Shiv Sahasranama in Bengali

ধ্যাযেন্নিত্যং মহেশং রজতগিরিনিভং চারুচন্দ্রাবতংসং রত্নাকল্পোজ্জ্বলাঙ্গং পরশুমৃগবরাভীতিহস্তং প্রসন্নম্ । পদ্মাসীনং সমন্তাত্ স্তুতমমরগণৈর্ব্যাঘ্রকৃত্তিং বসানং বিশ্বাদ্যং বিশ্ববন্দ্যং নিখিলভযহরং পঞ্চবক্ত্রং ত্রিনেত্রম্ ॥

Dhyayennityam mahesham rajatagirinibham charuchandravatamsam Ratnakalpojjvalangam parashumrigavarabhitihastam prasannam Padmasinam samantat stutamamaraganairvyaghrakrittim vasanam Vishvadyam vishvavandyam nikhilabhayaharam panchavaktram trinetram

উপমন্যুরুবাচ — ব্রহ্মপ্রোক্তৈরৃষিপ্রোক্তৈর্বেদবেদাঙ্গসম্ভবৈঃ । সর্বলোকেষু বিখ্যাতং স্তুত্যং স্তোষ্যামি নামভিঃ ॥ মহদ্ভির্বিহিতৈঃ সত্যৈঃ সিদ্ধৈঃ সর্বার্থসাধকৈঃ । ঋষিণা তণ্ডিনা ভক্ত্যা কৃতৈর্বেদকৃতাত্মনা ॥

Upamanyuruvacha — Brahmaproktairrishiproktairvedavedangasambhavaih Sarvalokeshu vikhyatam stutyam stoshyami namabhih Mahadbhirvihitaih satyaih siddhaih sarvarthasadhakaih Rishina tandina bhaktya kritairvedakritatmana

॥ অথ শিবসহস্রনামস্তোত্রম্ ॥

Atha shivasahasranamastotram

স্থিরঃ স্থাণুঃ প্রভুর্ভীমঃ প্রবরো বরদো বরঃ । সর্বাত্মা সর্ববিখ্যাতঃ সর্বঃ সর্বকরো ভবঃ ॥ ১॥

Sthirah sthanuh prabhurbhimah pravaro varado varah Sarvatma sarvavikhyatah sarvah sarvakaro bhavah

জটী চর্মী শিখী খড্গী সর্বাঙ্গঃ সর্বভাবনঃ । হরশ্চ হরিণাক্ষশ্চ সর্বভূতহরঃ প্রভুঃ ॥ ২॥

Jati charmi shikhi khadgi sarvangah sarvabhavanah Harashcha harinakshashcha sarvabhutaharah prabhuh

প্রবৃত্তিশ্চ নিবৃত্তিশ্চ নিযতঃ শাশ্বতো ধ্রুবঃ । শ্মশানবাসী ভগবান্খচরো গোচরোঽর্দনঃ ॥ ৩॥

Pravrittishcha nivrittishcha niyatah shashvato dhruvah Shmashanavasi bhagavankhacharo gocharordanah

অভিবাদ্যো মহাকর্মা তপস্বী ভূতভাবনঃ । উন্মত্তবেষপ্রচ্ছন্নঃ সর্বলোকপ্রজাপতিঃ ॥ ৪॥

Abhivadyo mahakarma tapasvi bhutabhavanah Unmattaveshaprachchhannah sarvalokaprajapatih

মহারূপো মহাকাযো বৃষরূপো মহাযশাঃ । মহাত্মা সর্বভূতাত্মা বিশ্বরূপো মহাহনুঃ ॥ ৫॥

Maharupo mahakayo vrisharupo mahayashah Mahatma sarvabhutatma vishvarupo mahahanuh

লোকপালোঽন্তর্হিতাত্মা প্রসাদো হযগর্দভিঃ । পবিত্রং চ মহাংশ্চৈব নিযমো নিযমাশ্রিতঃ ॥ ৬॥

Lokapalontarhitatma prasado hayagardabhih Pavitram cha mahamshchaiva niyamo niyamashritah

সর্বকর্মা স্বযম্ভূত আদিরাদিকরো নিধিঃ । সহস্রাক্ষো বিশালাক্ষঃ সোমো নক্ষত্রসাধকঃ ॥ ৭॥

Sarvakarma svayambhuta adiradikaro nidhih Sahasraksho vishalakshah somo nakshatrasadhakah

চন্দ্রঃ সূর্যঃ শনিঃ কেতুর্গ্রহো গ্রহপতির্বরঃ । অত্রিরত্র্যানমস্কর্তা মৃগবাণার্পণোঽনঘঃ ॥ ৮॥

Chandrah suryah shanih keturgraho grahapatirvarah Atriratryanamaskarta mrigabanarpanonaghah

মহাতপা ঘোরতপা অদীনো দীনসাধকঃ । সংবত্সরকরো মন্ত্রঃ প্রমাণং পরমং তপঃ ॥ ৯॥

Mahatapa ghoratapa adino dinasadhakah Samvatsarakaro mantrah pramanam paramam tapah

যোগী যোজ্যো মহাবীজো মহারেতা মহাবলঃ । সুবর্ণরেতাঃ সর্বজ্ঞঃ সুবীজো বীজবাহনঃ ॥ ১০॥

Yogi yojyo mahabijo mahareta mahabalah Suvarnaretah sarvajnah subijo bijavahanah

দশবাহুস্ত্বনিমিষো নীলকণ্ঠ উমাপতিঃ । বিশ্বরূপঃ স্বযংশ্রেষ্ঠো বলবীরো বলো গণঃ ॥ ১১॥

Dashabahustvanimisho nilakantha umapatih Vishvarupah svayamshreshtho balaviro balo ganah

গণকর্তা গণপতির্দিগ্বাসাঃ কাম এব চ । মন্ত্রবিত্পরমো মন্ত্রঃ সর্বভাবকরো হরঃ ॥ ১২॥

Ganakarta ganapatirdigvasah kama eva cha Mantravitparamo mantrah sarvabhavakaro harah

কমণ্ডলুধরো ধন্বী বাণহস্তঃ কপালবান্ । অশনী শতঘ্নী খড্গী পট্টিশী চাযুধী মহান্ ॥ ১৩॥

Kamandaludharo dhanvi banahastah kapalavan Ashani shataghni khadgi pattishi chayudhi mahan

স্রুবহস্তঃ সুরূপশ্চ তেজস্তেজস্করো নিধিঃ । উষ্ণীষী চ সুবক্ত্রশ্চ উদগ্রো বিনতস্তথা ॥ ১৪॥

Sruvahastah surupashcha tejastejaskaro nidhih Ushnishi cha suvaktrashcha udagro vinatastatha

দীর্ঘশ্চ হরিকেশশ্চ সুতীর্থঃ কৃষ্ণ এব চ । শৃগালরূপঃ সিদ্ধার্থো মুণ্ডঃ সর্বশুভঙ্করঃ ॥ ১৫॥

Dirghashcha harikeshashcha sutirthah krishna eva cha Shrigalarupah siddhartho mundah sarvashubhankarah

অজশ্চ বহুরূপশ্চ গন্ধধারী কপর্দ্যপি । ঊর্ধ্বরেতা ঊর্ধ্বলিঙ্গ ঊর্ধ্বশাযী নভঃস্থলঃ ॥ ১৬॥

Ajashcha bahurupashcha gandhadhari kapardyapi Urdhvareta urdhvalinga urdhvashayi nabhahsthalah

ত্রিজটী চীরবাসাশ্চ রুদ্রঃ সেনাপতির্বিভুঃ । অহশ্চরো নক্তঞ্চরস্তিগ্মমন্যুঃ সুবর্চসঃ ॥ ১৭॥

Trijati chiravasashcha rudrah senapatirvibhuh Ahashcharo naktancharastigmamanyuh suvarchasah

গজহা দৈত্যহা কালো লোকধাতা গুণাকরঃ । সিংহশার্দূলরূপশ্চ আর্দ্রচর্মাম্বরাবৃতঃ ॥ ১৮॥

Gajaha daityaha kalo lokadhata gunakarah Simhashardularupashcha ardracharmambaravritah

কালযোগী মহানাদঃ সর্বকামশ্চতুষ্পথঃ । নিশাচরঃ প্রেতচারী ভূতচারী মহেশ্বরঃ ॥ ১৯॥

Kalayogi mahanadah sarvakamashchatushpathah Nishacharah pretachari bhutachari maheshvarah

বহুভূতো বহুধরঃ স্বর্ভানুরমিতো গতিঃ । নৃত্যপ্রিযো নিত্যনর্তো নর্তকঃ সর্বলালসঃ ॥ ২০॥

Bahubhuto bahudharah svarbhanuramito gatih Nrityapriyo nityanarto nartakah sarvalalasah

ঘোরো মহাতপাঃ পাশো নিত্যো গিরিরুহো নভঃ । সহস্রহস্তো বিজযো ব্যবসাযো হ্যতন্দ্রিতঃ ॥ ২১॥

Ghoro mahatapah pasho nityo giriruho nabhah Sahasrahasto vijayo vyavasayo hyatandritah

অধর্ষণো ধর্ষণাত্মা যজ্ঞহা কামনাশকঃ । দক্ষযাগাপহারী চ সুসহো মধ্যমস্তথা ॥ ২২॥

Adharshano dharshanatma yajnaha kamanashakah Dakshayagapahari cha susaho madhyamastatha

তেজোপহারী বলহা মুদিতোঽর্থোঽজিতোঽবরঃ । গম্ভীরঘোষা গম্ভীরো গম্ভীরবলবাহনঃ ॥ ২৩॥

Tejopahari balaha muditorthojitovarah Gambhiraghosha gambhiro gambhirabalavahanah

ন্যগ্রোধরূপো ন্যগ্রোধো বৃক্ষপর্ণস্থিতির্বিভুঃ । সুতীক্ষ্ণদশনশ্চৈব মহাকাযো মহাননঃ ॥ ২৪॥

Nyagrodharupo nyagrodho vrikshaparnasthitirvibhuh Sutikshnadashanashchaiva mahakayo mahananah

বিষ্বক্সেনো হরির্যজ্ঞঃ সংযুগাপীডবাহনঃ । তীক্ষ্ণতাপশ্চ হর্যশ্বঃ সহাযঃ কর্মকালবিত্ ॥ ২৫॥

Vishvakseno hariryajnah samyugapidavahanah Tikshnatapashcha haryashvah sahayah karmakalavit

বিষ্ণুপ্রসাদিতো যজ্ঞঃ সমুদ্রো বডবামুখঃ । হুতাশনসহাযশ্চ প্রশান্তাত্মা হুতাশনঃ ॥ ২৬॥

Vishnuprasadito yajnah samudro vadavamukhah Hutashanasahayashcha prashantatma hutashanah

উগ্রতেজা মহাতেজা জন্যো বিজযকালবিত্ । জ্যোতিষামযনং সিদ্ধিঃ সর্ববিগ্রহ এব চ ॥ ২৭॥

Ugrateja mahateja janyo vijayakalavit Jyotishamayanam siddhih sarvavigraha eva cha

শিখী মুণ্ডী জটী জ্বালী মূর্তিজো মূর্ধগো বলী । বেণবী পণবী তালী খলী কালকটঙ্কটঃ ॥ ২৮॥

Shikhi mundi jati jvali murtijo murdhago bali Venavi panavi tali khali kalakatankatah

নক্ষত্রবিগ্রহমতির্গুণবুদ্ধির্লযো গমঃ । প্রজাপতির্বিশ্ববাহুর্বিভাগঃ সর্বগোমুখঃ ॥ ২৯॥

Nakshatravigrahamatirgunabuddhirlayo gamah Prajapatirvishvabahurvibhagah sarvagomukhah

বিমোচনঃ সুসরণো হিরণ্যকবচোদ্ভবঃ । মেঢ্রজো বলচারী চ মহীচারী স্রুতস্তথা ॥ ৩০॥

Vimochanah susarano hiranyakavachodbhavah Medhrajo balachari cha mahichari srutastatha

সর্বতূর্যনিনাদী চ সর্বাতোদ্যপরিগ্রহঃ । ব্যালরূপো গুহাবাসী গুহো মালী তরঙ্গবিত্ ॥ ৩১॥

Sarvaturyaninadi cha sarvatodyaparigrahah Vyalarupo guhavasi guho mali tarangavit

ত্রিদশস্ত্রিকালধৃক্কর্মসর্ববন্ধবিমোচনঃ । বন্ধনস্ত্বসুরেন্দ্রাণাং যুধি শত্রুবিনাশনঃ ॥ ৩২॥

Tridashastrikaladhrikkarmasarvabandhavimochanah Bandhanastvasurendranam yudhi shatruvinashanah

সাঙ্খ্যপ্রসাদো দুর্বাসাঃ সর্বসাধুনিষেবিতঃ । প্রস্কন্দনো বিভাগজ্ঞো অতুল্যো যজ্ঞভাগবিত্ ॥ ৩৩॥

Sankhyaprasado durvasah sarvasadhunishevitah Praskandano vibhagajno atulyo yajnabhagavit

সর্ববাসঃ সর্বচারী দুর্বাসা বাসবোঽমরঃ । হৈমো হেমকরো যজ্ঞঃ সর্বধারী ধরোত্তমঃ ॥ ৩৪॥

Sarvavasah sarvachari durvasa vasavomarah Haimo hemakaro yajnah sarvadhari dharottamah

লোহিতাক্ষো মহাক্ষশ্চ বিজযাক্ষো বিশারদঃ । সঙ্গ্রহো নিগ্রহঃ কর্তা সর্পচীরনিবাসনঃ ॥ ৩৫॥

Lohitaksho mahakshashcha vijayaksho visharadah Sangraho nigrahah karta sarpachiranivasanah

মুখ্যোঽমুখ্যশ্চ দেহশ্চ কাহলিঃ সর্বকামদঃ । সর্বকাসপ্রসাদশ্চ সুবলো বলরূপধৃত্ ॥ ৩৬॥

Mukhyomukhyashcha dehashcha kahalih sarvakamadah Sarvakasaprasadashcha subalo balarupadhrit

সর্বকামবরশ্চৈব সর্বদঃ সর্বতোমুখঃ । আকাশনির্বিরূপশ্চ নিপাতী হ্যবশঃ খগঃ ॥ ৩৭॥

Sarvakamavarashchaiva sarvadah sarvatomukhah Akashanirvirupashcha nipati hyavashah khagah

রৌদ্ররূপোংঽশুরাদিত্যো বহুরশ্মিঃ সুবর্চসী । বসুবেগো মহাবেগো মনোবেগো নিশাচরঃ ॥ ৩৮॥

Raudrarupomshuradityo bahurashmih suvarchasi Vasuvego mahavego manovego nishacharah

সর্ববাসী শ্রিযাবাসী উপদেশকরোঽকরঃ । মুনিরাত্মনিরালোকঃ সম্ভগ্নশ্চ সহস্রদঃ ॥ ৩৯॥

Sarvavasi shriyavasi upadeshakarokarah Muniratmaniralokah sambhagnashcha sahasradah

পক্ষী চ পক্ষরূপশ্চ অতিদীপ্তো বিশাম্পতিঃ । উন্মাদো মদনঃ কামো হ্যশ্বত্থোঽর্থকরো যশঃ ॥ ৪০॥

Pakshi cha paksharupashcha atidipto vishampatih Unmado madanah kamo hyashvatthorthakaro yashah

বামদেবশ্চ বামশ্চ প্রাগ্দক্ষিণশ্চ বামনঃ । সিদ্ধযোগী মহর্ষিশ্চ সিদ্ধার্থঃ সিদ্ধসাধকঃ ॥ ৪১॥

Vamadevashcha vamashcha pragdakshinashcha vamanah Siddhayogi maharshishcha siddharthah siddhasadhakah

ভিক্ষুশ্চ ভিক্ষুরূপশ্চ বিপণো মৃদুরব্যযঃ । মহাসেনো বিশাখশ্চ ষষ্টিভাগো গবাম্পতিঃ ॥ ৪২॥

Bhikshushcha bhikshurupashcha vipano mriduravyayah Mahaseno vishakhashcha shashtibhago gavampatih

বজ্রহস্তশ্চ বিষ্কম্ভী চমূস্তম্ভন এব চ । বৃত্তাবৃত্তকরস্তালো মধুর্মধুকলোচনঃ ॥ ৪৩॥

Vajrahastashcha vishkambhi chamustambhana eva cha Vrittavrittakarastalo madhurmadhukalochanah

বাচস্পত্যো বাজসনো নিত্যমাশ্রমপূজিতঃ । ব্রহ্মচারী লোকচারী সর্বচারী বিচারবিত্ ॥ ৪৪॥

Vachaspatyo vajasano nityamashramapujitah Brahmachari lokachari sarvachari vicharavit

ঈশান ঈশ্বরঃ কালো নিশাচারী পিনাকবান্ । নিমিত্তস্থো নিমিত্তং চ নন্দির্নন্দিকরো হরিঃ ॥ ৪৫॥

Ishana ishvarah kalo nishachari pinakavan Nimittastho nimittam cha nandirnandikaro harih

নন্দীশ্বরশ্চ নন্দী চ নন্দনো নন্দিবর্ধনঃ । ভগহারী নিহন্তা চ কালো ব্রহ্মা পিতামহঃ ॥ ৪৬॥

Nandishvarashcha nandi cha nandano nandivardhanah Bhagahari nihanta cha kalo brahma pitamahah

চতুর্মুখো মহালিঙ্গশ্চারুলিঙ্গস্তথৈব চ । লিঙ্গাধ্যক্ষঃ সুরাধ্যক্ষো যোগাধ্যক্ষো যুগাবহঃ ॥ ৪৭॥

Chaturmukho mahalingashcharulingastathaiva cha Lingadhyakshah suradhyaksho yogadhyaksho yugavahah

বীজাধ্যক্ষো বীজকর্তা অব্যাত্মাঽনুগতো বলঃ । ইতিহাসঃ সকল্পশ্চ গৌতমোঽথ নিশাকরঃ ॥ ৪৮॥

Bijadhyaksho bijakarta avyatmanugato balah Itihasah sakalpashcha gautamotha nishakarah

দম্ভো হ্যদম্ভো বৈদম্ভো বশ্যো বশকরঃ কলিঃ । লোককর্তা পশুপতির্মহাকর্তা হ্যনৌষধঃ ॥ ৪৯॥

Dambho hyadambho vaidambho vashyo vashakarah kalih Lokakarta pashupatirmahakarta hyanaushadhah

অক্ষরং পরমং ব্রহ্ম বলবচ্ছক্র এব চ । নীতির্হ্যনীতিঃ শুদ্ধাত্মা শুদ্ধো মান্যো গতাগতঃ ॥ ৫০॥

Aksharam paramam brahma balavachchhakra eva cha Nitirhyanitih shuddhatma shuddho manyo gatagatah

বহুপ্রসাদঃ সুস্বপ্নো দর্পণোঽথ ত্বমিত্রজিত্ । বেদকারো মন্ত্রকারো বিদ্বান্সমরমর্দনঃ ॥ ৫১॥

Bahuprasadah susvapno darpanotha tvamitrajit Vedakaro mantrakaro vidvansamaramardanah

মহামেঘনিবাসী চ মহাঘোরো বশীকরঃ । অগ্নির্জ্বালো মহাজ্বালো অতিধূম্রো হুতো হবিঃ ॥ ৫২॥

Mahameghanivasi cha mahaghoro vashikarah Agnirjvalo mahajvalo atidhumro huto havih

বৃষণঃ শঙ্করো নিত্যং বর্চস্বী ধূমকেতনঃ । নীলস্তথাঙ্গলুব্ধশ্চ শোভনো নিরবগ্রহঃ ॥ ৫৩॥

Vrishanah shankaro nityam varchasvi dhumaketanah Nilastathangalubdhashcha shobhano niravagrahah

স্বস্তিদঃ স্বস্তিভাবশ্চ ভাগী ভাগকরো লঘুঃ । উত্সঙ্গশ্চ মহাঙ্গশ্চ মহাগর্ভপরাযণঃ ॥ ৫৪॥

Svastidah svastibhavashcha bhagi bhagakaro laghuh Utsangashcha mahangashcha mahagarbhaparayanah

কৃষ্ণবর্ণঃ সুবর্ণশ্চ ইন্দ্রিযং সর্বদেহিনাম্ । মহাপাদো মহাহস্তো মহাকাযো মহাযশাঃ ॥ ৫৫॥

Krishnavarnah suvarnashcha indriyam sarvadehinam Mahapado mahahasto mahakayo mahayashah

মহামূর্ধা মহামাত্রো মহানেত্রো নিশালযঃ । মহান্তকো মহাকর্ণো মহোষ্ঠশ্চ মহাহনুঃ ॥ ৫৬॥

Mahamurdha mahamatro mahanetro nishalayah Mahantako mahakarno mahoshthashcha mahahanuh

মহানাসো মহাকম্বুর্মহাগ্রীবঃ শ্মশানভাক্ । মহাবক্ষা মহোরস্কো হ্যন্তরাত্মা মৃগালযঃ ॥ ৫৭॥

Mahanaso mahakamburmahagrivah shmashanabhak Mahavaksha mahorasko hyantaratma mrigalayah

লম্বনো লম্বিতোষ্ঠশ্চ মহামাযঃ পযোনিধিঃ । মহাদন্তো মহাদংষ্ট্রো মহাজিহ্বো মহামুখঃ ॥ ৫৮॥

Lambano lambitoshthashcha mahamayah payonidhih Mahadanto mahadamshtro mahajihvo mahamukhah

মহানখো মহারোমা মহাকেশো মহাজটঃ । প্রসন্নশ্চ প্রসাদশ্চ প্রত্যযো গিরিসাধনঃ ॥ ৫৯॥

Mahanakho maharoma mahakesho mahajatah Prasannashcha prasadashcha pratyayo girisadhanah

স্নেহনোঽস্নেহনশ্চৈব অজিতশ্চ মহামুনিঃ । বৃক্ষাকারো বৃক্ষকেতুরনলো বাযুবাহনঃ ॥ ৬০॥

Snehanosnehanashchaiva ajitashcha mahamunih Vrikshakaro vrikshaketuranalo vayuvahanah

গণ্ডলী মেরুধামা চ দেবাধিপতিরেব চ । অথর্বশীর্ষঃ সামাস্য ঋক্সহস্রামিতেক্ষণঃ ॥ ৬১॥

Gandali merudhama cha devadhipatireva cha Atharvashirshah samasya riksahasramitekshanah

যজুঃপাদভুজো গুহ্যঃ প্রকাশো জঙ্গমস্তথা । অমোঘার্থঃ প্রসাদশ্চ অভিগম্যঃ সুদর্শনঃ ॥ ৬২॥

Yajuhpadabhujo guhyah prakasho jangamastatha Amogharthah prasadashcha abhigamyah sudarshanah

উপকারঃ প্রিযঃ সর্বঃ কনকঃ কাঞ্চনচ্ছবিঃ । নাভির্নন্দিকরো ভাবঃ পুষ্করস্থপতিঃ স্থিরঃ ॥ ৬৩॥

Upakarah priyah sarvah kanakah kanchanachchhavih Nabhirnandikaro bhavah pushkarasthapatih sthirah

দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ । নক্তং কলিশ্চ কালশ্চ মকরঃ কালপূজিতঃ ॥ ৬৪॥

Dvadashastrasanashchadyo yajno yajnasamahitah Naktam kalishcha kalashcha makarah kalapujitah

সগণো গণকারশ্চ ভূতবাহনসারথিঃ । ভস্মশযো ভস্মগোপ্তা ভস্মভূতস্তরুর্গণঃ ॥ ৬৫॥

Sagano ganakarashcha bhutavahanasarathih Bhasmashayo bhasmagopta bhasmabhutastarurganah

লোকপালস্তথা লোকো মহাত্মা সর্বপূজিতঃ । শুক্লস্ত্রিশুক্লঃ সম্পন্নঃ শুচির্ভূতনিষেবিতঃ ॥ ৬৬॥

Lokapalastatha loko mahatma sarvapujitah Shuklastrishuklah sampannah shuchirbhutanishevitah

আশ্রমস্থঃ ক্রিযাবস্থো বিশ্বকর্মমতির্বরঃ । বিশালশাখস্তাম্রোষ্ঠো হ্যম্বুজালঃ সুনিশ্চলঃ ॥ ৬৭॥

Ashramasthah kriyavastho vishvakarmamatirvarah Vishalashakhastamroshtho hyambujalah sunishchalah

কপিলঃ কপিশঃ শুক্ল আযুশ্চৈবি পরোঽপরঃ । গন্ধর্বো হ্যদিতিস্তার্ক্ষ্যঃ সুবিজ্ঞেযঃ সুশারদঃ ॥ ৬৮॥

Kapilah kapishah shukla ayushchaivi paroparah Gandharvo hyaditistarkshyah suvijneyah susharadah

পরশ্বধাযুধো দেব অনুকারী সুবান্ধবঃ । তুম্ববীণো মহাক্রোধ ঊর্ধ্বরেতা জলেশযঃ ॥ ৬৯॥

Parashvadhayudho deva anukari subandhavah Tumbavino mahakrodha urdhvareta jaleshayah

উগ্রো বংশকরো বংশো বংশনাদো হ্যনিন্দিতঃ । সর্বাঙ্গরূপো মাযাবী সুহৃদো হ্যনিলোঽনলঃ ॥ ৭০॥

Ugro vamshakaro vamsho vamshanado hyaninditah Sarvangarupo mayavi suhrido hyanilonalah

বন্ধনো বন্ধকর্তা চ সুবন্ধনবিমোচনঃ । স যজ্ঞারিঃ স কামারির্মহাদংষ্ট্রো মহাযুধঃ ॥ ৭১॥

Bandhano bandhakarta cha subandhanavimochanah Sa yajnarih sa kamarirmahadamshtro mahayudhah

বহুধানিন্দিতঃ শর্বঃ শঙ্করঃ শঙ্করোঽধনঃ । অমরেশো মহাদেবো বিশ্বদেবঃ সুরারিহা ॥ ৭২॥

Bahudhaninditah sharvah shankarah shankarodhanah Amaresho mahadevo vishvadevah surariha

অহির্বুধ্ন্যোঽনিলাভশ্চ চেকিতানো হবিস্তথা । অজৈকপাচ্চ কাপালী ত্রিশঙ্কুরজিতঃ শিবঃ ॥ ৭৩॥

Ahirbudhnyonilabhashcha chekitano havistatha Ajaikapachcha kapali trishankurajitah shivah

ধন্বন্তরির্ধূমকেতুঃ স্কন্দো বৈশ্রবণস্তথা । ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ ॥ ৭৪॥

Dhanvantarirdhumaketuh skando vaishravanastatha Dhata shakrashcha vishnushcha mitrastvashta dhruvo dharah

প্রভাবঃ সর্বগো বাযুরর্যমা সবিতা রবিঃ । উষঙ্গুশ্চ বিধাতা চ মান্ধাতা ভূতভাবনঃ ॥ ৭৫॥

Prabhavah sarvago vayuraryama savita ravih Ushangushcha vidhata cha mandhata bhutabhavanah

বিভুর্বর্ণবিভাবী চ সর্বকামগুণাবহঃ । পদ্মনাভো মহাগর্ভশ্চন্দ্রবক্ত্রোঽনিলোঽনলঃ ॥ ৭৬॥

Vibhurvarnavibhavi cha sarvakamagunavahah Padmanabho mahagarbhashchandravaktronilonalah

বলবাংশ্চোপশান্তশ্চ পুরাণঃ পুণ্যচঞ্চুরী । কুরুকর্তা কুরুবাসী কুরুভূতো গুণৌষধঃ ॥ ৭৭॥

Balavamshchopashantashcha puranah punyachanchuri Kurukarta kuruvasi kurubhuto gunaushadhah

সর্বাশযো দর্ভচারী সর্বেষাং প্রাণিনাং পতিঃ । দেবদেবঃ সুখাসক্তঃ সদসত্সর্বরত্নবিত্ ॥ ৭৮॥

Sarvashayo darbhachari sarvesham praninam patih Devadevah sukhasaktah sadasatsarvaratnavit

কৈলাসগিরিবাসী চ হিমবদ্গিরিসংশ্রযঃ । কূলহারী কূলকর্তা বহুবিদ্যো বহুপ্রদঃ ॥ ৭৯॥

Kailasagirivasi cha himavadgirisamshrayah Kulahari kulakarta bahuvidyo bahupradah

বণিজো বর্ধকী বৃক্ষো বকুলশ্চন্দনশ্ছদঃ । সারগ্রীবো মহাজত্রুরলোলশ্চ মহৌষধঃ ॥ ৮০॥

Vanijo vardhaki vriksho bakulashchandanashchhadah Saragrivo mahajatruralolashcha mahaushadhah

সিদ্ধার্থকারী সিদ্ধার্থশ্ছন্দোব্যাকরণোত্তরঃ । সিংহনাদঃ সিংহদংষ্ট্রঃ সিংহগঃ সিংহবাহনঃ ॥ ৮১॥

Siddharthakari siddharthashchhandovyakaranottarah Simhanadah simhadamshtrah simhagah simhavahanah

প্রভাবাত্মা জগত্কালস্থালো লোকহিতস্তরুঃ । সারঙ্গো নবচক্রাঙ্গঃ কেতুমালী সভাবনঃ ॥ ৮২॥

Prabhavatma jagatkalasthalo lokahitastaruh Sarango navachakrangah ketumali sabhavanah

ভূতালযো ভূতপতিরহোরাত্রমনিন্দিতঃ ॥ ৮৩॥

Bhutalayo bhutapatirahoratramaninditah

বাহিতা সর্বভূতানাং নিলযশ্চ বিভুর্ভবঃ । অমোঘঃ সংযতো হ্যশ্বো ভোজনঃ প্রাণধারণঃ ॥ ৮৪॥

Vahita sarvabhutanam nilayashcha vibhurbhavah Amoghah samyato hyashvo bhojanah pranadharanah

ধৃতিমান্মতিমান্দক্ষঃ সত্কৃতশ্চ যুগাধিপঃ । গোপালির্গোপতির্গ্রামো গোচর্মবসনো হরিঃ। হিরণ্যবাহুশ্চ তথা গুহাপালঃ প্রবেশিনাম্ । প্রকৃষ্টারির্মহাহর্ষো জিতকামো জিতেন্দ্রিযঃ ॥ ৮৫॥

Dhritimanmatimandakshah satkritashcha yugadhipah Gopalirgopatirgramo gocharmavasano harih Hiranyabahushcha tatha guhapalah praveshinam Prakrishtarirmahaharsho jitakamo jitendriyah

গান্ধারশ্চ সুবাসশ্চ তপঃসক্তো রতির্নরঃ । মহাগীতো মহানৃত্যো হ্যপ্সরোগণসেবিতঃ ॥ ৮৬॥

Gandharashcha suvasashcha tapahsakto ratirnarah Mahagito mahanrityo hyapsaroganasevitah

মহাকেতুর্মহাধাতুর্নৈকসানুচরশ্চলঃ । আবেদনীয আদেশঃ সর্বগন্ধসুখাবহঃ ॥ ৮৭॥

Mahaketurmahadhaturnaikasanucharashchalah Avedaniya adeshah sarvagandhasukhavahah

তোরণস্তারণো বাতঃ পরিধী পতিখেচরঃ । সংযোগো বর্ধনো বৃদ্ধো অতিবৃদ্ধো গুণাধিকঃ ॥ ৮৮॥

Toranastarano vatah paridhi patikhecharah Samyogo vardhano vriddho ativriddho gunadhikah

নিত্য আত্মসহাযশ্চ দেবাসুরপতিঃ পতিঃ । যুক্তশ্চ যুক্তবাহুশ্চ দেবো দিবি সুপর্বণঃ ॥ ৮৯॥

Nitya atmasahayashcha devasurapatih patih Yuktashcha yuktabahushcha devo divi suparvanah

আষাঢশ্চ সুষাণ্ঢশ্চ ধ্রুবোঽথ হরিণো হরঃ । বপুরাবর্তমানেভ্যো বসুশ্রেষ্ঠো মহাপথঃ ॥ ৯০॥

Ashadhashcha sushandhashcha dhruvotha harino harah Vapuravartamanebhyo vasushreshtho mahapathah

শিরোহারী বিমর্শশ্চ সর্বলক্ষণলক্ষিতঃ । অক্ষশ্চ রথযোগী চ সর্বযোগী মহাবলঃ ॥ ৯১॥

Shirohari vimarshashcha sarvalakshanalakshitah Akshashcha rathayogi cha sarvayogi mahabalah

সমাম্নাযোঽসমাম্নাযস্তীর্থদেবো মহারথঃ । নির্জীবো জীবনো মন্ত্রঃ শুভাক্ষো বহুকর্কশঃ ॥ ৯২॥

Samamnayosamamnayastirthadevo maharathah Nirjivo jivano mantrah shubhaksho bahukarkashah

রত্নপ্রভূতো রত্নাঙ্গো মহার্ণবনিপানবিত্ । মূলং বিশালো হ্যমৃতো ব্যক্তাব্যক্তস্তপোনিধিঃ ॥ ৯৩॥

Ratnaprabhuto ratnango maharnavanipanavit Mulam vishalo hyamrito vyaktavyaktastaponidhih

আরোহণোঽধিরোহশ্চ শীলধারী মহাযশাঃ । সেনাকল্পো মহাকল্পো যোগো যুগকরো হরিঃ ॥ ৯৪॥

Arohanodhirohashcha shiladhari mahayashah Senakalpo mahakalpo yogo yugakaro harih

যুগরূপো মহারূপো মহানাগহনো বধঃ । ন্যাযনির্বপণঃ পাদঃ পণ্ডিতো হ্যচলোপমঃ ॥ ৯৫॥

Yugarupo maharupo mahanagahano vadhah Nyayanirvapanah padah pandito hyachalopamah

বহুমালো মহামালঃ শশী হরসুলোচনঃ । বিস্তারো লবণঃ কূপস্ত্রিযুগঃ সফলোদযঃ ॥ ৯৬॥

Bahumalo mahamalah shashi harasulochanah Vistaro lavanah kupastriyugah saphalodayah

ত্রিলোচনো বিষণ্ণাঙ্গো মণিবিদ্ধো জটাধরঃ । বিন্দুর্বিসর্গঃ সুমুখঃ শরঃ সর্বাযুধঃ সহঃ ॥ ৯৭॥

Trilochano vishannango manividdho jatadharah Bindurvisargah sumukhah sharah sarvayudhah sahah

নিবেদনঃ সুখাজাতঃ সুগন্ধারো মহাধনুঃ । গন্ধপালী চ ভগবানুত্থানঃ সর্বকর্মণাম্ ॥ ৯৮॥

Nivedanah sukhajatah sugandharo mahadhanuh Gandhapali cha bhagavanutthanah sarvakarmanam

মন্থানো বহুলো বাযুঃ সকলঃ সর্বলোচনঃ । তলস্তালঃ করস্থালী ঊর্ধ্বসংহননো মহান্ ॥ ৯৯॥

Manthano bahulo vayuh sakalah sarvalochanah Talastalah karasthali urdhvasamhanano mahan

ছত্রং সুচ্ছত্রো বিখ্যাতো লোকঃ সর্বাশ্রযঃ ক্রমঃ । মুণ্ডো বিরূপো বিকৃতো দণ্ডী কুণ্ডী বিকুর্বণঃ। হর্যক্ষঃ ককুভো বজ্রো শতজিহ্বঃ সহস্রপাত্ । সহস্রমূর্ধা দেবেন্দ্রঃ সর্বদেবমযো গুরুঃ ॥ ১০০॥

Chhatram suchchhatro vikhyato lokah sarvashrayah kramah Mundo virupo vikrito dandi kundi vikurvanah Haryakshah kakubho vajro shatajihvah sahasrapat Sahasramurdha devendrah sarvadevamayo guruh

সহস্রবাহুঃ সর্বাঙ্গঃ শরণ্যঃ সর্বলোককৃত্ । পবিত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ। ব্রহ্মদণ্ডবিনির্মাতা শতঘ্নীপাশশক্তিমান্ । পদ্মগর্ভো মহাগর্ভো ব্রহ্মগর্ভো জলোদ্ভবঃ ॥ ১০১॥

Sahasrabahuh sarvangah sharanyah sarvalokakrit Pavitram trikakunmantrah kanishthah krishnapingalah Brahmadandavinirmata shataghnipashashaktiman Padmagarbho mahagarbho brahmagarbho jalodbhavah

গভস্তির্ব্রহ্মকৃদ্ব্রহ্মী ব্রহ্মবিদ্ব্রাহ্মণো গতিঃ । অনন্তরূপো নৈকাত্মা তিগ্মতেজাঃ স্বযম্ভুবঃ ॥ ১০২॥

Gabhastirbrahmakridbrahmi brahmavidbrahmano gatih Anantarupo naikatma tigmatejah svayambhuvah

ঊর্ধ্বগাত্মা পশুপতির্বাতরংহা মনোজবঃ । চন্দনী পদ্মনালাগ্রঃ সুরভ্যুত্তরণো নরঃ ॥ ১০৩॥

Urdhvagatma pashupatirvataramha manojavah Chandani padmanalagrah surabhyuttarano narah

কর্ণিকারমহাস্রগ্বী নীলমৌলিঃ পিনাকধৃত্ । উমাপতিরুমাকান্তো জাহ্নবীধৃগুমাধবঃ ॥ ১০৪॥

Karnikaramahasragvi nilamaulih pinakadhrit Umapatirumakanto jahnavidhrigumadhavah

বরো বরাহো বরদো বরেণ্যঃ সুমহাস্বনঃ । মহাপ্রসাদো দমনঃ শত্রুহা শ্বেতপিঙ্গলঃ ॥ ১০৫॥

Varo varaho varado varenyah sumahasvanah Mahaprasado damanah shatruha shvetapingalah

পীতাত্মা পরমাত্মা চ প্রযতাত্মা প্রধানধৃত্ । সর্বপার্শ্বমুখস্ত্র্যক্ষো ধর্মসাধারণো বরঃ ॥ ১০৬॥

Pitatma paramatma cha prayatatma pradhanadhrit Sarvaparshvamukhastryaksho dharmasadharano varah

চরাচরাত্মা সূক্ষ্মাত্মা অমৃতো গোবৃষেশ্বরঃ । সাধ্যর্ষির্বসুরাদিত্যো বিবস্বান্সবিতাঽমৃতঃ। ব্যাসঃ সর্গঃ সুসঙ্ক্ষেপো বিস্তরঃ পর্যযো নরঃ । ঋতু সংবত্সরো মাসঃ পক্ষঃ সঙ্খ্যাসমাপনঃ ॥ ১০৭॥

Characharatma sukshmatma amrito govrisheshvarah Sadhyarshirvasuradityo vivasvansavitamritah Vyasah sargah susankshepo vistarah paryayo narah Ritu samvatsaro masah pakshah sankhyasamapanah

কলা কাষ্ঠা লবা মাত্রা মুহূর্তাহঃক্ষপাঃ ক্ষণাঃ । বিশ্বক্ষেত্রং প্রজাবীজং লিঙ্গমাদ্যস্তু নির্গমঃ ॥ ১০৮॥

Kala kashtha lava matra muhurtahahkshapah kshanah Vishvakshetram prajabijam lingamadyastu nirgamah

সদসদ্ব্যক্তমব্যক্তং পিতা মাতা পিতামহঃ । স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥ ১০৯॥

Sadasadvyaktamavyaktam pita mata pitamahah Svargadvaram prajadvaram mokshadvaram trivishtapam

নির্বাণং হ্লাদনশ্চৈব ব্রহ্মলোকঃ পরা গতিঃ । দেবাসুরবিনির্মাতা দেবাসুরপরাযণঃ ॥ ১১০॥

Nirvanam hladanashchaiva brahmalokah para gatih Devasuravinirmata devasuraparayanah

দেবাসুরগুরুর্দেবো দেবাসুরনমস্কৃতঃ । দেবাসুরমহামাত্রো দেবাসুরগণাশ্রযঃ ॥ ১১১॥

Devasuragururdevo devasuranamaskritah Devasuramahamatro devasuraganashrayah

দেবাসুরগণাধ্যক্ষো দেবাসুরগণাগ্রণীঃ । দেবাতিদেবো দেবর্ষির্দেবাসুরবরপ্রদঃ ॥ ১১২॥

Devasuraganadhyaksho devasuraganagranih Devatidevo devarshirdevasuravarapradah

দেবাসুরেশ্বরো বিশ্বো দেবাসুরমহেশ্বরঃ । সর্বদেবমযোঽচিন্ত্যো দেবতাত্মাঽঽত্মসম্ভবঃ ॥ ১১৩॥

Devasureshvaro vishvo devasuramaheshvarah Sarvadevamayochintyo devatatmatmasambhavah

উদ্ভিত্ত্রিবিক্রমো বৈদ্যো বিরজো নীরজোঽমরঃ ॥ ঈড্যো হস্তীশ্বরো ব্যাঘ্রো দেবসিংহো নরর্ষভঃ ॥ ১১৪॥

Udbhittrivikramo vaidyo virajo nirajomarah Idyo hastishvaro vyaghro devasimho nararshabhah

বিবুধোঽগ্রবরঃ সূক্ষ্মঃ সর্বদেবস্তপোমযঃ । সুযুক্তঃ শোভনো বজ্রী প্রাসানাং প্রভবোঽব্যযঃ ॥ ১১৫॥

Vibudhogravarah sukshmah sarvadevastapomayah Suyuktah shobhano vajri prasanam prabhavovyayah

গুহঃ কান্তো নিজঃ সর্গঃ পবিত্রং সর্বপাবনঃ । শৃঙ্গী শৃঙ্গপ্রিযো বভ্রূ রাজরাজো নিরামযঃ ॥ ১১৬॥

Guhah kanto nijah sargah pavitram sarvapavanah Shringi shringapriyo babhru rajarajo niramayah

অভিরামঃ সুরগণো বিরামঃ সর্বসাধনঃ । ললাটাক্ষো বিশ্বদেবো হরিণো ব্রহ্মবর্চসঃ ॥ ১১৭॥

Abhiramah suragano viramah sarvasadhanah Lalataksho vishvadevo harino brahmavarchasah

স্থাবরাণাং পতিশ্চৈব নিযমেন্দ্রিযবর্ধনঃ । সিদ্ধার্থঃ সিদ্ধভূতার্থোঽচিন্ত্যঃ সত্যব্রতঃ শুচিঃ ॥ ১১৮॥

Sthavaranam patishchaiva niyamendriyavardhanah Siddharthah siddhabhutarthochintyah satyavratah shuchih

ব্রতাধিপঃ পরং ব্রহ্ম ভক্তানাং পরমা গতিঃ । বিমুক্তো মুক্ততেজাশ্চ শ্রীমান্শ্রীবর্ধনো জগত্ ॥ ১১৯॥

Vratadhipah param brahma bhaktanam parama gatih Vimukto muktatejashcha shrimanshrivardhano jagat

॥ ফলশ্রুতিঃ ॥

Phalashrutih

শিবমেভিঃ স্তুবন্দেবং নামভিঃ পুষ্টিবর্ধনৈঃ । নিত্যযুক্তঃ শুচির্ভক্তঃ প্রাপ্নোত্যাত্মানমাত্মনা ॥ এতদ্ধি পরমং ব্রহ্ম পরং ব্রহ্মাধিগচ্ছতি ॥

Shivamebhih stuvandevam namabhih pushtivardhanaih Nityayuktah shuchirbhaktah prapnotyatmanamatmana Etaddhi paramam brahma param brahmadhigachchhati

ইদং পুণ্যং পবিত্রং চ সর্বদা পাপনাশনম্ । যোগদং মোক্ষদং চৈব স্বর্গদং তোষদং তথা ॥ এবমেতত্পঠন্তে য একভক্ত্যা তু শঙ্করম্ । যা গতিঃ সাঙ্খ্যযোগানাং ব্রজন্ত্যেতাং গতিং তদা ॥

Idam punyam pavitram cha sarvada papanashanam Yogadam mokshadam chaiva svargadam toshadam tatha Evametatpathante ya ekabhaktya tu shankaram Ya gatih sankhyayoganam vrajantyetam gatim tada

স্তবমেতং প্রযত্নেন সদা রুদ্রস্য সন্নিধৌ । অব্দমেকং চরেদ্ভক্তঃ প্রাপ্নুযাদীপ্সিতং ফলম্ ॥ এতদ্রহস্যং পরমং ব্রহ্মণো হৃদি সংস্থিতম্ ।

Stavametam prayatnena sada rudrasya sannidhau Abdamekam charedbhaktah prapnuyadipsitam phalam Etadrahasyam paramam brahmano hridi samsthitam

ইতি শ্রীমহাভারতে অনুশাসনপর্বণি শ্রীশিবসহস্রনামস্তোত্রং সম্পূর্ণম্ ॥ ওঁ নমঃ শিবায ॥

Iti shrimahabharate anushasanaparvani shrishivasahasranamastotram sampurnam Om namah shivaya