Krishnashtakam in Telugu
తెలుగు
Read and chant the complete Krishnashtakam written in the Telugu script (తెలుగు). The Roman (IAST) transliteration is given below each verse for pronunciation. For the meaning and benefits, see the full page.
వసుదేవసుతం దేవం కంసచాణూరమర్దనమ్ । దేవకీపరమానన్దం కృష్ణం వన్దే జగద్గురుమ్ ॥ ౧॥
vasudevasutaṃ devaṃ kaṃsacāṇūramardanam | devakīparamānandaṃ kṛṣṇaṃ vande jagadgurum || 1||
అతసీపుష్పసఙ్కాశమ్ హారనూపురశోభితమ్ । రత్నకఙ్కణకేయూరం కృష్ణం వన్దే జగద్గురుమ్ ॥ ౨॥
atasīpuṣpasaṅkāśam hāranūpuraśobhitam | ratnakaṅkaṇakeyūraṃ kṛṣṇaṃ vande jagadgurum || 2||
కుటిలాలకసంయుక్తం పూర్ణచన్ద్రనిభాననమ్ । విలసత్కుణ్డలధరం కృష్ణం వన్దే జగద్గురుమ్ ॥ ౩॥
kuṭilālakasaṃyuktaṃ pūrṇacandranibhānanam | vilasatkuṇḍaladharaṃ kṛṣṇaṃ vande jagadgurum || 3||
మన్దారగన్ధసంయుక్తం చారుహాసం చతుర్భుజమ్ । బర్హిపిచ్ఛావచూడాఙ్గం కృష్ణం వన్దే జగద్గురుమ్ ॥ ౪॥
mandāragandhasaṃyuktaṃ cāruhāsaṃ caturbhujam | barhipicchāvacūḍāṅgaṃ kṛṣṇaṃ vande jagadgurum || 4||
ఉత్ఫుల్లపద్మపత్రాక్షం నీలజీమూతసన్నిభమ్ । యాదవానాం శిరోరత్నం కృష్ణం వన్దే జగద్గురుమ్ ॥ ౫॥
utphullapadmapatrākṣaṃ nīlajīmūtasannibham | yādavānāṃ śiroratnaṃ kṛṣṇaṃ vande jagadgurum || 5||
రుక్మిణీకేళిసంయుక్తం పీతామ్బరసుశోభితమ్ । అవాప్తతులసీగన్ధం కృష్ణం వన్దే జగద్గురుమ్ ॥ ౬॥
rukmiṇīkeḷisaṃyuktaṃ pītāmbarasuśobhitam | avāptatulasīgandhaṃ kṛṣṇaṃ vande jagadgurum || 6||
గోపికానాం కుచద్వన్ద్వ కుఙ్కుమాఙ్కితవక్షసమ్ । శ్రీ నికేతం మహేష్వాసం కృష్ణం వన్దే జగద్గురుమ్ ॥ ౭॥
gopikānāṃ kucadvandva kuṅkumāṅkitavakṣasam | śrī niketaṃ maheṣvāsaṃ kṛṣṇaṃ vande jagadgurum || 7||
శ్రీవత్సాఙ్కం మహోరస్కం వనమాలావిరాజితమ్ । శఙ్ఖచక్రధరం దేవం కృష్ణం వన్దే జగద్గురుమ్ ॥ ౮॥
śrīvatsāṅkaṃ mahoraskaṃ vanamālāvirājitam | śaṅkhacakradharaṃ devaṃ kṛṣṇaṃ vande jagadgurum || 8||
కృష్ణాష్టకమిదం పుణ్యం ప్రాతరుత్థాయ యః పఠేత్ । కోటిజన్మకృతం పాపం స్మరణేన వినశ్యతి ॥
kṛṣṇāṣṭakamidaṃ puṇyaṃ prātarutthāya yaḥ paṭhet | koṭijanmakṛtaṃ pāpaṃ smaraṇena vinaśyati ||