ललिता सहस्रनाम PDF

॥ ध्यानम् ॥ सिन्दूरारुण विग्रहां त्रिनयनां माणिक्यमौलि स्फुरत् तारा नायक शेखरां स्मितमुखी मापीन वक्षोरुहाम् । पाणिभ्यामलिपूर्ण रत्न चषकं रक्तोत्पलं बिभ्रतीं सौम्यां रत्न घटस्थ रक्तचरणां ध्यायेत् परामम्बिकाम् ॥ अरुणां करुणा तरङ्गिताक्षीं धृत पाशाङ्कुश पुष्प बाणचापाम् । अणिमादिभि रावृतां मयुखैः रहमित्येव विभावये भवानीम् ॥ ध्यायेत् पद्मासनस्थां विकसितवदनां पद्मपत्रायताक्षीं हेमाभां पीतवस्त्रां करकलितलसद् हेमपद्मां वराङ्गीम् । सर्वालङ्कार युक्तां सतत मभयदां भक्तनम्रां भवानीं श्रीविद्यां शान्त मूर्त्तिं सकल सुरनुतां सर्व सम्पत्प्रदात्रीम् ॥ सकुङ्कुम विलेपनामलिकचुम्बि कस्तूरिकां समन्द हसितेक्षणां सशर चाप पाशाङ्कुशाम् । अशेषजन मोहिनीं अरुण माल्य भूषाम्बरां जपाकुसुम भासुरां जपविधौ स्मरे दम्बिकाम् ॥ ॥ अथ श्री ललिता सहस्रनाम स्तोत्रम् ॥ ॐ श्रीमाता श्रीमहाराज्ञी श्रीमत्सिंहा सनेश्वरी । चिदग्नि कुण्डसंभूता देवकार्य समुद्यता ॥ १॥ उद्यद्भानु सहस्राभा चतुर्बाहु समन्विता । रागस्वरूप पाशाढ्या क्रोधा काराङ्कुशोज्ज्वला ॥ २॥ मनोरूपेक्षु कोदण्डा पञ्च तन्मात्र सायका । निजारुण प्रभापूर मज्जद्ब्रह्माण्ड मण्डला ॥ ३॥ चम्पका शोकपुन्नाग सौगन्धिक लसत्कचा । कुरुविन्द मणिश्रेणी कनत्कोटीर मण्डिता ॥ ४॥ अष्टमी चंद्र विभ्राज दलिकस्थल शोभिता । मुखचन्द्र कलङ्काभ मृगनाभि विशेषका ॥ ५॥ वदनस्मर माङ्गल्य गृहतोरण चिल्लिका । वक्त्र लक्ष्मी परीवाह चलन् मीनाभ लोचना ॥ ६॥ नवचम्पक पुष्पाभ नासादण्ड विराजिता । ताराकान्ति तिरस्कारि नासाभरण भासुरा ॥ ७॥ कदम्ब मञ्जरी क्लुप्त कर्णपूर मनोहरा । ताटङ्क युगलीभूत तपनोडुप मण्डला ॥ ८॥ पद्मराग शिलादर्श परिभावि कपोलभूः । नवविद्रुम बिम्बश्री न्यक्कारि रदनच्छदा ॥ ९॥ शुद्ध विद्याङ्कुराकार द्विजपङ्क्ति द्वयोज्ज्वला । कर्पूर वीटिकामोद समाकर्षि दिगन्तरा ॥ १०॥ निजसल्लाप माधुर्य विनिर्भर्त्सित कच्छपी । मंदस्मित प्रभापूर मज्जत्कामेश मानसा ॥ ११॥ अनाकलित सादृश्य चिबुकश्री विराजिता । कामेश बद्धमाङ्गल्य सूत्र शोभित कंधरा ॥ १२॥ कनकाङ्गद केयूर कमनीय भुजान्विता । रत्नग्रैवेय चिन्ताक लोलमुक्ता फलान्विता ॥ १३॥ कामेश्वर प्रेमरत्न मणिप्रतिपण स्तनी । नाभ्यालवाल रोमालि लताफल कुचद्वयी ॥ १४॥ लक्ष्यरोम लताधारता समुन्नेय मध्यमा । स्तनभार दलन्मध्य पट्टबन्ध वलित्रया ॥ १५॥ अरुणारुण कौसुम्भ वस्त्रभास्वत् कटीतटी । रत्नकिङ्किणि कारम्य रशना दाम भूषिता ॥ १६॥ कामेश ज्ञात सौभाग्य मार्दवोरु द्वयान्विता । माणिक्य मकुटाकार जानुद्वय विराजिता ॥ १७॥ इन्द्रगोप परिक्षिप्त स्मरतूणाभ जंघिका । गूढगुल्फा कूर्मपृष्ठ जयिष्णु प्रपदान्विता ॥ १८॥ नखदीधिति संछन्न नमज्जन तमोगुणा । पदद्वय प्रभाजाल पराकृत सरोरुहा ॥ १९॥ सिञ्जान मणिमञ्जीर मण्डितश्री पदांबुजा । मराली मंदगमना महालावण्य शेवधिः ॥ २०॥ सर्वारुणाऽ नवद्याङ्गी सर्वाभरण भूषिता । शिव कामेश्वराङ्कस्था शिवा स्वाधीन वल्लभा ॥ २१॥ सुमेरु मध्य शृङ्गस्था श्रीमन्नगर नायिका । चिन्तामणि गृहान्तस्था पञ्चब्रह्मा सनस्थिता ॥ २२॥ महापद्माटवी संस्था कदम्ब वनवासिनी । सुधासागर मध्यस्था कामाक्षी कामदायिनी ॥ २३॥ देवर्षि गणसंघात स्तूयमानात्म वैभवा । भण्डासुर वधोद्युक्त शक्तिसेना समन्विता ॥ २४॥ सम्पत्करी समारूढ सिंधुर व्रजसेविता । अश्वारूढा धिष्ठिताश्व कोटिकोटि भिरावृता ॥ २५॥ चक्रराज रथारूढ सर्वायुध परिष्कृता । गेयचक्र रथारूढ मंत्रिणी परिसेविता ॥ २६॥ किरिचक्र रथारूढ दण्डनाथ पुरस्कृता । ज्वाला मालिनिकाक्षिप्त वह्नि प्राकार मध्यगा ॥ २७॥ भण्डसैन्य वधोद्युक्त शक्तिविक्रम हर्षिता । नित्या पराक्रमाटोप निरीक्षण समुत्सुका ॥ २८॥ भण्डपुत्र वधोद्युक्त बालाविक्रम नन्दिता । मन्त्रिण्यम्बा विरचित विषङ्ग वधतोषिता ॥ २९॥ विशुक्र प्राणहरण वाराही वीर्यनन्दिता । कामेश्वर मुखालोक कल्पित श्रीगणेश्वरा ॥ ३०॥ महागणेश निर्भिन्न विघ्नयन्त्र प्रहर्षिता । भण्डासुरेन्द्र निर्मुक्त शस्त्र प्रत्यस्त्र वर्षिणी ॥ ३१॥ कराङ्गुलि नखोत्पन्न नारायण दशाकृतिः । महापाशु पतास्त्राग्नि निर्दग्धासुर सैनिका ॥ ३२॥ कामेश्वरास्त्र निर्दग्ध सभण्डासुर शून्यका । ब्रह्मोपेन्द्र महेन्द्रादि देवसंस्तुत वैभवा ॥ ३३॥ हरनेत्राग्नि संदग्ध काम संजीव नौषधिः । श्रीमद्वाग्भव कूटैक स्वरूप मुखपङ्कजा ॥ ३४॥ कण्ठाधः कटिपर्यन्त मध्यकूट स्वरूपिणी । शक्तिकूटैक तापन्न कट्यधो भागधारिणी ॥ ३५॥ मूलमन्त्रात्मिका मूल कूटत्रय कलेबरा । कुलामृतैक रसिका कुलसंकेत पालिनी ॥ ३६॥ कुलाङ्गना कुलान्तस्था कौलिनी कुलयोगिनी । अकुला समयान्तस्था समयाचार तत्परा ॥ ३७॥ मूलाधारैक निलया ब्रह्मग्रन्थि विभेदिनी । मणिपूरान्तरूदिता विष्णुग्रन्थि विभेदिनी ॥ ३८ ॥ आज्ञा चक्रान्तरालस्था रुद्रग्रन्थि विभेदिनी । सहस्रारां बुजारूढा सुधासाराभि वर्षिणी ॥ ३९ ॥ तडिल्लता समरुचिः षट्चक्रोपरि संस्थिता । महासक्तिः कुण्डलिनी बिसतन्तु तनीयसी ॥ ४०॥ भवानी भावनागम्या भवारण्य कुठारिका । भद्रप्रिया भद्रमूर्त्तिः भक्त सौभाग्य दायिनी ॥ ४१॥ भक्तिप्रिया भक्तिगम्या भक्तिवश्या भयापहा । शांभवी शारदाराध्या शर्वाणी शर्मदायिनी ॥ ४२॥ शाङ्करी श्रीकरी साध्वी शरच्चन्द्र निभानना । शातोदरी शान्तिमती निराधारा निरंजना ॥ ४३॥ निर्लेपा निर्मला नित्या निराकरा निराकुला । निर्गुणा निष्कला शान्ता निष्कामा निरूपप्लवा ॥ ४४॥ नित्यमुक्ता निर्विकारा निष्प्रपञ्चा निराश्रया । नित्यशुद्धा नित्यबुद्धा निरवद्या निरन्तरा ॥ ४५॥ निष्कारणा निष्कलङ्का निरुपाधिर् निरीश्वरा । नीरागा रागमथनी निर्मदा मदनाशिनी ॥ ४६॥ निश्चिन्ता निरहंकारा निर्मोहा मोहनाशिनी । निर्ममा ममताहन्त्री निष्पापा पापनाशिनी ॥ ४७॥ निष्क्रोधा क्रोधशमनी निर्लोभा लोभनाशिनी । निस्संशया संशयघ्नी निर्भवा भवनाशिनी ॥ ४८॥ निर्विकल्पा निराबाधा निर्भेदा भेदनाशिनी । निर्नाशा मृत्युमथनी निष्क्रिया निष्परिग्रहा ॥ ४९॥ निस्तुला निलचिकुरा निरपाया निरत्यया । दुर्लभा दुर्गमा दुर्गा दुःखहन्त्री सुखप्रदा ॥ ५०॥ दुष्टदूरा दुराचार शमनी दोष वर्जिता । सर्वज्ञा सान्द्रकरुणा समानधिक वर्जिता ॥ ५१॥ सर्वशक्ति मयी सर्व मङ्गला सद्गति प्रदा । सर्वेश्वरि सर्वमयी सर्वमन्त्र स्वरूपिणी ॥ ५२॥ सर्व यन्त्रात्मिका सर्व तन्त्ररूपा मनोन्मनी । माहेश्वरी महादेवी महालक्ष्मी मृडप्रिया ॥ ५३॥ महारूपा महापूज्या महापातक नाशिनी । महामाया महासत्त्वा महाशक्तिः महारतिः ॥ ५४॥ महाभोगा महैश्वर्या महावीर्या महाबला । महाबुद्धिः महासिद्धिः महायोगेश् वरेश्वरी ॥ ५५॥ महातन्त्रा महामन्त्रा महायन्त्रा महासना । महायाग क्रमाराध्या महाभैरव पूजिता ॥ ५६॥ महेश्वर महाकल्प महाताण्डव साक्षिणी । महाकामेश महिषी महात्रिपुर सुन्दरी ॥ ५७॥ चतुष्षष्ट् युपचाराढ्या चतुष्षष्टि कलामयी । महा चतुष्षष्टि कोटि योगिनी गणसेविता ॥ ५८॥ मनुविद्या चन्द्रविद्या चन्द्रमण्डल मध्यगा । चारुरूपा चारुहासा चारुचन्द्र कलाधरा ॥ ५९॥ चराचर जगन्नाथा चक्रराज निकेतना । पार्वती पद्मनयना पद्मराग समप्रभा ॥ ६०॥ पञ्चप्रेतास नासीना पञ्चब्रह्म स्वरुपिणी । चिन्मयी परमानन्दा विज्ञान घनरूपिणी ॥ ६१॥ ध्यान ध्यातृ ध्येयरूपा धर्माधर्म विवर्जिता । विश्वरुपा जागरिणी स्वपन्ती तैजसात्मिका ॥ ६२॥ सुप्ता प्राज्ञात्मिका तुर्या सर्वावस्था विवर्जिता । सृष्टिकर्त्री ब्रह्मरूपा गोप्त्री गोविन्दरूपिणी ॥ ६३॥ संहारिणी रुद्ररूपा तिरोधान करीश्वरी । सदाशिवाऽनुग्रहदा पञ्चकृत्य परायणा ॥ ६४॥ भानुमण्डल मध्यस्था भैरवी भगमालिनी । पद्मासना भगवती पद्मनाभ सहोदरी ॥ ६५॥ उन्मेष निमिषोत्पन्न विपन्न भुवनावली । सहस्रशीर्ष वदना सहस्राक्षी सहस्रपात् ॥ ६६॥ आब्रह्मकीट जननी वर्णाश्रम विधायिनि । निजाज्ञारूप निगमा पुण्यापुण्य फलप्रदा ॥ ६७॥ श्रुति सीमन्त सिन्दूरी कृतपादाब्ज धूलिका । सकलागम संदोह शुक्ति संपुट मौक्तिका ॥ ६८॥ पुरुषार्त्थ प्रदा पूर्णा भोगिनी भुवनेश्वरी । अंबिकाऽनादि निधना हरिब्रह्मेन्द्र सेविता ॥ ६९॥ नारायणी नादरूपा नामरूप विवर्जिता । ह्रींकारी ह्रीमती हृद्या हेयोपादेय वर्जिता ॥ ७०॥ राजराजार्च्चिता राज्ञी रम्या राजीव लोचना । रंजनी रमणी रस्या रणत्किङ्किणि मेखला ॥ ७१॥ रमा राकेन्दुवदना रतिरूपा रतिप्रिया । रक्षाकरी राक्षसघ्नी रामा रमण लम्पटा ॥ ७२॥ काम्या काम कलारूपा कदम्ब कुसुमप्रिया । कल्याणी जगतीकन्दा करुणारस सागरा ॥ ७३॥ कलावती कलालापा कान्ता कादम्बरी प्रिया । वरदा वामनयना वारुणी मदविह्वला ॥ ७४॥ विश्वाधिका वेदवेद्या विन्ध्याचल निवासिनी । विधात्री वेदजननी विष्णुमाया विलासिनी ॥ ७५॥ क्षेत्रस्वरूपा क्षेत्रेशी क्षेत्रक्षेत्रज्ञ पालिनी । क्षयवृद्धि विनिर्मुक्ता क्षेत्रपाल समर्च्चिता ॥ ७६॥ विजया विमला वन्द्या वन्दारु जन वत्सला । वाग्वादिनी वामकेशी वह्निमण्डल वासिनी ॥ ७७॥ भक्ति मत्कल्पलतिका पशुपाश विमोचिनी । संहृताशेष पाषण्डा सदाचार प्रवर्त्तिका ॥ ७८॥ तापत्रयाग्नि संतप्त समाह्लादन चन्द्रिका । तरुणी तापसाराध्या तनुमध्या तमोपहा ॥ ७९॥ चितिस्तत्पद लक्ष्यार्त्था चिदेक रसरूपिणी । स्वात्मानन्द लवीभूत ब्रह्माद्यानन्द संततिः ॥ ८०॥ पराप्रत्यक् चितीरूपा पश्यन्ती परदेवता । मध्यमा वैखरीरूपा भक्त मानस हंसिका ॥ ८१॥ कामेश्वर प्राणनाडी कृतज्ञा कामपूजिता । शृङ्गार रससंपूर्णा जया जालन्धर स्थिता ॥ ८२॥ ओड्याण पीठनिलया बिन्दुमण्डल वासिनी । रहोयाग क्रमाराध्या रहस्तर्पण तर्प्पिता ॥ ८३॥ सद्यःप्रसादिनी विश्व साक्षिणी साक्षिवर्जिता । षडङ्ग देवतायुक्ता षाड्गुण्य परिपूरिता ॥ ८४॥ नित्यक्लिन्ना निरुपमा निर्वाण सुखदायिनी । नित्याषोड शिकारूपा श्रीकण्ठार्ध शरीरिणी ॥ ८५॥ प्रभावती प्रभारूपा प्रसिद्धा परमेश्वरी । मूलप्रकृति रव्यक्ता व्यक्ता व्यक्त स्वरूपीणि ॥ ८६॥ व्यापिनी विविधाकारा विद्याविद्या स्वरूपिणी । महाकामेश नयन कुमुदाह्लाद कौमुदी ॥ ८७॥ भक्तहार्द तमोभेद भानुमद् भानुसन्ततिः । शिवदूती शिवाराध्या शिवमूर्त्तिः शिवंकरी ॥ ८८॥ शिवप्रिया शिवपरा शिष्टेष्टा शिष्टपूजिता । अप्रमेया स्वप्रकाशा मनोवाचाम गोचरा ॥ ८९॥ चिच्छक्तिश् चेतनारूपा जडशक्तिर् जडात्मिका । गायत्री व्याहृतिः संध्या द्विजबृन्द निषेविता ॥ ९०॥ तत्वासना तत्वमयी पञ्च कोशान्तर स्थिता । निस्सीम महिमा नित्य यौवना मदशालिनी ॥ ९१॥ मदघूर्णित रक्ताक्षी मदपाटल गण्डभूः । चन्दनद्रव दिग्धाङ्गी चाम्पेय कुसुमप्रिया ॥ ९२॥ कुशला कोमलाकारा कुरुकुल्ला कुलेश्वरी । कुलकुण्डालया कौल मार्ग तत्पर सेविता ॥ ९३॥ कुमारगण नाथाम्बा तुष्टिः पुष्टिर् मतिर्धृतिः । शान्तिः स्वस्तिमती कान्तिर् नन्दिनी विघ्न नाशिनी ॥ ९४॥ तेजोवती त्रिनयना लोलाक्षि कामरूपिणी । मालिनी हंसिनी माता मलयाचल वासिनी ॥ ९५॥ सुमुखी नलिनी सुभ्रूः शोभना सुरनायिका । कालकण्ठी कान्तिमति क्षोभिणी सूक्ष्म रूपिणी ॥ ९६॥ वज्रेश्वरी वामदेवी वयोवस्था विवर्जिता । सिद्धेश्वरि सिद्धविद्या सिद्धमाता यशस्विनी ॥ ९७॥ विशुद्धि चक्रनिलयाऽऽ रक्तवर्णा त्रिलोचना । खट्वाङ्गादि प्रहरणा वदनैक समन्विता ॥ ९८॥ पायसान्नप्रिया त्वक्स्था पशुलोक भयंकरी । अमृतादि महाशक्ति संवृता डाकिनीश्वरी ॥ ९९॥ अनाह ताब्जनिलया श्यामाभा वदनद्वया । दंष्ट्रोज्ज्वलाऽ क्षमालादि धरा रुधिर संस्थिता ॥ १००॥ कालरात्र्यादि शक्त्यौघ वृता स्निग्धौ दनप्रिया । महावीरेन्द्र वरदा राकिण्यम्बा स्वरूपिणी ॥ १०१॥ मणिपूराब्ज निलया वदन त्रयसंयुता । वज्रादि कायुधोपेता डामर्यादि भिरावृता ॥ १०२॥ रक्तवर्णा मांसनिष्ठा गुडान्न प्रीतमानसा । समस्त भक्तसुखदा लाकिन्यंबा स्वरूपिणी ॥ १०३॥ स्वाधिष्ठानां बुजगता चतुर्वक्त्र मनोहरा । शूलाद्यायुध संपन्ना पीतवर्णा तिगर्विता ॥ १०४॥ मेदोनिष्ठा मधुप्रीता बन्दिन्यादि समन्विता । दध्यन्नासक्त हृदया काकिनी रूपधारिणी ॥ १०५॥ मूलाधाराम्बुजारूढा पञ्चवक्त्रास्थि संस्थिता । अङ्कुशादि प्रहरणा वरदादि निषेविता ॥ १०६॥ मुद्गौद नासक्तचित्ता साकिन्यम्बा स्वरूपिणी । आज्ञा चक्राब्ज निलया शुक्लवर्णा षडानना ॥ १०७॥ मज्जा संस्था हंसवती मुख्यशक्ति समन्विता । हरिद्रान्नैक रसिका हाकिनी रूपधारिणी ॥ १०८॥ सहस्रदल पद्मस्था सर्ववर्णोप शोभिता । सर्वायुध धरा शुक्ल संस्थिता सर्वतोमुखी ॥ १०९॥ सर्वौदन प्रीतचित्ता याकिन्यम्बा स्वरूपिणी । स्वाहा स्वधाऽमतिर् मेधा श्रुतिः स्मृति रनुत्तमा ॥ ११०॥ पुण्यकीर्त्तिः पुण्यलभ्या पुण्यश्रवण कीर्त्तना । पुलोमजार्चिता बन्ध मोचनी बर्बरालका ॥ १११॥ विमर्शरूपिणी विद्या वियदादि जगत्प्रसूः । सर्वव्याधि प्रशमनी सर्वमृत्यु निवारिणी ॥ ११२॥ अग्रगण्याऽ चिन्त्यरूपा कलिकल्मष नाशिनी । कात्यायनी कालहन्त्री कमलाक्ष निषेविता ॥ ११३॥ ताम्बूल पूरितमुखी दाडिमी कुसुमप्रभा । मृगाक्षी मोहिनी मुख्या मृडानी मित्ररूपिणी ॥ ११४॥ नित्यतृप्ता भक्तनिधिः नियन्त्री निखिलेश्वरी । मैत्र्यादि वासना लभ्या महाप्रलय साक्षिणी ॥ ११५॥ पराशक्तिः परानिष्ठा प्रज्ञान घनरुपिणी । माध्वी पानालसा मत्ता मातृका वर्णरूपिणी ॥ ११६॥ महाकैलास निलया मृणाल मृदु दोर्लता । महनीया दयामूर्त्तिः महासांराज्य शालिनी ॥ ११७॥ आत्मविद्या महाविद्या श्रीविद्या कामसेविता । श्रीषोड शाक्षरी विद्या त्रिकूटा कामकोटिका ॥ ११८॥ कटाक्षकिङ्करी भूत कमलाकोटि सेविता । शिरःस्थिता चन्द्रनिभा भालस्थेन्द्र धनुःप्रभा ॥ ११९॥ हृदयस्था रविप्रख्या त्रिकोणान्तर दीपिका । दाक्षायणी दैत्यहन्त्री दक्षयज्ञ विनाशिनी ॥ १२०॥ दरान्दोलित दीर्घाक्षी दरहासो ज्वलन्मुखी । गुरुमूर्त्तिर् गुणनिधिर् गोमाता गुहजन्मभूः ॥ १२१॥ देवेशी दण्डनीतिस्था दहराकाश रूपिणी । प्रतिपन् मुख्यराकान्त तिथिमण्डल पूजिता ॥ १२२॥ कलात्मिका कलानाथा काव्यालाप विनोदिनी । सचामर रमावाणी सव्यदक्षिण सेविता ॥ १२३॥ आदिशक्ति रमेयाऽऽत्मा परमा पावनाकृतिः । अनेककोटि ब्रह्माण्ड जननी दिव्य विग्रहा ॥ १२४॥ क्लींकारी केवला गुह्या कैवल्य पददायिनी । त्रिपुरा त्रिजगद्वन्द्या त्रिमूर्तिस् त्रिदशेश्वरी ॥ १२५॥ त्र्यक्षरि दिव्य गन्धाढ्या सिन्दूर तिलकाञ्चिता । उमा शैलेन्द्र तनया गौरी गन्धर्व सेविता ॥ १२६॥ विश्वगर्भा स्वर्णगर्भाऽ वरदा वागधीश्वरी । ध्यान गम्याऽ परिच्छेद्या ज्ञानदा ज्ञान विग्रहा ॥ १२७॥ सर्व वेदान्त संवेद्या सत्यानन्द स्वरूपिणी । लोपामुद्रार् चिता लीला क्लुप्त ब्रह्माण्ड मण्डला ॥ १२८॥ अदृश्या दृश्यरहिता विज्ञात्री वेद्यवर्जिता । योगिनी योगदा योग्या योगानन्दा युगंधरा ॥ १२९॥ इच्छाशक्ति ज्ञानशक्ति क्रियाशक्ति स्वरूपिणी । सर्वाधारा सुप्रतिष्ठा सदसद् रूपधारिणी ॥ १३०॥ अष्टमूर्त्ति रजाजैत्री लोकयात्र विधायिनी । एकाकिनी भूमरूपा निर्द्वैता द्वैत वर्जिता ॥ १३१॥ अन्नदा वसुदा वृद्धा ब्रह्मात्मैक्य स्वरूपिणी । बृहती ब्राह्मणी ब्राह्मी ब्रह्मा नन्दा बलिप्रिया ॥ १३२॥ भाषारूपा बृहत्सेना भावाभाव विवर्जिता । सुखाराध्या शुभकरी शोभना सुलभागतिः ॥ १३३॥ राज राजेश्वरी राज्य दायिनी राज्य वल्लभा । राजत्कृपा राजपीठ निवेशित निजाश्रिता ॥ १३४॥ राज्यलक्ष्मीः कोशनाथा चतुरङ्ग बलेश्वरी । साम्राज्य दायिनी सत्य संधा सागर मेखला ॥ १३५॥ दीक्षिता दैत्यशमनी सर्वलोक वशंकरी । सर्वार्त्थ दात्री सावित्री सच्चिदानन्द रूपिणी ॥ १३६॥ देशकाला परिच्छिन्ना सर्वगा सर्व मोहिनी । सरस्वती शास्त्रमयी गुहाम्बा गुह्यरूपिणी ॥ १३७॥ सर्वोपाधि विनिर्मुक्ता सदाशिव पतिव्रता । संप्रदायेश्वरी साध्वी गुरूमण्डल रूपिणी ॥ १३८॥ कुलोत्तीर्णा भगाराध्या माया मधुमती मही । गणाम्बा गुह्यकाराध्या कोमलाङ्गी गुरूप्रिया ॥ १३९॥ स्वतन्त्रा सर्वतन्त्रेशी दक्षिणामूर्त्ति रूपिणी । सनकादि समाराध्या शिवज्ञान प्रदायिनी ॥ १४०॥ चित्कलाऽऽ नन्दकलिका प्रेमरूपा प्रियंकरी । नामपारायण प्रीता नन्दिविद्या नटेश्वरी ॥ १४१॥ मिथ्या जगद धिष्ठाना मुक्तिदा मुक्ति रूपिणी । लास्यप्रिया लयकरी लज्जा रम्भादि वन्दिता ॥ १४२॥ भवदा वसुधा वृष्टिः पापारण्य दवानला । दौर्भाग्य तूल वातूला जराध्वान्तर विप्रभा ॥ १४३॥ भाग्याब्धि चन्द्रिका भक्त चित्तकेकि घना घना । रोगपर्वत दंभोलिर् मृत्युदारु कुठारिका ॥ १४४॥ महेश्वरी महाकाली महाग्रासा महाशना । अपर्णा चण्डिका चण्ड मुण्डासुर निषूदिनी ॥ १४५॥ क्षराक्षरात्मिका सर्व लोकेशी विश्वधारिणी । त्रिवर्ग दात्री सुभगा त्र्यम्बका त्रिगुणात्मिका ॥ १४६॥ स्वर्गा पवर्गदा शुद्धा जपापुष्प निभाकृतिः । ओजोवती द्युतिधरा यज्ञरूपा प्रियव्रता ॥ १४७॥ दुराराध्या दुराधर्षा पाटली कुसुमप्रिया । महती मेरुनिलया मन्दार कुसुमप्रिया ॥ १४८॥ वीराराध्या विराड् रूपा विरजा विश्वतोमुखी । प्रत्यग्रूपा पराकाशा प्राणदा प्राणरूपिणी ॥ १४९॥ मार्तण्ड भैरवाराध्या मन्त्रिणी न्यस्तराज् यधूः । त्रिपुरेशी जयत्सेना निस्त्रैगुण्या परापरा ॥ १५०॥ सत्यज्ञाना नन्दरूपा सामरस्य परायणा । कपर्दिनी कलामाला कामधुक् कामरूपिणी ॥ १५१॥ कलानिधिः काव्यकला रसज्ञा रसशेवधिः । पुष्टा पुरातना पूज्या पुष्करा पुष्करेक्षणा ॥ १५२॥ परंज्योतिः परंधाम परमाणुः परात्परा । पाशहस्ता पाशहन्त्री परमन्त्र विभेदिनी ॥ १५३॥ मूर्त्ताऽ मूर्त्ताऽ नित्यतृप्ता मुनिमानस हंसिका । सत्यव्रता सत्यरूपा सर्वान्तर् यामिनी सती ॥ १५४॥ ब्रह्माणी ब्रह्मजननी बहुरूपा बुधार्चिता । प्रसवित्री प्रचण्डाऽऽज्ञा प्रतिष्ठा प्रकटा कृतीः ॥ १५५॥ प्राणेश्वरी प्राणदात्री पञ्चाशत् पीठरूपिणी । विशृङ्खला विविक्तस्था वीरमाता वियत्प्रसूः ॥ १५६॥ मुकुन्दा मुक्तिनिलया मूलविग्रह रूपिणी । भावज्ञा भवरोगघ्नी भवचक्र प्रवर्तिनी ॥ १५७॥ छन्दःसारा शास्त्रसारा मन्त्रसारा तलोदरी । उदारकीर्त्ति रुद्दाम वैभवा वर्ण रूपिणी ॥ १५८॥ जन्ममृत्यु जरातप्त जन विश्रान्ति दायिनी । सर्वोपनिष दुद्घुष्टा शान्त्यतीत कलात्मिका ॥ १५९॥ गम्भीरा गगनान्तस्था गर्विता गानलोलुपा । कल्पना रहिता काष्ठाऽ कान्ता कान्तार्ध विग्रहा ॥ १६०॥ कार्य कारण निर्मुक्ता कामकेलि तरङ्गिता । कनत्कनक ताटङ्का लीलाविग्रह धारिणी ॥ १६१॥ अजाक्षय विनिर्मुक्ता मुग्ध्र क्षिप्र प्रसादिनी । अन्तर्मुख समाराध्या बहिर्मुख सुदुर्लभा ॥ १६२॥ त्रयी त्रिवर्ग निलया त्रिस्था त्रिपुरमालिनी । निरामया निरालम्बा स्वात्मारामा सुधास्रुतिः ॥ १६३॥ संसार पङ्क निर्मग्न समुद्धरण पण्डिता । यज्ञप्रिया यज्ञकर्त्री यजमान स्वरूपिणी ॥ १६४॥ धर्माधारा धनाध्यक्षा धनधान्य विवर्धिनी । विप्रप्रिया विप्ररूपा विश्व भ्रमण कारिणी ॥ १६५॥ विश्वग्रासा विद्रुमाभा वैष्णवी विष्णुरूपिणी । अयोनिर्योनि निलया कूटस्था कुलरूपिणी ॥ १६६॥ वीरगोष्ठी प्रिया वीरा नैष्कर्म्या नादरूपिणी । विज्ञान कलना कल्या विदग्धा बैन्द वासना ॥ १६७॥ तत्वाधिका तत्त्वमयी तत्वमर्त्थ स्वरूपिणी । सामगानप्रिया सौम्या सदाशिव कुटुम्बिनी ॥ १६८॥ सव्या पसव्य मार्गस्था सर्वापद्वि निवारिणी । स्वस्था स्वभावमधुरा धीरा धीर समर्च्चिता ॥ १६९॥ चैतन्यार्घ्य समाराध्या चैतन्य कुसुमप्रिया । सदोदिता सदातुष्टा तरुणादित्य पाटला ॥ १७०॥ दक्षिणा दक्षिणाराध्या दरस्मेर मुखांबुजा । कौलिनी केवलाऽनर्घ्य कैवल्यपद दायिनी ॥ १७१॥ स्तोत्रप्रिया स्तुतिमती श्रुति संस्तुत वैभवा । मनस्विनी मानवती महेशी मंगलाकृतिः ॥ १७२॥ विश्वमाता जगद्धात्री विशालाक्षी विरागिणी । प्रगल्भा परमोदारा परामोदा मनोमयी ॥ १७३॥ व्योमकेशी विमानस्था वज्रिणी वामकेश्वरी । पञ्च यज्ञप्रिया पञ्च प्रेत मञ्चाधि शायिनी ॥ १७४॥ पञ्चमी पञ्चभूतेशि पञ्च संख्योपचारिणी । शाश्वती शाश्वतैश् वर्या शर्मदा शंभु मोहिनी ॥ १७५॥ धरा धरसुता धन्या धर्मिणी धर्म वर्धिनी । लोकातीता गुणातीता सर्वातीता शमात्मिका ॥ १७६॥ बन्धूक कुसुमप्रख्या बाला लीला विनोदिनी । सुमङ्गली सुखकरी सुवेषाढ्या सुवासिनी ॥ १७७॥ सुवासिन्यर्च्चन प्रीता शोभना शुद्ध मानसा । बिन्दुतर्पण संतुष्टा पूर्वजा त्रिपुरांबिका ॥ १७८॥ दश मुद्रा समाराध्या त्रिपुराश्री वशंकरी । ज्ञानमुद्रा ज्ञानगम्या ज्ञानज्ञेय स्वरूपिणी ॥ १७९॥ योनिमुद्रा त्रिखण्डेशी त्रिगुणांबा त्रिकोणगा । अनघाऽद्भुत चारित्रा वाञ्छितार्त्थ प्रदायिनी ॥ १८०॥ अभ्यासाति शयज्ञाता षडध्वातीत रूपिणी । अव्याज करुणामूर्त्ति रज्ञान ध्वान्त दीपिका ॥ १८१॥ आबालगोप विदिता सर्वानुल्लंघ्य शासना । श्रिचक्र राजनिलया श्रीमत् त्रिपुर सुन्दरी ॥ १८२॥ श्रीशिवा शिवशक्त्यैक्य रूपिणी ललिताम्बिका । एवं श्रीललिता देव्याः नाम् नां साहस्रकं जगुः ॥ इति श्री ब्रह्माण्ड पुराणे उत्तराखण्डे श्री हयग्रीवागस्त्यसंवादे श्रीललिता सहस्रनाम स्तोत्र कथनं संपूर्णं ॥

|| dhyaanam || sindūrāruṇa vigrahāṃ trinayanāṃ māṇikyamauli sphurat tārā nāyaka śekharāṃ smitamukhī māpīna vakṣoruhām | pāṇibhyāmalipūrṇa ratna caṣakaṃ raktotpalaṃ bibhratīṃ saumyāṃ ratna ghaṭastha raktacaraṇāṃ dhyāyet parāmambikām || aruṇāṃ karuṇā taraṅgitākṣīṃ dhṛta pāśāṅkuśa puṣpa bāṇacāpām | aṇimādibhi rāvṛtāṃ mayukhaiḥ rahamityeva vibhāvaye bhavānīm || dhyāyet padmāsanasthāṃ vikasitavadanāṃ padmapatrāyatākṣīṃ hemābhāṃ pītavastrāṃ karakalitalasad hemapadmāṃ varāṅgīm | sarvālaṅkāra yuktāṃ satata mabhayadāṃ bhaktanamrāṃ bhavānīṃ śrīvidyāṃ śānta mūrttiṃ sakala suranutāṃ sarva sampatpradātrīm || sakuṅkuma vilepanāmalikacumbi kastūrikāṃ samanda hasitekṣaṇāṃ saśara cāpa pāśāṅkuśām | aśeṣajana mohinīṃ aruṇa mālya bhūṣāmbarāṃ japākusuma bhāsurāṃ japavidhau smare dambikām || || atha śrī lalitā sahasranāma stotram || oṃ śrīmātā śrīmahārājñī śrīmatsiṃhā saneśvarī | cidagni kuṇḍasaṃbhūtā devakārya samudyatā || 1|| udyadbhānu sahasrābhā caturbāhu samanvitā | rāgasvarūpa pāśāḍhyā krodhā kārāṅkuśojjvalā || 2|| manorūpekṣu kodaṇḍā pañca tanmātra sāyakā | nijāruṇa prabhāpūra majjadbrahmāṇḍa maṇḍalā || 3|| campakā śokapunnāga saugandhika lasatkacā | kuruvinda maṇiśreṇī kanatkoṭīra maṇḍitā || 4|| aṣṭamī caṃdra vibhrāja dalikasthala śobhitā | mukhacandra kalaṅkābha mṛganābhi viśeṣakā || 5|| vadanasmara māṅgalya gṛhatoraṇa cillikā | vaktra lakṣmī parīvāha calan mīnābha locanā || 6|| navacampaka puṣpābha nāsādaṇḍa virājitā | tārākānti tiraskāri nāsābharaṇa bhāsurā || 7|| kadamba mañjarī klupta karṇapūra manoharā | tāṭaṅka yugalībhūta tapanoḍupa maṇḍalā || 8|| padmarāga śilādarśa paribhāvi kapolabhūḥ | navavidruma bimbaśrī nyakkāri radanacchadā || 9|| śuddha vidyāṅkurākāra dvijapaṅkti dvayojjvalā | karpūra vīṭikāmoda samākarṣi digantarā || 10|| nijasallāpa mādhurya vinirbhartsita kacchapī | maṃdasmita prabhāpūra majjatkāmeśa mānasā || 11|| anākalita sādṛśya cibukaśrī virājitā | kāmeśa baddhamāṅgalya sūtra śobhita kaṃdharā || 12|| kanakāṅgada keyūra kamanīya bhujānvitā | ratnagraiveya cintāka lolamuktā phalānvitā || 13|| kāmeśvara premaratna maṇipratipaṇa stanī | nābhyālavāla romāli latāphala kucadvayī || 14|| lakṣyaroma latādhāratā samunneya madhyamā | stanabhāra dalanmadhya paṭṭabandha valitrayā || 15|| aruṇāruṇa kausumbha vastrabhāsvat kaṭītaṭī | ratnakiṅkiṇi kāramya raśanā dāma bhūṣitā || 16|| kāmeśa jñāta saubhāgya mārdavoru dvayānvitā | māṇikya makuṭākāra jānudvaya virājitā || 17|| indragopa parikṣipta smaratūṇābha jaṃghikā | gūḍhagulphā kūrmapṛṣṭha jayiṣṇu prapadānvitā || 18|| nakhadīdhiti saṃchanna namajjana tamoguṇā | padadvaya prabhājāla parākṛta saroruhā || 19|| siñjāna maṇimañjīra maṇḍitaśrī padāṃbujā | marālī maṃdagamanā mahālāvaṇya śevadhiḥ || 20|| sarvāruṇā' navadyāṅgī sarvābharaṇa bhūṣitā | śiva kāmeśvarāṅkasthā śivā svādhīna vallabhā || 21|| sumeru madhya śṛṅgasthā śrīmannagara nāyikā | cintāmaṇi gṛhāntasthā pañcabrahmā sanasthitā || 22|| mahāpadmāṭavī saṃsthā kadamba vanavāsinī | sudhāsāgara madhyasthā kāmākṣī kāmadāyinī || 23|| devarṣi gaṇasaṃghāta stūyamānātma vaibhavā | bhaṇḍāsura vadhodyukta śaktisenā samanvitā || 24|| sampatkarī samārūḍha siṃdhura vrajasevitā | aśvārūḍhā dhiṣṭhitāśva koṭikoṭi bhirāvṛtā || 25|| cakrarāja rathārūḍha sarvāyudha pariṣkṛtā | geyacakra rathārūḍha maṃtriṇī parisevitā || 26|| kiricakra rathārūḍha daṇḍanātha puraskṛtā | jvālā mālinikākṣipta vahni prākāra madhyagā || 27|| bhaṇḍasainya vadhodyukta śaktivikrama harṣitā | nityā parākramāṭopa nirīkṣaṇa samutsukā || 28|| bhaṇḍaputra vadhodyukta bālāvikrama nanditā | mantriṇyambā viracita viṣaṅga vadhatoṣitā || 29|| viśukra prāṇaharaṇa vārāhī vīryananditā | kāmeśvara mukhāloka kalpita śrīgaṇeśvarā || 30|| mahāgaṇeśa nirbhinna vighnayantra praharṣitā | bhaṇḍāsurendra nirmukta śastra pratyastra varṣiṇī || 31|| karāṅguli nakhotpanna nārāyaṇa daśākṛtiḥ | mahāpāśu patāstrāgni nirdagdhāsura sainikā || 32|| kāmeśvarāstra nirdagdha sabhaṇḍāsura śūnyakā | brahmopendra mahendrādi devasaṃstuta vaibhavā || 33|| haranetrāgni saṃdagdha kāma saṃjīva nauṣadhiḥ | śrīmadvāgbhava kūṭaika svarūpa mukhapaṅkajā || 34|| kaṇṭhādhaḥ kaṭiparyanta madhyakūṭa svarūpiṇī | śaktikūṭaika tāpanna kaṭyadho bhāgadhāriṇī || 35|| mūlamantrātmikā mūla kūṭatraya kalebarā | kulāmṛtaika rasikā kulasaṃketa pālinī || 36|| kulāṅganā kulāntasthā kaulinī kulayoginī | akulā samayāntasthā samayācāra tatparā || 37|| mūlādhāraika nilayā brahmagranthi vibhedinī | maṇipūrāntarūditā viṣṇugranthi vibhedinī || 38 || ājñā cakrāntarālasthā rudragranthi vibhedinī | sahasrārāṃ bujārūḍhā sudhāsārābhi varṣiṇī || 39 || taḍillatā samaruciḥ ṣaṭcakropari saṃsthitā | mahāsaktiḥ kuṇḍalinī bisatantu tanīyasī || 40|| bhavānī bhāvanāgamyā bhavāraṇya kuṭhārikā | bhadrapriyā bhadramūrttiḥ bhakta saubhāgya dāyinī || 41|| bhaktipriyā bhaktigamyā bhaktivaśyā bhayāpahā | śāṃbhavī śāradārādhyā śarvāṇī śarmadāyinī || 42|| śāṅkarī śrīkarī sādhvī śaraccandra nibhānanā | śātodarī śāntimatī nirādhārā niraṃjanā || 43|| nirlepā nirmalā nityā nirākarā nirākulā | nirguṇā niṣkalā śāntā niṣkāmā nirūpaplavā || 44|| nityamuktā nirvikārā niṣprapañcā nirāśrayā | nityaśuddhā nityabuddhā niravadyā nirantarā || 45|| niṣkāraṇā niṣkalaṅkā nirupādhir nirīśvarā | nīrāgā rāgamathanī nirmadā madanāśinī || 46|| niścintā nirahaṃkārā nirmohā mohanāśinī | nirmamā mamatāhantrī niṣpāpā pāpanāśinī || 47|| niṣkrodhā krodhaśamanī nirlobhā lobhanāśinī | nissaṃśayā saṃśayaghnī nirbhavā bhavanāśinī || 48|| nirvikalpā nirābādhā nirbhedā bhedanāśinī | nirnāśā mṛtyumathanī niṣkriyā niṣparigrahā || 49|| nistulā nilacikurā nirapāyā niratyayā | durlabhā durgamā durgā duḥkhahantrī sukhapradā || 50|| duṣṭadūrā durācāra śamanī doṣa varjitā | sarvajñā sāndrakaruṇā samānadhika varjitā || 51|| sarvaśakti mayī sarva maṅgalā sadgati pradā | sarveśvari sarvamayī sarvamantra svarūpiṇī || 52|| sarva yantrātmikā sarva tantrarūpā manonmanī | māheśvarī mahādevī mahālakṣmī mṛḍapriyā || 53|| mahārūpā mahāpūjyā mahāpātaka nāśinī | mahāmāyā mahāsattvā mahāśaktiḥ mahāratiḥ || 54|| mahābhogā mahaiśvaryā mahāvīryā mahābalā | mahābuddhiḥ mahāsiddhiḥ mahāyogeś vareśvarī || 55|| mahātantrā mahāmantrā mahāyantrā mahāsanā | mahāyāga kramārādhyā mahābhairava pūjitā || 56|| maheśvara mahākalpa mahātāṇḍava sākṣiṇī | mahākāmeśa mahiṣī mahātripura sundarī || 57|| catuṣṣaṣṭ yupacārāḍhyā catuṣṣaṣṭi kalāmayī | mahā catuṣṣaṣṭi koṭi yoginī gaṇasevitā || 58|| manuvidyā candravidyā candramaṇḍala madhyagā | cārurūpā cāruhāsā cārucandra kalādharā || 59|| carācara jagannāthā cakrarāja niketanā | pārvatī padmanayanā padmarāga samaprabhā || 60|| pañcapretāsa nāsīnā pañcabrahma svarupiṇī | cinmayī paramānandā vijñāna ghanarūpiṇī || 61|| dhyāna dhyātṛ dhyeyarūpā dharmādharma vivarjitā | viśvarupā jāgariṇī svapantī taijasātmikā || 62|| suptā prājñātmikā turyā sarvāvasthā vivarjitā | sṛṣṭikartrī brahmarūpā goptrī govindarūpiṇī || 63|| saṃhāriṇī rudrarūpā tirodhāna karīśvarī | sadāśivā'nugrahadā pañcakṛtya parāyaṇā || 64|| bhānumaṇḍala madhyasthā bhairavī bhagamālinī | padmāsanā bhagavatī padmanābha sahodarī || 65|| unmeṣa nimiṣotpanna vipanna bhuvanāvalī | sahasraśīrṣa vadanā sahasrākṣī sahasrapāt || 66|| ābrahmakīṭa jananī varṇāśrama vidhāyini | nijājñārūpa nigamā puṇyāpuṇya phalapradā || 67|| śruti sīmanta sindūrī kṛtapādābja dhūlikā | sakalāgama saṃdoha śukti saṃpuṭa mauktikā || 68|| puruṣārttha pradā pūrṇā bhoginī bhuvaneśvarī | aṃbikā'nādi nidhanā haribrahmendra sevitā || 69|| nārāyaṇī nādarūpā nāmarūpa vivarjitā | hrīṃkārī hrīmatī hṛdyā heyopādeya varjitā || 70|| rājarājārccitā rājñī ramyā rājīva locanā | raṃjanī ramaṇī rasyā raṇatkiṅkiṇi mekhalā || 71|| ramā rākenduvadanā ratirūpā ratipriyā | rakṣākarī rākṣasaghnī rāmā ramaṇa lampaṭā || 72|| kāmyā kāma kalārūpā kadamba kusumapriyā | kalyāṇī jagatīkandā karuṇārasa sāgarā || 73|| kalāvatī kalālāpā kāntā kādambarī priyā | varadā vāmanayanā vāruṇī madavihvalā || 74|| viśvādhikā vedavedyā vindhyācala nivāsinī | vidhātrī vedajananī viṣṇumāyā vilāsinī || 75|| kṣetrasvarūpā kṣetreśī kṣetrakṣetrajña pālinī | kṣayavṛddhi vinirmuktā kṣetrapāla samarccitā || 76|| vijayā vimalā vandyā vandāru jana vatsalā | vāgvādinī vāmakeśī vahnimaṇḍala vāsinī || 77|| bhakti matkalpalatikā paśupāśa vimocinī | saṃhṛtāśeṣa pāṣaṇḍā sadācāra pravarttikā || 78|| tāpatrayāgni saṃtapta samāhlādana candrikā | taruṇī tāpasārādhyā tanumadhyā tamopahā || 79|| citistatpada lakṣyārtthā cideka rasarūpiṇī | svātmānanda lavībhūta brahmādyānanda saṃtatiḥ || 80|| parāpratyak citīrūpā paśyantī paradevatā | madhyamā vaikharīrūpā bhakta mānasa haṃsikā || 81|| kāmeśvara prāṇanāḍī kṛtajñā kāmapūjitā | śṛṅgāra rasasaṃpūrṇā jayā jālandhara sthitā || 82|| oḍyāṇa pīṭhanilayā bindumaṇḍala vāsinī | rahoyāga kramārādhyā rahastarpaṇa tarppitā || 83|| sadyaḥprasādinī viśva sākṣiṇī sākṣivarjitā | ṣaḍaṅga devatāyuktā ṣāḍguṇya paripūritā || 84|| nityaklinnā nirupamā nirvāṇa sukhadāyinī | nityāṣoḍa śikārūpā śrīkaṇṭhārdha śarīriṇī || 85|| prabhāvatī prabhārūpā prasiddhā parameśvarī | mūlaprakṛti ravyaktā vyaktā vyakta svarūpīṇi || 86|| vyāpinī vividhākārā vidyāvidyā svarūpiṇī | mahākāmeśa nayana kumudāhlāda kaumudī || 87|| bhaktahārda tamobheda bhānumad bhānusantatiḥ | śivadūtī śivārādhyā śivamūrttiḥ śivaṃkarī || 88|| śivapriyā śivaparā śiṣṭeṣṭā śiṣṭapūjitā | aprameyā svaprakāśā manovācāma gocarā || 89|| cicchaktiś cetanārūpā jaḍaśaktir jaḍātmikā | gāyatrī vyāhṛtiḥ saṃdhyā dvijabṛnda niṣevitā || 90|| tatvāsanā tatvamayī pañca kośāntara sthitā | nissīma mahimā nitya yauvanā madaśālinī || 91|| madaghūrṇita raktākṣī madapāṭala gaṇḍabhūḥ | candanadrava digdhāṅgī cāmpeya kusumapriyā || 92|| kuśalā komalākārā kurukullā kuleśvarī | kulakuṇḍālayā kaula mārga tatpara sevitā || 93|| kumāragaṇa nāthāmbā tuṣṭiḥ puṣṭir matirdhṛtiḥ | śāntiḥ svastimatī kāntir nandinī vighna nāśinī || 94|| tejovatī trinayanā lolākṣi kāmarūpiṇī | mālinī haṃsinī mātā malayācala vāsinī || 95|| sumukhī nalinī subhrūḥ śobhanā suranāyikā | kālakaṇṭhī kāntimati kṣobhiṇī sūkṣma rūpiṇī || 96|| vajreśvarī vāmadevī vayovasthā vivarjitā | siddheśvari siddhavidyā siddhamātā yaśasvinī || 97|| viśuddhi cakranilayā'' raktavarṇā trilocanā | khaṭvāṅgādi praharaṇā vadanaika samanvitā || 98|| pāyasānnapriyā tvaksthā paśuloka bhayaṃkarī | amṛtādi mahāśakti saṃvṛtā ḍākinīśvarī || 99|| anāha tābjanilayā śyāmābhā vadanadvayā | daṃṣṭrojjvalā' kṣamālādi dharā rudhira saṃsthitā || 100|| kālarātryādi śaktyaugha vṛtā snigdhau danapriyā | mahāvīrendra varadā rākiṇyambā svarūpiṇī || 101|| maṇipūrābja nilayā vadana trayasaṃyutā | vajrādi kāyudhopetā ḍāmaryādi bhirāvṛtā || 102|| raktavarṇā māṃsaniṣṭhā guḍānna prītamānasā | samasta bhaktasukhadā lākinyaṃbā svarūpiṇī || 103|| svādhiṣṭhānāṃ bujagatā caturvaktra manoharā | śūlādyāyudha saṃpannā pītavarṇā tigarvitā || 104|| medoniṣṭhā madhuprītā bandinyādi samanvitā | dadhyannāsakta hṛdayā kākinī rūpadhāriṇī || 105|| mūlādhārāmbujārūḍhā pañcavaktrāsthi saṃsthitā | aṅkuśādi praharaṇā varadādi niṣevitā || 106|| mudgauda nāsaktacittā sākinyambā svarūpiṇī | ājñā cakrābja nilayā śuklavarṇā ṣaḍānanā || 107|| majjā saṃsthā haṃsavatī mukhyaśakti samanvitā | haridrānnaika rasikā hākinī rūpadhāriṇī || 108|| sahasradala padmasthā sarvavarṇopa śobhitā | sarvāyudha dharā śukla saṃsthitā sarvatomukhī || 109|| sarvaudana prītacittā yākinyambā svarūpiṇī | svāhā svadhā'matir medhā śrutiḥ smṛti ranuttamā || 110|| puṇyakīrttiḥ puṇyalabhyā puṇyaśravaṇa kīrttanā | pulomajārcitā bandha mocanī barbarālakā || 111|| vimarśarūpiṇī vidyā viyadādi jagatprasūḥ | sarvavyādhi praśamanī sarvamṛtyu nivāriṇī || 112|| agragaṇyā' cintyarūpā kalikalmaṣa nāśinī | kātyāyanī kālahantrī kamalākṣa niṣevitā || 113|| tāmbūla pūritamukhī dāḍimī kusumaprabhā | mṛgākṣī mohinī mukhyā mṛḍānī mitrarūpiṇī || 114|| nityatṛptā bhaktanidhiḥ niyantrī nikhileśvarī | maitryādi vāsanā labhyā mahāpralaya sākṣiṇī || 115|| parāśaktiḥ parāniṣṭhā prajñāna ghanarupiṇī | mādhvī pānālasā mattā mātṛkā varṇarūpiṇī || 116|| mahākailāsa nilayā mṛṇāla mṛdu dorlatā | mahanīyā dayāmūrttiḥ mahāsāṃrājya śālinī || 117|| ātmavidyā mahāvidyā śrīvidyā kāmasevitā | śrīṣoḍa śākṣarī vidyā trikūṭā kāmakoṭikā || 118|| kaṭākṣakiṅkarī bhūta kamalākoṭi sevitā | śiraḥsthitā candranibhā bhālasthendra dhanuḥprabhā || 119|| hṛdayasthā raviprakhyā trikoṇāntara dīpikā | dākṣāyaṇī daityahantrī dakṣayajña vināśinī || 120|| darāndolita dīrghākṣī darahāso jvalanmukhī | gurumūrttir guṇanidhir gomātā guhajanmabhūḥ || 121|| deveśī daṇḍanītisthā daharākāśa rūpiṇī | pratipan mukhyarākānta tithimaṇḍala pūjitā || 122|| kalātmikā kalānāthā kāvyālāpa vinodinī | sacāmara ramāvāṇī savyadakṣiṇa sevitā || 123|| ādiśakti rameyā''tmā paramā pāvanākṛtiḥ | anekakoṭi brahmāṇḍa jananī divya vigrahā || 124|| klīṃkārī kevalā guhyā kaivalya padadāyinī | tripurā trijagadvandyā trimūrtis tridaśeśvarī || 125|| tryakṣari divya gandhāḍhyā sindūra tilakāñcitā | umā śailendra tanayā gaurī gandharva sevitā || 126|| viśvagarbhā svarṇagarbhā' varadā vāgadhīśvarī | dhyāna gamyā' paricchedyā jñānadā jñāna vigrahā || 127|| sarva vedānta saṃvedyā satyānanda svarūpiṇī | lopāmudrār citā līlā klupta brahmāṇḍa maṇḍalā || 128|| adṛśyā dṛśyarahitā vijñātrī vedyavarjitā | yoginī yogadā yogyā yogānandā yugaṃdharā || 129|| icchāśakti jñānaśakti kriyāśakti svarūpiṇī | sarvādhārā supratiṣṭhā sadasad rūpadhāriṇī || 130|| aṣṭamūrtti rajājaitrī lokayātra vidhāyinī | ekākinī bhūmarūpā nirdvaitā dvaita varjitā || 131|| annadā vasudā vṛddhā brahmātmaikya svarūpiṇī | bṛhatī brāhmaṇī brāhmī brahmā nandā balipriyā || 132|| bhāṣārūpā bṛhatsenā bhāvābhāva vivarjitā | sukhārādhyā śubhakarī śobhanā sulabhāgatiḥ || 133|| rāja rājeśvarī rājya dāyinī rājya vallabhā | rājatkṛpā rājapīṭha niveśita nijāśritā || 134|| rājyalakṣmīḥ kośanāthā caturaṅga baleśvarī | sāmrājya dāyinī satya saṃdhā sāgara mekhalā || 135|| dīkṣitā daityaśamanī sarvaloka vaśaṃkarī | sarvārttha dātrī sāvitrī saccidānanda rūpiṇī || 136|| deśakālā paricchinnā sarvagā sarva mohinī | sarasvatī śāstramayī guhāmbā guhyarūpiṇī || 137|| sarvopādhi vinirmuktā sadāśiva pativratā | saṃpradāyeśvarī sādhvī gurūmaṇḍala rūpiṇī || 138|| kulottīrṇā bhagārādhyā māyā madhumatī mahī | gaṇāmbā guhyakārādhyā komalāṅgī gurūpriyā || 139|| svatantrā sarvatantreśī dakṣiṇāmūrtti rūpiṇī | sanakādi samārādhyā śivajñāna pradāyinī || 140|| citkalā'' nandakalikā premarūpā priyaṃkarī | nāmapārāyaṇa prītā nandividyā naṭeśvarī || 141|| mithyā jagada dhiṣṭhānā muktidā mukti rūpiṇī | lāsyapriyā layakarī lajjā rambhādi vanditā || 142|| bhavadā vasudhā vṛṣṭiḥ pāpāraṇya davānalā | daurbhāgya tūla vātūlā jarādhvāntara viprabhā || 143|| bhāgyābdhi candrikā bhakta cittakeki ghanā ghanā | rogaparvata daṃbholir mṛtyudāru kuṭhārikā || 144|| maheśvarī mahākālī mahāgrāsā mahāśanā | aparṇā caṇḍikā caṇḍa muṇḍāsura niṣūdinī || 145|| kṣarākṣarātmikā sarva lokeśī viśvadhāriṇī | trivarga dātrī subhagā tryambakā triguṇātmikā || 146|| svargā pavargadā śuddhā japāpuṣpa nibhākṛtiḥ | ojovatī dyutidharā yajñarūpā priyavratā || 147|| durārādhyā durādharṣā pāṭalī kusumapriyā | mahatī merunilayā mandāra kusumapriyā || 148|| vīrārādhyā virāḍ rūpā virajā viśvatomukhī | pratyagrūpā parākāśā prāṇadā prāṇarūpiṇī || 149|| mārtaṇḍa bhairavārādhyā mantriṇī nyastarāj yadhūḥ | tripureśī jayatsenā nistraiguṇyā parāparā || 150|| satyajñānā nandarūpā sāmarasya parāyaṇā | kapardinī kalāmālā kāmadhuk kāmarūpiṇī || 151|| kalānidhiḥ kāvyakalā rasajñā rasaśevadhiḥ | puṣṭā purātanā pūjyā puṣkarā puṣkarekṣaṇā || 152|| paraṃjyotiḥ paraṃdhāma paramāṇuḥ parātparā | pāśahastā pāśahantrī paramantra vibhedinī || 153|| mūrttā' mūrttā' nityatṛptā munimānasa haṃsikā | satyavratā satyarūpā sarvāntar yāminī satī || 154|| brahmāṇī brahmajananī bahurūpā budhārcitā | prasavitrī pracaṇḍā''jñā pratiṣṭhā prakaṭā kṛtīḥ || 155|| prāṇeśvarī prāṇadātrī pañcāśat pīṭharūpiṇī | viśṛṅkhalā viviktasthā vīramātā viyatprasūḥ || 156|| mukundā muktinilayā mūlavigraha rūpiṇī | bhāvajñā bhavarogaghnī bhavacakra pravartinī || 157|| chandaḥsārā śāstrasārā mantrasārā talodarī | udārakīrtti ruddāma vaibhavā varṇa rūpiṇī || 158|| janmamṛtyu jarātapta jana viśrānti dāyinī | sarvopaniṣa dudghuṣṭā śāntyatīta kalātmikā || 159|| gambhīrā gaganāntasthā garvitā gānalolupā | kalpanā rahitā kāṣṭhā' kāntā kāntārdha vigrahā || 160|| kārya kāraṇa nirmuktā kāmakeli taraṅgitā | kanatkanaka tāṭaṅkā līlāvigraha dhāriṇī || 161|| ajākṣaya vinirmuktā mugdhra kṣipra prasādinī | antarmukha samārādhyā bahirmukha sudurlabhā || 162|| trayī trivarga nilayā tristhā tripuramālinī | nirāmayā nirālambā svātmārāmā sudhāsrutiḥ || 163|| saṃsāra paṅka nirmagna samuddharaṇa paṇḍitā | yajñapriyā yajñakartrī yajamāna svarūpiṇī || 164|| dharmādhārā dhanādhyakṣā dhanadhānya vivardhinī | viprapriyā viprarūpā viśva bhramaṇa kāriṇī || 165|| viśvagrāsā vidrumābhā vaiṣṇavī viṣṇurūpiṇī | ayoniryoni nilayā kūṭasthā kularūpiṇī || 166|| vīragoṣṭhī priyā vīrā naiṣkarmyā nādarūpiṇī | vijñāna kalanā kalyā vidagdhā bainda vāsanā || 167|| tatvādhikā tattvamayī tatvamarttha svarūpiṇī | sāmagānapriyā saumyā sadāśiva kuṭumbinī || 168|| savyā pasavya mārgasthā sarvāpadvi nivāriṇī | svasthā svabhāvamadhurā dhīrā dhīra samarccitā || 169|| caitanyārghya samārādhyā caitanya kusumapriyā | sadoditā sadātuṣṭā taruṇāditya pāṭalā || 170|| dakṣiṇā dakṣiṇārādhyā darasmera mukhāṃbujā | kaulinī kevalā'narghya kaivalyapada dāyinī || 171|| stotrapriyā stutimatī śruti saṃstuta vaibhavā | manasvinī mānavatī maheśī maṃgalākṛtiḥ || 172|| viśvamātā jagaddhātrī viśālākṣī virāgiṇī | pragalbhā paramodārā parāmodā manomayī || 173|| vyomakeśī vimānasthā vajriṇī vāmakeśvarī | pañca yajñapriyā pañca preta mañcādhi śāyinī || 174|| pañcamī pañcabhūteśi pañca saṃkhyopacāriṇī | śāśvatī śāśvataiś varyā śarmadā śaṃbhu mohinī || 175|| dharā dharasutā dhanyā dharmiṇī dharma vardhinī | lokātītā guṇātītā sarvātītā śamātmikā || 176|| bandhūka kusumaprakhyā bālā līlā vinodinī | sumaṅgalī sukhakarī suveṣāḍhyā suvāsinī || 177|| suvāsinyarccana prītā śobhanā śuddha mānasā | bindutarpaṇa saṃtuṣṭā pūrvajā tripurāṃbikā || 178|| daśa mudrā samārādhyā tripurāśrī vaśaṃkarī | jñānamudrā jñānagamyā jñānajñeya svarūpiṇī || 179|| yonimudrā trikhaṇḍeśī triguṇāṃbā trikoṇagā | anaghā'dbhuta cāritrā vāñchitārttha pradāyinī || 180|| abhyāsāti śayajñātā ṣaḍadhvātīta rūpiṇī | avyāja karuṇāmūrtti rajñāna dhvānta dīpikā || 181|| ābālagopa viditā sarvānullaṃghya śāsanā | śricakra rājanilayā śrīmat tripura sundarī || 182|| śrīśivā śivaśaktyaikya rūpiṇī lalitāmbikā | evaṃ śrīlalitā devyāḥ nām nāṃ sāhasrakaṃ jaguḥ || iti śrī brahmāṇḍa purāṇe uttarākhaṇḍe śrī hayagrīvāgastyasaṃvāde śrīlalitā sahasranāma stotra kathanaṃ saṃpūrṇaṃ ||

मैं परम अम्बिका का ध्यान करती हूँ — सिन्दूर-सी अरुण देहवाली, त्रिनयना, माणिक्य व चन्द्रकला से मुकुटित, स्मितमुखी, हाथों में रत्न-चषक व रक्तकमल धारण किए, रत्नमय घट पर रक्तचरण रखे हुए। मैं उन भवानी का ध्यान करती हूँ जो अरुणवर्णा हैं, जिनके नेत्र करुणा से पूर्ण हैं, जो पाश, अंकुश, पुष्पबाण व इक्षु-धनुष धारण करती हैं, और अणिमा आदि सिद्धियों की किरणों से चारों ओर घिरी हैं। वे श्रीविद्या हैं, शान्ति की मूर्ति, समस्त देवों से वन्दित, सर्व सम्पत्ति की दात्री।