Pandurangashtakam PDF

ॐ श्री । श्रीशङ्कर । श्रीकान्तं कमलावरं वररुचिं श्रेष्ठं रमावल्लभं मोक्तारं कलिपङ्कमग्न जनतावृन्दस्य भक्तप्रियम् । गोगोपीगण वेष्टितं मधुरया वाण्या स्तुतं सज्जनैः तं भीमातटवासिनं प्रभुवरं श्रीपाण्डुरङ्गं भजे ॥ १॥ पृथ्वीवार्यनलानिलाम्बरमयं विश्वं धृतं लीलया येन स्वात्परमार्थतो ह्यनपरं नानाकृति भ्रामकम् । हेतुस्तद् व्यवहार जातसुलभं भूयादवस्थाक्रमात् भीमातटवासिनं प्रभुवरं श्रीपाण्डुरङ्गं भजे ॥ २॥ गन्धर्वाः सुरकिन्नरासुरगणाः गायन्ति यं सुस्वरैः वेदर्चा किल नेति नेति वचनैः स्तोतुं गता किङ्करी । यं द्रष्टुन्न शशाक यत्नबहुलैरुग्रैस्तपोभिर्मुनिः तं भीमातटवासिनं प्रभुवरं श्रीपाण्डुरङ्गं भजे ॥ ३॥ नैवान्यद्भजनीयमस्त्यतिविशालेऽस्मिन् महीमण्डले पुण्यैस्तीर्थजलैरपावितजनाः शुद्ध्यन्ति यद्दर्शनात् । यद्यद्काङ्क्षति सात्विकोऽन्यगतिकः प्राप्नोति यत्कीर्तनात तं भीमातटवासिनं प्रभुवरं श्रीपाण्डुरङ्गं भजे ॥ ४॥ यन्नामस्मरणात्पुनन्ति सुजनाः सद्बुद्धिभिःसाधकान् सामान्योऽपि नरो यदीय भजनात्मुक्तीं गतो दुर्लभान् । अस्वस्थं विकलं मनश्व भजते शान्तिं पदस्पर्शनात् तं भीमातटवासिनं प्रभुवरं श्रीपाण्डुरङ्गं भजे ॥ ५॥ कस्मै कुत्र कथं कियद् वितरणं कार्यं च कस्मिन्क्षणे सूक्ष्मस्थूलतमं कृताकृतमहो जानाति यः सर्वदा । तुल्या येन न शक्तिरस्ति परमाकस्याऽपि विश्वाखिले तं भीमातटवासिनं प्रभुवरं श्रीपाण्डुरङ्गं भजे ॥ ६॥ भूमौ पावनपावनौच चरणौ स्तो यस्य कल्पद्रुमौ धीर्मेधा सद्सद्विवेक करणी प्रज्ञा प्रसन्ना यतः । सर्वं सार्थकतां प्रयाति जननं यस्य प्रसादात्ध्रुवं तं भीमातटवासिनं प्रभुवरं श्रीपाण्डुरङ्गं भजे ॥ ७॥ ज्ञानेशादिभिरर्चितं पदयुगं सद्भिः सदैवान्वितैः ध्येयं नास्ति विना यदीयवदनाल्लोके परं सुन्दरात् । यद्पादाम्बुजमाक्षिकं परिमलं चास्वाद्यते भावुकैः तं भीमातटवासिनं प्रभुवरं श्रीपाण्डुरङ्गं भजे ॥ ८॥ पूता विशालजनता कृपया च येन भीमातटे विहरता कमलेक्षणेन । संसारतप्तशरणागत वत्सलेन तं विठ्ठलं सुजनवन्द्यतमं नमामि ॥ ९॥ मित्रप्रीतिवशादेतद् वरदानन्दभारती । कृतवान् विठ्ठलस्तोत्रं चित्तवृत्तिप्रसादकम् ॥ इति स्वामी वरदानन्दभारतीविरचितं श्रीपाण्डुरङ्गस्तोत्रं सम्पूर्णम् ।

oṃ śrī | śrīśaṅkara | śrīkāntaṃ kamalāvaraṃ vararuciṃ śreṣṭhaṃ ramāvallabhaṃ moktāraṃ kalipaṅkamagna janatāvṛndasya bhaktapriyam | gogopīgaṇa veṣṭitaṃ madhurayā vāṇyā stutaṃ sajjanaiḥ taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 1|| pṛthvīvāryanalānilāmbaramayaṃ viśvaṃ dhṛtaṃ līlayā yena svātparamārthato hyanaparaṃ nānākṛti bhrāmakam | hetustad vyavahāra jātasulabhaṃ bhūyādavasthākramāt bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 2|| gandharvāḥ surakinnarāsuragaṇāḥ gāyanti yaṃ susvaraiḥ vedarcā kila neti neti vacanaiḥ stotuṃ gatā kiṅkarī | yaṃ draṣṭunna śaśāka yatnabahulairugraistapobhirmuniḥ taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 3|| naivānyadbhajanīyamastyativiśāle'smin mahīmaṇḍale puṇyaistīrthajalairapāvitajanāḥ śuddhyanti yaddarśanāt | yadyadkāṅkṣati sātviko'nyagatikaḥ prāpnoti yatkīrtanāta taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 4|| yannāmasmaraṇātpunanti sujanāḥ sadbuddhibhiḥsādhakān sāmānyo'pi naro yadīya bhajanātmuktīṃ gato durlabhān | asvasthaṃ vikalaṃ manaśva bhajate śāntiṃ padasparśanāt taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 5|| kasmai kutra kathaṃ kiyad vitaraṇaṃ kāryaṃ ca kasminkṣaṇe sūkṣmasthūlatamaṃ kṛtākṛtamaho jānāti yaḥ sarvadā | tulyā yena na śaktirasti paramākasyā'pi viśvākhile taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 6|| bhūmau pāvanapāvanauca caraṇau sto yasya kalpadrumau dhīrmedhā sadsadviveka karaṇī prajñā prasannā yataḥ | sarvaṃ sārthakatāṃ prayāti jananaṃ yasya prasādātdhruvaṃ taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 7|| jñāneśādibhirarcitaṃ padayugaṃ sadbhiḥ sadaivānvitaiḥ dhyeyaṃ nāsti vinā yadīyavadanālloke paraṃ sundarāt | yadpādāmbujamākṣikaṃ parimalaṃ cāsvādyate bhāvukaiḥ taṃ bhīmātaṭavāsinaṃ prabhuvaraṃ śrīpāṇḍuraṅgaṃ bhaje || 8|| pūtā viśālajanatā kṛpayā ca yena bhīmātaṭe viharatā kamalekṣaṇena | saṃsārataptaśaraṇāgata vatsalena taṃ viṭhṭhalaṃ sujanavandyatamaṃ namāmi || 9|| mitraprītivaśādetad varadānandabhāratī | kṛtavān viṭhṭhalastotraṃ cittavṛttiprasādakam || iti svāmī varadānandabhāratīviracitaṃ śrīpāṇḍuraṅgastotraṃ sampūrṇam |

A hymn to Panduranga (Vitthal) of Pandharpur — the form of Vishnu/Krishna who stands on a brick with hands on His hips, awaiting His devotees. The heart-song of the Varkari saints of Maharashtra.