Ranganatha Ashtakam PDF

आनन्दरूपे निजबोधरूपे ब्रह्मस्वरूपे श्रुतिमूर्तिरूपे । शशाङ्करूपे रमणीयरूपे श्रीरङ्गरूपे रमतां मनो मे ॥ १॥ कावेरितीरे करुणाविलोले मन्दारमूले धृतचारुचेले । दैत्यान्तकालेऽखिललोकलीले श्रीरङ्गलीले रमतां मनो मे ॥ २॥ लक्ष्मीनिवासे जगतां निवासे हृत्पद्मवासे रविबिम्बवासे । कृपानिवासे गुणवृन्दवासे श्रीरङ्गवासे रमतां मनो मे ॥ ३॥ ब्रह्मादिवन्द्ये जगदेकवन्द्ये मुकुन्दवन्द्ये सुरनाथवन्द्ये । व्यासादिवन्द्ये सनकादिवन्द्ये श्रीरङ्गवन्द्ये रमतां मनो मे ॥ ४॥ ब्रह्माधिराजे गरुडाधिराजे वैकुण्ठराजे सुरराजराजे । त्रैलोक्यराजेऽखिललोकराजे श्रीरङ्गराजे रमतां मनो मे ॥ ५॥ अमोघमुद्रे परिपूर्णनिद्रे श्रीयोगनिद्रे ससमुद्रनिद्रे । श्रितैकभद्रे जगदेकनिद्रे श्रीरङ्गभद्रे रमतां मनो मे ॥ ६॥ स चित्रशायी भुजगेन्द्रशायी नन्दाङ्कशायी कमलाङ्कशायी । क्षीराब्धिशायी वटपत्रशायी श्रीरङ्गशायी रमतां मनो मे ॥ ७॥ इदं हि रङ्गं त्यजतामिहाङ्गम् पुनर्नचाङ्कं यदि चाङ्गमेति । पाणौ रथाङ्गं चरणेम्बु गाङ्गम् याने विहङ्गं शयने भुजङ्गम् ॥ ८॥ रङ्गनाथाष्टकं पुण्यम् प्रातरुत्थाय यः पठेत् । सर्वान् कामानवाप्नोति रङ्गिसायुज्यमाप्नुयात् ॥ ॥ इति श्रीमच्छङ्कराचार्यविरचितं श्रीरङ्गनाथाष्टकं सम्पूर्णम्॥

ānandarūpe nijabodharūpe brahmasvarūpe śrutimūrtirūpe | śaśāṅkarūpe ramaṇīyarūpe śrīraṅgarūpe ramatāṃ mano me || 1|| kāveritīre karuṇāvilole mandāramūle dhṛtacārucele | daityāntakāle'khilalokalīle śrīraṅgalīle ramatāṃ mano me || 2|| lakṣmīnivāse jagatāṃ nivāse hṛtpadmavāse ravibimbavāse | kṛpānivāse guṇavṛndavāse śrīraṅgavāse ramatāṃ mano me || 3|| brahmādivandye jagadekavandye mukundavandye suranāthavandye | vyāsādivandye sanakādivandye śrīraṅgavandye ramatāṃ mano me || 4|| brahmādhirāje garuḍādhirāje vaikuṇṭharāje surarājarāje | trailokyarāje'khilalokarāje śrīraṅgarāje ramatāṃ mano me || 5|| amoghamudre paripūrṇanidre śrīyoganidre sasamudranidre | śritaikabhadre jagadekanidre śrīraṅgabhadre ramatāṃ mano me || 6|| sa citraśāyī bhujagendraśāyī nandāṅkaśāyī kamalāṅkaśāyī | kṣīrābdhiśāyī vaṭapatraśāyī śrīraṅgaśāyī ramatāṃ mano me || 7|| idaṃ hi raṅgaṃ tyajatāmihāṅgam punarnacāṅkaṃ yadi cāṅgameti | pāṇau rathāṅgaṃ caraṇembu gāṅgam yāne vihaṅgaṃ śayane bhujaṅgam || 8|| raṅganāthāṣṭakaṃ puṇyam prātarutthāya yaḥ paṭhet | sarvān kāmānavāpnoti raṅgisāyujyamāpnuyāt || || iti śrīmacchaṅkarācāryaviracitaṃ śrīraṅganāthāṣṭakaṃ sampūrṇam||

Eight verses to Ranganatha — Lord Vishnu reclining on the serpent Adishesha at Srirangam — by Adi Shankaracharya, adoring the Lord of the great island temple of the Kaveri.