Krishnashtakam in Gujarati
ગુજરાતી
Read and chant the complete Krishnashtakam written in the Gujarati script (ગુજરાતી). The Roman (IAST) transliteration is given below each verse for pronunciation. For the meaning and benefits, see the full page.
વસુદેવસુતં દેવં કંસચાણૂરમર્દનમ્ । દેવકીપરમાનન્દં કૃષ્ણં વન્દે જગદ્ગુરુમ્ ॥ ૧॥
vasudevasutaṃ devaṃ kaṃsacāṇūramardanam | devakīparamānandaṃ kṛṣṇaṃ vande jagadgurum || 1||
અતસીપુષ્પસઙ્કાશમ્ હારનૂપુરશોભિતમ્ । રત્નકઙ્કણકેયૂરં કૃષ્ણં વન્દે જગદ્ગુરુમ્ ॥ ૨॥
atasīpuṣpasaṅkāśam hāranūpuraśobhitam | ratnakaṅkaṇakeyūraṃ kṛṣṇaṃ vande jagadgurum || 2||
કુટિલાલકસંયુક્તં પૂર્ણચન્દ્રનિભાનનમ્ । વિલસત્કુણ્ડલધરં કૃષ્ણં વન્દે જગદ્ગુરુમ્ ॥ ૩॥
kuṭilālakasaṃyuktaṃ pūrṇacandranibhānanam | vilasatkuṇḍaladharaṃ kṛṣṇaṃ vande jagadgurum || 3||
મન્દારગન્ધસંયુક્તં ચારુહાસં ચતુર્ભુજમ્ । બર્હિપિચ્છાવચૂડાઙ્ગં કૃષ્ણં વન્દે જગદ્ગુરુમ્ ॥ ૪॥
mandāragandhasaṃyuktaṃ cāruhāsaṃ caturbhujam | barhipicchāvacūḍāṅgaṃ kṛṣṇaṃ vande jagadgurum || 4||
ઉત્ફુલ્લપદ્મપત્રાક્ષં નીલજીમૂતસન્નિભમ્ । યાદવાનાં શિરોરત્નં કૃષ્ણં વન્દે જગદ્ગુરુમ્ ॥ ૫॥
utphullapadmapatrākṣaṃ nīlajīmūtasannibham | yādavānāṃ śiroratnaṃ kṛṣṇaṃ vande jagadgurum || 5||
રુક્મિણીકેળિસંયુક્તં પીતામ્બરસુશોભિતમ્ । અવાપ્તતુલસીગન્ધં કૃષ્ણં વન્દે જગદ્ગુરુમ્ ॥ ૬॥
rukmiṇīkeḷisaṃyuktaṃ pītāmbarasuśobhitam | avāptatulasīgandhaṃ kṛṣṇaṃ vande jagadgurum || 6||
ગોપિકાનાં કુચદ્વન્દ્વ કુઙ્કુમાઙ્કિતવક્ષસમ્ । શ્રી નિકેતં મહેષ્વાસં કૃષ્ણં વન્દે જગદ્ગુરુમ્ ॥ ૭॥
gopikānāṃ kucadvandva kuṅkumāṅkitavakṣasam | śrī niketaṃ maheṣvāsaṃ kṛṣṇaṃ vande jagadgurum || 7||
શ્રીવત્સાઙ્કં મહોરસ્કં વનમાલાવિરાજિતમ્ । શઙ્ખચક્રધરં દેવં કૃષ્ણં વન્દે જગદ્ગુરુમ્ ॥ ૮॥
śrīvatsāṅkaṃ mahoraskaṃ vanamālāvirājitam | śaṅkhacakradharaṃ devaṃ kṛṣṇaṃ vande jagadgurum || 8||
કૃષ્ણાષ્ટકમિદં પુણ્યં પ્રાતરુત્થાય યઃ પઠેત્ । કોટિજન્મકૃતં પાપં સ્મરણેન વિનશ્યતિ ॥
kṛṣṇāṣṭakamidaṃ puṇyaṃ prātarutthāya yaḥ paṭhet | koṭijanmakṛtaṃ pāpaṃ smaraṇena vinaśyati ||