आञ्जनेय भुजङ्गम्

Sanskrit text with English transliteration and translation

← Full Page Word-by-Word Meaning Benefits & How to Chant

ॐ श्रीरामजयम् । ॐ सद्गुरुश्रीत्यागराजस्वामिने नमो नमः । ॐ आञ्जनेयाय विद्महे । रामदूताय धीमहि । तन्नो यजः प्रचोदयात् ॥ सदारामभक्तिप्रसारप्रडीनं सदातारकानन्दनामोपगङ्गम् । सदाध्यानलीनं सदानामगानं सदात्राणभक्तं नमाम्याञ्जनेयम् ॥ १॥ सदारामनामप्लवाह्लादरूपं सदारामनामाधरस्मेरवक्त्रम् । सदारामगानातिमाधुर्यकण्ठं सदात्राणभक्तं नमाम्याञ्जनेयम् ॥ २॥ सदानामयोगं सदारामरागं सदाचित्तसम्पूर्णनामप्रभावम् । सदाब्रह्मनिष्ठं वरज्ञानपूर्णं सदात्राणभक्तं नमाम्याञ्जनेयम् ॥ ३॥ सदारामदासं महावीरवर्यं सदानामपेयूषपानप्रमत्तम् । सुनामप्रहृष्टं सभक्ताग्रगण्यं सदात्राणभक्तं नमाम्याञ्जनेयम् ॥ ४॥ सुनामस्वरालापबाष्पाकुलाक्षं सुसङ्गीतनामप्रभावस्वभावम् । स्वरस्वादुनामोपभोग्यं सुभाग्यं सदात्राणभक्तं नमाम्याञ्जनेयम् ॥ ५॥ ससूर्यप्रकाशं ससत्त्वप्रवाचं असाध्यप्रभावं सुसाध्यप्रमाणम् । सदाध्यातरामस्वरूपप्रकाशं सदात्राणभक्तं नमाम्याञ्जनेयम् ॥ ६॥ ससत्त्वं फलाशं सुमेधाविलासं सुसीतामनश्शोकनाशं प्रशान्तम् । सुवेगं यजं तं भजे रामदूतं सदात्राणभक्तं नमाम्याञ्जनेयम् ॥ ७॥ महद्ब्रह्मचर्यं मनोवाक्स्थरामं मनस्कायसञ्जीवनौषध्यधेयम् । महीधारकन्धारधारप्रतापं सदात्राणभक्तं नमाम्याञ्जनेयम् ॥ ८॥ ससीतस्वरारामनामप्रगेयं ससङ्गीतसाहित्यविद्याप्रवीणम् । सुसप्तस्वरानन्दनृत्याभिलास्यं सदात्राणभक्तं नमाम्याञ्जनेयम् ॥ ९॥ हरिश्रेष्ठरत्नं हरिप्रेष्ठभक्तं हरिस्मेरहृत्पद्मवासानुरागम् । हरप्रीतनामप्रियं भक्तवर्यं हरांशं हनूमन्तशूरं नमामि ॥ १०॥ हिमागप्रशान्तिस्वमाधुर्यगायं हिमानन्दगङ्गाप्लवाह्लादगेयम् । हिमापूतरम्याष्ट्रध्यानस्थदेवं सदात्राणभक्तं नमाम्याञ्जनेयम् ॥ ११॥ मनोगालनागीतरामाभिरामं सुरागानुरागं सुनामाभिजप्यम् । मनोजस्वरागीतसीतावराप्तं सदात्राणभक्तं नमाम्याञ्जनेयम् ॥ १२॥ वरानन्दरामस्ववाचाभिनन्दं सरागप्रभाषं स्वरारामरामम् । कुरोगप्रणाशं वरारोग्यदायं सदात्राणभक्तं नमाम्याञ्जनेयम् ॥ १३॥ सुसत्कार्यसिद्धिं सुसद्भक्तिबुद्धिं विरागत्ववृद्धिं सुरागप्रवृद्धिम् । सुनादप्रवृत्तिं सुबोधं सुशक्तिं सदात्राणभक्तं नमाम्याञ्जनेयम् ॥ १४॥ सुसङ्गीतवाणिं सुसत्पुष्पपाणिं कविस्फूर्तिरक्तिं कपिं रागहृष्टिम् । सदासत्त्वदृष्टिं सदासक्तिपुष्टिं सदात्राणभक्तं नमाम्याञ्जनेयम् ॥ १५॥ गुरुत्यागराजेन्द्रसद्गानलोलं तदाह्लादसन्नामगानप्रसन्नम् । कृताञ्जल्यतिप्रेष्ठनामप्रलीनं सदात्राणभक्तं नमाम्याञ्जनेयम् ॥ १६॥ गुरुत्यागराजेन्द्रशिष्योपगीतं सुपुष्पोपहारं सुभक्तिप्रणीतम् । मनोजस्तुतिस्फूर्तिपुष्पार्चितं तं सदात्राणभक्तं नमाम्याञ्जनेयम् ॥ १७॥ भुजङ्गप्रयातस्फुरद्भक्तिगीतं भुजङ्गप्रयातप्रगीतिप्रमोदम् । भुजङ्गावतारानुजप्रेष्ठभक्तं भजे मारुतिं तं सभक्तं सुभद्रम् ॥ १८॥ सुभद्रं वरानन्दरामानुरागं सुभद्रं स्वरानन्दनामाभिगेयम् । सुभद्रं वरारामरामोपसेवं सुभद्रं हनूमन्तधीरं भजेहम् ॥ १९॥ श्रीसीतारामभक्ताय रामनामरताय च । नामगानाभिलोलाय आञ्जनेयाय मङ्गलम् ॥ इति सद्गुरुश्रीत्यागराजस्वामिनः शिष्यया भक्तया पुष्पया कृतं आञ्जनेयभुजङ्गप्रयातस्तोत्रं गुरौ समर्पितम् । ॐ शुभमस्तु ।

oṃ śrīrāmajayam | oṃ sadguruśrītyāgarājasvāmine namo namaḥ | oṃ āñjaneyāya vidmahe | rāmadūtāya dhīmahi | tanno yajaḥ pracodayāt || sadārāmabhaktiprasārapraḍīnaṃ sadātārakānandanāmopagaṅgam | sadādhyānalīnaṃ sadānāmagānaṃ sadātrāṇabhaktaṃ namāmyāñjaneyam || 1|| sadārāmanāmaplavāhlādarūpaṃ sadārāmanāmādharasmeravaktram | sadārāmagānātimādhuryakaṇṭhaṃ sadātrāṇabhaktaṃ namāmyāñjaneyam || 2|| sadānāmayogaṃ sadārāmarāgaṃ sadācittasampūrṇanāmaprabhāvam | sadābrahmaniṣṭhaṃ varajñānapūrṇaṃ sadātrāṇabhaktaṃ namāmyāñjaneyam || 3|| sadārāmadāsaṃ mahāvīravaryaṃ sadānāmapeyūṣapānapramattam | sunāmaprahṛṣṭaṃ sabhaktāgragaṇyaṃ sadātrāṇabhaktaṃ namāmyāñjaneyam || 4|| sunāmasvarālāpabāṣpākulākṣaṃ susaṅgītanāmaprabhāvasvabhāvam | svarasvādunāmopabhogyaṃ subhāgyaṃ sadātrāṇabhaktaṃ namāmyāñjaneyam || 5|| sasūryaprakāśaṃ sasattvapravācaṃ asādhyaprabhāvaṃ susādhyapramāṇam | sadādhyātarāmasvarūpaprakāśaṃ sadātrāṇabhaktaṃ namāmyāñjaneyam || 6|| sasattvaṃ phalāśaṃ sumedhāvilāsaṃ susītāmanaśśokanāśaṃ praśāntam | suvegaṃ yajaṃ taṃ bhaje rāmadūtaṃ sadātrāṇabhaktaṃ namāmyāñjaneyam || 7|| mahadbrahmacaryaṃ manovākstharāmaṃ manaskāyasañjīvanauṣadhyadheyam | mahīdhārakandhāradhārapratāpaṃ sadātrāṇabhaktaṃ namāmyāñjaneyam || 8|| sasītasvarārāmanāmaprageyaṃ sasaṅgītasāhityavidyāpravīṇam | susaptasvarānandanṛtyābhilāsyaṃ sadātrāṇabhaktaṃ namāmyāñjaneyam || 9|| hariśreṣṭharatnaṃ haripreṣṭhabhaktaṃ harismerahṛtpadmavāsānurāgam | haraprītanāmapriyaṃ bhaktavaryaṃ harāṃśaṃ hanūmantaśūraṃ namāmi || 10|| himāgapraśāntisvamādhuryagāyaṃ himānandagaṅgāplavāhlādageyam | himāpūtaramyāṣṭradhyānasthadevaṃ sadātrāṇabhaktaṃ namāmyāñjaneyam || 11|| manogālanāgītarāmābhirāmaṃ surāgānurāgaṃ sunāmābhijapyam | manojasvarāgītasītāvarāptaṃ sadātrāṇabhaktaṃ namāmyāñjaneyam || 12|| varānandarāmasvavācābhinandaṃ sarāgaprabhāṣaṃ svarārāmarāmam | kurogapraṇāśaṃ varārogyadāyaṃ sadātrāṇabhaktaṃ namāmyāñjaneyam || 13|| susatkāryasiddhiṃ susadbhaktibuddhiṃ virāgatvavṛddhiṃ surāgapravṛddhim | sunādapravṛttiṃ subodhaṃ suśaktiṃ sadātrāṇabhaktaṃ namāmyāñjaneyam || 14|| susaṅgītavāṇiṃ susatpuṣpapāṇiṃ kavisphūrtiraktiṃ kapiṃ rāgahṛṣṭim | sadāsattvadṛṣṭiṃ sadāsaktipuṣṭiṃ sadātrāṇabhaktaṃ namāmyāñjaneyam || 15|| gurutyāgarājendrasadgānalolaṃ tadāhlādasannāmagānaprasannam | kṛtāñjalyatipreṣṭhanāmapralīnaṃ sadātrāṇabhaktaṃ namāmyāñjaneyam || 16|| gurutyāgarājendraśiṣyopagītaṃ supuṣpopahāraṃ subhaktipraṇītam | manojastutisphūrtipuṣpārcitaṃ taṃ sadātrāṇabhaktaṃ namāmyāñjaneyam || 17|| bhujaṅgaprayātasphuradbhaktigītaṃ bhujaṅgaprayātapragītipramodam | bhujaṅgāvatārānujapreṣṭhabhaktaṃ bhaje mārutiṃ taṃ sabhaktaṃ subhadram || 18|| subhadraṃ varānandarāmānurāgaṃ subhadraṃ svarānandanāmābhigeyam | subhadraṃ varārāmarāmopasevaṃ subhadraṃ hanūmantadhīraṃ bhajeham || 19|| śrīsītārāmabhaktāya rāmanāmaratāya ca | nāmagānābhilolāya āñjaneyāya maṅgalam || iti sadguruśrītyāgarājasvāminaḥ śiṣyayā bhaktayā puṣpayā kṛtaṃ āñjaneyabhujaṅgaprayātastotraṃ gurau samarpitam | oṃ śubhamastu |

अञ्जना-पुत्र आञ्जनेय (हनुमान) की भुजङ्ग (सर्प) छंद में स्तुति — जो राम के परम भक्त, भय-नाशक, बल व कल्याण के दाता को वंदन करती है।

Want to understand every word?

Read Word-by-Word Meaning →