाकर नमोऽस्तुते ॥ १॥ सप्ताश्वरथमारूढं प्रचण्डं कश्यपात्मजम् । श्वेतपद्मधरं देवं तं सूर्यं प्रणमाम्यहम् ॥ २॥ लोहितं रथमारूढं सर्वलोकपितामहम् । महापापहरं देवं तं सूर्यं प्रणमाम्यहम् ॥ ३॥ त्रैगुण्यं च महाशूरं ब्रह्माविष्णुमहेश्वरम् । महापापहरं देवं तं सूर्यं प्रणमाम्यहम् ॥ ४॥ बृंहितं तेजःपुञ्जं च वायुमाकाशमेव च । प्रभुं च सर्वलोकानां तं सूर्यं प्रणमाम्यहम् ॥ ५॥ बन्धूकपुष्पसङ्काशं हारकुण्डलभूषितम् । एकचक्रधरं देवं तं सूर्यं प्रणमाम्यहम् ॥ ६॥ तं सूर्यं जगत्कर्तारं महातेजःप्रदीपनम् । महापापहरं देवं तं सूर्यं प्रणमाम्यहम् ॥ ७॥ तं सूर्यं जगतां नाथं ज्ञानविज्ञानमोक्षदम् । महापापहरं देवं तं सूर्यं प्रणमाम्यहम् ॥ ८॥ सूर्याष्टकं पठेन्नित्यं ग्रहपीडाप्रणाशनम् । अपुत्रो लभते पुत्रं दरिद्रो धनवान्भवेत् ॥ ९॥ आमिशं मधुपानं च यः करोति रवेर्दिने । सप्तजन्म भवेद्रोगी प्रतिजन्म दरिद्रता ॥ १०॥ स्त्रीतैलमधुमांसानि यस्त्यजेत्तु रवेर्दिने । न व्याधिः शोकदारिद्र्यं सूर्यलोकं स गच्छति ॥ ११॥ इति श्रीसूर्याष्टकस्तोत्रं सम्पूर्णम् ॥

|| śrī gaṇeśāya namaḥ || sāmba uvāca || ādideva namastubhyaṃ prasīda mama bhāskara | divākara namastubhyaṃ prabhākara namo'stute || 1|| saptāśvarathamārūḍhaṃ pracaṇḍaṃ kaśyapātmajam | śvetapadmadharaṃ devaṃ taṃ sūryaṃ praṇamāmyaham || 2|| lohitaṃ rathamārūḍhaṃ sarvalokapitāmaham | mahāpāpaharaṃ devaṃ taṃ sūryaṃ praṇamāmyaham || 3|| traiguṇyaṃ ca mahāśūraṃ brahmāviṣṇumaheśvaram | mahāpāpaharaṃ devaṃ taṃ sūryaṃ praṇamāmyaham || 4|| bṛṃhitaṃ tejaḥpuñjaṃ ca vāyumākāśameva ca | prabhuṃ ca sarvalokānāṃ taṃ sūryaṃ praṇamāmyaham || 5|| bandhūkapuṣpasaṅkāśaṃ hārakuṇḍalabhūṣitam | ekacakradharaṃ devaṃ taṃ sūryaṃ praṇamāmyaham || 6|| taṃ sūryaṃ jagatkartāraṃ mahātejaḥpradīpanam | mahāpāpaharaṃ devaṃ taṃ sūryaṃ praṇamāmyaham || 7|| taṃ sūryaṃ jagatāṃ nāthaṃ jñānavijñānamokṣadam | mahāpāpaharaṃ devaṃ taṃ sūryaṃ praṇamāmyaham || 8|| sūryāṣṭakaṃ paṭhennityaṃ grahapīḍāpraṇāśanam | aputro labhate putraṃ daridro dhanavānbhavet || 9|| āmiśaṃ madhupānaṃ ca yaḥ karoti raverdine | saptajanma bhavedrogī pratijanma daridratā || 10|| strītailamadhumāṃsāni yastyajettu raverdine | na vyādhiḥ śokadāridryaṃ sūryalokaṃ sa gacchati || 11|| iti śrīsūryāṣṭakastotraṃ sampūrṇam ||

सूर्यदेव की आठ श्लोकों की स्तुति — "आदिदेव को नमस्कार, उज्ज्वल किरणों वाले लोकपति को नमन" — साम्ब पुराण से, आरोग्य, ओज व सूर्य-कृपा हेतु प्रातः पाठ की जाती है।