Shanmukha Pancharatnam — Complete Lyrics
षण्मुख पञ्चरत्नम्
Sanskrit text with English transliteration and translation
ॐ श्रीगणेशाय नमः ।
स्फुरद्विद्युद्वल्लीवलयितमगोत्सङ्गवसतिं
भवाप्पित्तप्लुष्टानमितकरुणाजीवनवशात् ।
अवन्तं भक्तानामुदयकरमम्भोधर इति
प्रमोदादावासं व्यतनुत मयूरोऽस्य सविधे ॥ १॥
सुब्रह्मण्यो यो भवेज्ज्ञानशक्त्या
सिद्धं तस्मिन्देवसेनापतित्वम् ।
इत्थं शक्तिं देवसेनापतित्वं
सुब्रह्मण्यो बिभ्रदेष व्यनक्ति ॥ २॥
पक्षोऽनिर्वचनीयो दक्षिण इति धियमशेषजनतायाः ।
जनयति बर्ही दक्षिणनिर्वचनायोग्यपक्षयुक्तोऽयम् ॥ ३॥
यः पक्षमनिर्वचनं याति समवलम्ब्य दृश्यते तेन ।
ब्रह्म परात्परममलं सुब्रह्मण्याभिधं परं ज्योतिः ॥ ४॥
षण्मुखं हसन्मुखं सुखाम्बुराशिखेलनं
सन्मुनीन्द्रसेव्यमानपादपङ्कजं सदा ।
मन्मथादिशत्रुवर्गनाशकं कृपाम्बुधिं
मन्महे मुदा हृदि प्रपन्नकल्पभूरुहम् ॥ ५॥
इति जगद्गुरु शृङ्गेरीपीठाधिप श्रीचन्द्रशेखरभारती
श्रीपादैः विरचिता श्रीषण्मुखपञ्चरत्नस्तुतिः समाप्ता ।
oṃ śrīgaṇeśāya namaḥ |
sphuradvidyudvallīvalayitamagotsaṅgavasatiṃ
bhavāppittapluṣṭānamitakaruṇājīvanavaśāt |
avantaṃ bhaktānāmudayakaramambhodhara iti
pramodādāvāsaṃ vyatanuta mayūro'sya savidhe || 1||
subrahmaṇyo yo bhavejjñānaśaktyā
siddhaṃ tasmindevasenāpatitvam |
itthaṃ śaktiṃ devasenāpatitvaṃ
subrahmaṇyo bibhradeṣa vyanakti || 2||
pakṣo'nirvacanīyo dakṣiṇa iti dhiyamaśeṣajanatāyāḥ |
janayati barhī dakṣiṇanirvacanāyogyapakṣayukto'yam || 3||
yaḥ pakṣamanirvacanaṃ yāti samavalambya dṛśyate tena |
brahma parātparamamalaṃ subrahmaṇyābhidhaṃ paraṃ jyotiḥ || 4||
ṣaṇmukhaṃ hasanmukhaṃ sukhāmburāśikhelanaṃ
sanmunīndrasevyamānapādapaṅkajaṃ sadā |
manmathādiśatruvarganāśakaṃ kṛpāmbudhiṃ
manmahe mudā hṛdi prapannakalpabhūruham || 5||
iti jagadguru śṛṅgerīpīṭhādhipa śrīcandraśekharabhāratī
śrīpādaiḥ viracitā śrīṣaṇmukhapañcaratnastutiḥ samāptā |
A "five-gem" hymn to Shanmukha (Lord Murugan) — five jewel-verses adoring the six-faced Lord, son of Shiva, who rides the peacock and bears the vel (spear).
Want to understand every word?
Read Word-by-Word Meaning →