भज गोविन्दम् in Bengali

ভজ গোবিন্দং ভজ গোবিন্দং গোবিন্দং ভজ মূঢমতে । সম্প্রাপ্তে সন্নিহিতে কালে নহি নহি রক্ষতি ডুকৃঞ্করণে ॥

Bhaja govindam bhaja govindam govindam bhaja mudhamate Samprapte sannihite kale nahi nahi rakshati dukrinkarane

মূঢ জহীহি ধনাগমতৃষ্ণাং কুরু সদ্বুদ্ধিং মনসি বিতৃষ্ণাম্ । যল্লভসে নিজকর্মোপাত্তং বিত্তং তেন বিনোদয চিত্তম্ ॥

Mudha jahihi dhanagamatrishnam kuru sadbuddhim manasi vitrishnam Yallabhase nijakarmopattam vittam tena vinodaya chittam

নারীস্তনভর নাভীদেশং দৃষ্ট্বা মা গা মোহাবেশম্ । এতন্মাংসবসাদিবিকারং মনসি বিচিন্তয বারং বারম্ ॥

Naristanabhara nabhidesham drishtva ma ga mohavesham Etanmamsavasadivikaram manasi vichintaya varam varam

নলিনীদল গতজলমতিতরলং তদ্বজ্জীবিতমতিশয চপলম্ । বিদ্ধি ব্যাধ্যভিমানগ্রস্তং লোকং শোকহতং চ সমস্তম্ ॥

Nalinidala gatajalamatitaralam tadvajjivitamatishaya chapalam Viddhi vyadhyabhimanagrastam lokam shokahatam cha samastam

যাবদ্বিত্তোপার্জনসক্তঃ তাবন্নিজপরিবারো রক্তঃ । পশ্চাজ্জীবতি জর্জরদেহে বার্তাং কোঽপি ন পৃচ্ছতি গেহে ॥

Yavadvittoparjanasaktah tavannijaparivaro raktah Pashchajjivati jarjaradehe vartam kopi na prichchhati gehe

যাবত্পবনো নিবসতি দেহে তাবত্পৃচ্ছতি কুশলং গেহে । গতবতি বাযৌ দেহাপাযে ভার্যা বিভ্যতি তস্মিন্কাযে ॥

Yavatpavano nivasati dehe tavatprichchhati kushalam gehe Gatavati vayau dehapaye bharya bibhyati tasminkaye

বালস্তাবত্ক্রীডাসক্তঃ তরুণস্তাবত্তরুণীসক্তঃ । বৃদ্ধস্তাবচ্চিন্তাসক্তঃ পরমে ব্রহ্মণি কোঽপি ন সক্তঃ ॥

Balastavatkridasaktah tarunastavattarunisaktah Vriddhastavachchintasaktah parame brahmani kopi na saktah

কা তে কান্তা কস্তে পুত্রঃ সংসারোঽযমতীব বিচিত্রঃ । কস্য ত্বং কঃ কুত আযাতঃ তত্ত্বং চিন্তয তদিহ ভ্রাতঃ ॥

Ka te kanta kaste putrah samsaroyamativa vichitrah Kasya tvam kah kuta ayatah tattvam chintaya tadiha bhratah

সত্সঙ্গত্বে নিস্সঙ্গত্বং নিস্সঙ্গত্বে নির্মোহত্বম্ । নির্মোহত্বে নিশ্চলতত্ত্বং নিশ্চলতত্ত্বে জীবন্মুক্তিঃ ॥

Satsangatve nissangatvam nissangatve nirmohatvam Nirmohatve nishchalatattvam nishchalatattve jivanmuktih

বযসি গতে কঃ কামবিকারঃ শুষ্কে নীরে কঃ কাসারঃ । ক্ষীণে বিত্তে কঃ পরিবারঃ জ্ঞাতে তত্ত্বে কঃ সংসারঃ ॥

Vayasi gate kah kamavikarah shushke nire kah kasarah Kshine vitte kah parivarah jnate tattve kah samsarah

মা কুরু ধন যৌবন গর্বং হরতি নিমেষাত্কালঃ সর্বম্ । মাযামযমিদমখিলং হিত্বা ব্রহ্মপদং ত্বং প্রবিশ বিদিত্বা ॥

Ma kuru dhana yauvana garvam harati nimeshatkalah sarvam Mayamayamidamakhilam hitva brahmapadam tvam pravisha viditva

দিনযামিন্যৌ সাযং প্রাতঃ শিশিরবসন্তৌ পুনরাযাতঃ । কালঃ ক্রীডতি গচ্ছত্যাযুঃ তদপি ন মুঞ্চত্যাশাবাযুঃ ॥

Dinayaminyau sayam pratah shishiravasantau punarayatah Kalah kridati gachchhatyayuh tadapi na munchatyashavayuh

কা তে কান্তা ধনগতচিন্তা বাতুল কিং তব নাস্তি নিযন্তা । ত্রিজগতি সজ্জনসঙ্গতিরেকা ভবতি ভবার্ণবতরণে নৌকা ॥

Ka te kanta dhanagatachinta vatula kim tava nasti niyanta Trijagati sajjanasangatireka bhavati bhavarnavatarane nauka

দ্বাদশ মঞ্জরিকাভিরশেষঃ কথিতো বৈযাকরণস্যৈষঃ । উপদেশোঽভূদ্বিদ্যা নিপুণৈঃ শ্রীমচ্ছঙ্কর ভগবচ্ছরণৈঃ ॥

Dvadasha manjarikabhirasheshah kathito vaiyakaranasyaishah Upadeshobhudvidya nipunaih shrimachchhankara bhagavachchharanaih

জটিলো মুণ্ডী লুঞ্ছিতকেশঃ কাষাযাম্বর বহুকৃতবেষঃ । পশ্যন্নপি চ ন পশ্যতি মূঢঃ উদরনিমিত্তং বহুকৃতবেষঃ ॥

Jatilo mundi lunchhitakeshah kashayambara bahukritaveshah Pashyannapi cha na pashyati mudhah udaranimittam bahukritaveshah

অঙ্গং গলিতং পলিতং মুণ্ডং দশনবিহীনং জাতং তুণ্ডম্ । বৃদ্ধো যাতি গৃহীত্বা দণ্ডং তদপি ন মুঞ্চত্যাশাপিণ্ডম্ ॥

Angam galitam palitam mundam dashanavihinam jatam tundam Vriddho yati grihitva dandam tadapi na munchatyashapindam

অগ্রে বহ্নিঃ পৃষ্ঠে ভানুঃ রাত্রৌ চুবুক সমর্পিত জানুঃ । করতল ভিক্ষস্তরুতলবাসঃ তদপি ন মুঞ্চত্যাশাপাশঃ ॥

Agre vahnih prishthe bhanuh ratrau chubuka samarpita januh Karatala bhikshastarutalavasah tadapi na munchatyashapashah

কুরুতে গঙ্গাসাগরগমনং ব্রত পরিপালনমথবা দানম্ । জ্ঞানবিহীনঃ সর্বমতেন ভজতি ন মুক্তিং জন্মশতেন ॥

Kurute gangasagaragamanam vrata paripalanamathava danam Jnanavihinah sarvamatena bhajati na muktim janmashatena

সুরমন্দির নিবাসঃ শয্যা ভূতলমজিনং বাসঃ । সর্ব পরিগ্রহ ভোগত্যাগঃ কস্য সুখং ন করোতি বিরাগঃ ॥

Suramandira nivasah shayya bhutalamajinam vasah Sarva parigraha bhogatyagah kasya sukham na karoti viragah

যোগরতো বা ভোগরতো বা সঙ্গরতো বা সঙ্গবিহীনঃ । যস্য ব্রহ্মণি রমতে চিত্তং নন্দতি নন্দতি নন্দত্যেব ॥

Yogarato va bhogarato va sangarato va sangavihinah Yasya brahmani ramate chittam nandati nandati nandatyeva

ভগবদ্গীতা কিঞ্চিদধীতা গঙ্গাজল লবকণিকা পীতা । সকৃদপি যেন মুরারিসমর্চা ক্রিযতে তস্য যমেন ন চর্চা ॥

Bhagavadgita kinchidadhita gangajala lavakanika pita Sakridapi yena murarisamarcha kriyate tasya yamena na charcha

পুনরপি জননং পুনরপি মরণং পুনরপি জননীজঠরে শযনম্ । ইহ সংসারে বহুদুস্তারে কৃপযাঽপারে পাহি মুরারে ॥

Punarapi jananam punarapi maranam punarapi jananijathare shayanam Iha samsare bahudustare kripayapare pahi murare

রথ্যাচর্পট বিরচিত কন্থঃ পুণ্যাপুণ্য বিবর্জিত পন্থঃ । যোগী যোগনিযোজিত চিত্তঃ রমতে বালোন্মত্তবদেব ॥

Rathyacharpata virachita kanthah punyapunya vivarjita panthah Yogi yoganiyojita chittah ramate balonmattavadeva

কস্ত্বং কোঽহং কুত আযাতঃ কা মে জননী কো মে তাতঃ । ইতি পরিভাবয সর্বমসারং বিশ্বং ত্যক্ত্বা স্বপ্নবিচারম্ ॥

Kastvam koham kuta ayatah ka me janani ko me tatah Iti paribhavaya sarvamasaram vishvam tyaktva svapnavicharam

ত্বযি মযি চান্যত্রৈকো বিষ্ণুঃ ব্যর্থং কুপ্যসি ময্যসহিষ্ণুঃ । ভব সমচিত্তঃ সর্বত্র ত্বং বাঞ্ছস্যচিরাদ্যদি বিষ্ণুত্বম্ ॥

Tvayi mayi chanyatraiko vishnuh vyartham kupyasi mayyasahishnuh Bhava samachittah sarvatra tvam vanchhasyachiradyadi vishnutvam

শত্রৌ মিত্রে পুত্রে বন্ধৌ মা কুরু যত্নং বিগ্রহসন্ধৌ । সর্বস্মিন্নপি পশ্যাত্মানং সর্বত্রোত্সৃজ ভেদাজ্ঞানম্ ॥

Shatrau mitre putre bandhau ma kuru yatnam vigrahasandhau Sarvasminnapi pashyatmanam sarvatrotsrija bhedajnanam

কামং ক্রোধং লোভং মোহং ত্যক্ত্বাঽঽত্মানং পশ্যতি সোঽহম্ । আত্মজ্ঞানবিহীনা মূঢাঃ তে পচ্যন্তে নরকনিগূঢাঃ ॥

Kamam krodham lobham moham tyaktvatmanam pashyati soham Atmajnanavihina mudhah te pachyante narakanigudhah

গেযং গীতা নামসহস্রং ধ্যেযং শ্রীপতি রূপমজস্রম্ । নেযং সজ্জন সঙ্গে চিত্তং দেযং দীনজনায চ বিত্তম্ ॥

Geyam gita namasahasram dhyeyam shripati rupamajasram Neyam sajjana sange chittam deyam dinajanaya cha vittam

সুখতঃ ক্রিযতে কামাভোগঃ পশ্চাদন্ত শরীরে রোগঃ । যদ্যপি লোকে মরণং শরণং তদপি ন মুঞ্চতি পাপাচরণম্ ॥

Sukhatah kriyate kamabhogah pashchadanta sharire rogah Yadyapi loke maranam sharanam tadapi na munchati papacharanam

অর্থমনর্থং ভাবয নিত্যং নাস্তিততঃ সুখলেশঃ সত্যম্ । পুত্রাদপি ধনভাজাং ভীতিঃ সর্বত্রৈষা বিহিতা রীতিঃ ॥

Arthamanartham bhavaya nityam nastitatah sukhaleshah satyam Putradapi dhanabhajam bhitih sarvatraisha vihita ritih

প্রাণাযামং প্রত্যাহারং নিত্যানিত্য বিবেকবিচারম্ । জাপ্যসমেতসমাধিবিধানং কুর্ববধানং মহদবধানম্ ॥

Pranayamam pratyaharam nityanitya vivekavicharam Japyasametasamadhividhanam kurvavadhanam mahadavadhanam

গুরুচরণাম্বুজ নির্ভরভক্তঃ সংসারাদচিরাদ্ভব মুক্তঃ । সেন্দ্রিযমানস নিযমাদেবং দ্রক্ষ্যসি নিজহৃদযস্থং দেবম্ ॥

Gurucharanambuja nirbharabhaktah samsaradachiradbhava muktah Sendriyamanasa niyamadevam drakshyasi nijahridayastham devam

মূঢঃ কশ্চন বৈযাকরণো ডুঃকৃঙ্করণাধ্যযনধুরীণঃ । শ্রীমচ্ছঙ্কর ভগবচ্ছিষ্যৈঃ বোধিত আসীচ্ছোধিত করণঃ ॥

Mudhah kashchana vaiyakarano duhkrinkaranadhyayanadhurinah Shrimachchhankara bhagavachchhishyaih bodhita asichchhodhita karanah

ভজ গোবিন্দং ভজ গোবিন্দং গোবিন্দং ভজ মূঢমতে । নামস্মরণাদন্যমুপাযং নহি পশ্যামো ভবতরণে ॥

Bhaja govindam bhaja govindam govindam bhaja mudhamate Namasmaranadanyamupayam nahi pashyamo bhavatarane