Dohā 18 / 60
▶ Listen to recitation🔊 Tap any line to hear it — or ▶ to recite the whole stanza
चलेउ नाइ सिरु पैठेउ बागा। फल खाएसि तरु तोरैं लागा॥ रहे तहाँ बहु भट रखवारे। कछु मारेसि कछु जाइ पुकारे॥ नाथ एक आवा कपि भारी। तेहिं असोक बाटिका उजारी॥ खाएसि फल अरु बिटप उपारे। रच्छक मर्दि मर्दि महि डारे॥ सुनि रावन पठए भट नाना। तिन्हहि देखि गर्जेउ हनुमाना॥ सब रजनीचर कपि संघारे। गए पुकारत कछु अधमारे॥ पुनि पठयउ तेहिं अच्छकुमारा। चला संग लै सुभट अपारा॥ आवत देखि बिटप गहि तर्जा। ताहि निपाति महाधुनि गर्जा॥
caleu nāi siru paiṭheu bāgā phala khāesi taru toraiṃ lāgā rahe tahā~ bahu bhaṭa rakhavāre kachu māresi kachu jāi pukāre nātha eka āvā kapi bhārī tehiṃ asoka bāṭikā ujārī khāesi phala aru biṭapa upāre racchaka mardi mardi mahi ḍāre suni rāvana paṭhae bhaṭa nānā tinhahi dekhi garjeu hanumānā saba rajanīcara kapi saṃghāre gae pukārata kachu adhamāre puni paṭhayau tehiṃ acchakumārā calā saṃga lai subhaṭa apārā āvata dekhi biṭapa gahi tarjā tāhi nipāti mahādhuni garjā
कछु मारेसि कछु मर्देसि कछु मिलएसि धरि धूरि। कछु पुनि जाइ पुकारे प्रभु मर्कट बल भूरि॥18॥
kachu māresi kachu mardesi kachu milaesi dhari dhūri kachu puni jāi pukāre prabhu markaṭa bala bhūri 18