Sadashiva Ashtakam PDF

नन्दिस्कन्धविराजितं गिरिजापतिं सुरसुन्दरं गङ्गाधारकपापनाशकताण्डवप्रियनागरम् । कामध्वंसकयोगकारकमोक्षदायकत्र्यम्बकं वन्दे श्रीहरपार्वतीवरदायकं शिवशङ्करम् ॥ १॥ ओङ्कारेश्वरभैरवं प्रमथेश्वरं वटुकेश्वरं श्रीमुक्तेश्वरभीमशङ्करलोकनाथमहेश्वरम् । पातालेश्वरनन्दिकेश्वरशूलिनं कपिलेश्वरं वन्दे श्रीहरपार्वतीवरदायकं शिवशङ्करम् ॥ २॥ ईशानेश्वरभूतखेचरक्षेत्रपालकयोगिनं नेत्रज्वालकदक्षनाशकरामतारणकारितम् । कण्ठे वासुकिसर्पशोभितकालकूटविशोषितं वन्दे श्रीहरपार्वतीवरदायकं शिवशङ्करम् ॥ ३॥ ब्रह्मामाधवशक्रभास्करचन्द्रनारदसेवितं हेरम्बानलयक्षमारुतविश्रवासुतपूजितम् । कैलासालयचारिणं परमेश्वरं गिरिवासिनं वन्दे श्रीहरपार्वतीवरदायकं शिवशङ्करम् ॥ ४॥ योग्नीभीषणकालकौणपरक्षकिन्नरवन्दितं सिद्धश्रीघनजैनगुह्यकनागनायकचर्चितम् । कालीकान्तनृमुण्डलम्बितपादपङ्कजशोभितं वन्दे श्रीहरपार्वतीवरदायकं शिवशङ्करम् ॥ ५॥ लिङ्गे शोभितब्रह्मभास्वरसत्यसौरभनिर्गुणं मायातामससत्त्वराजसगौणकारणकारितम् । विद्यापङ्कजधारिणं पुरुषार्थकारकमङ्गलं वन्दे श्रीहरपार्वतीवरदायकं शिवशङ्करम् ॥ ६॥ ब्रह्माण्डालयजीवनायकनायकेश्वरपूजितं वं वं वं वमघोषितं विजयारसेन विलासितम् । श्रीश्रीश्री अवधूतशेखरसिद्धगोरखनामितं वन्दे श्रीहरपार्वतीवरदायकं शिवशङ्करम् ॥ ७॥ श्रीमृत्युञ्जयचन्द्रशेखरश्रीस्वप्नेश्वरशूलिनं मार्कण्डेश्वरश्रीसुरेश्वरभस्मचन्दनलेपितम् । दिक्पालावृतवेदवर्णितदिव्यताधनदायकं वन्दे श्रीहरपार्वतीवरदायकं शिवशङ्करम् ॥ ८॥ इति श्रीप्रदीप्तनन्दशर्मविरचितं श्रीसदाशिवाष्टकं सम्पूर्णम् ।

nandiskandhavirājitaṃ girijāpatiṃ surasundaraṃ gaṅgādhārakapāpanāśakatāṇḍavapriyanāgaram | kāmadhvaṃsakayogakārakamokṣadāyakatryambakaṃ vande śrīharapārvatīvaradāyakaṃ śivaśaṅkaram || 1|| oṅkāreśvarabhairavaṃ pramatheśvaraṃ vaṭukeśvaraṃ śrīmukteśvarabhīmaśaṅkaralokanāthamaheśvaram | pātāleśvaranandikeśvaraśūlinaṃ kapileśvaraṃ vande śrīharapārvatīvaradāyakaṃ śivaśaṅkaram || 2|| īśāneśvarabhūtakhecarakṣetrapālakayoginaṃ netrajvālakadakṣanāśakarāmatāraṇakāritam | kaṇṭhe vāsukisarpaśobhitakālakūṭaviśoṣitaṃ vande śrīharapārvatīvaradāyakaṃ śivaśaṅkaram || 3|| brahmāmādhavaśakrabhāskaracandranāradasevitaṃ herambānalayakṣamārutaviśravāsutapūjitam | kailāsālayacāriṇaṃ parameśvaraṃ girivāsinaṃ vande śrīharapārvatīvaradāyakaṃ śivaśaṅkaram || 4|| yognībhīṣaṇakālakauṇaparakṣakinnaravanditaṃ siddhaśrīghanajainaguhyakanāganāyakacarcitam | kālīkāntanṛmuṇḍalambitapādapaṅkajaśobhitaṃ vande śrīharapārvatīvaradāyakaṃ śivaśaṅkaram || 5|| liṅge śobhitabrahmabhāsvarasatyasaurabhanirguṇaṃ māyātāmasasattvarājasagauṇakāraṇakāritam | vidyāpaṅkajadhāriṇaṃ puruṣārthakārakamaṅgalaṃ vande śrīharapārvatīvaradāyakaṃ śivaśaṅkaram || 6|| brahmāṇḍālayajīvanāyakanāyakeśvarapūjitaṃ vaṃ vaṃ vaṃ vamaghoṣitaṃ vijayārasena vilāsitam | śrīśrīśrī avadhūtaśekharasiddhagorakhanāmitaṃ vande śrīharapārvatīvaradāyakaṃ śivaśaṅkaram || 7|| śrīmṛtyuñjayacandraśekharaśrīsvapneśvaraśūlinaṃ mārkaṇḍeśvaraśrīsureśvarabhasmacandanalepitam | dikpālāvṛtavedavarṇitadivyatādhanadāyakaṃ vande śrīharapārvatīvaradāyakaṃ śivaśaṅkaram || 8|| iti śrīpradīptanandaśarmaviracitaṃ śrīsadāśivāṣṭakaṃ sampūrṇam |

Eight verses to Sadashiva — the ever-auspicious Shiva — each closing with the refrain "I bow to Shiva-Shankara, the boon-giver of Hara and Parvati." A flowing litany of the Lord’s many sacred names and forms.