Kashi Panchakam — Complete Lyrics
काशी पञ्चकम्
Sanskrit text with English transliteration and translation
मनोनिवृत्तिः परमोपशान्तिः
सा तीर्थवर्या मणिकर्णिका च ।
ज्ञानप्रवाहा विमलादिगङ्गा
सा काशिकाहं निजबोधरूपा ॥ १॥
यस्यामिदं कल्पितमिन्द्रजालं
चराचरं भाति मनोविलासम् ।
सच्चित्सुखैका परमात्मरूपा
सा काशिकाहं निजबोधरूपा ॥ २॥
इन्द्रवज्रा छन्द -
कोशेषु पञ्चस्वधिराजमाना
बुद्धिर्भवानी प्रतिदेहगेहम् ।
साक्षी शिवः सर्वगतोऽन्तरात्मा
सा काशिकाहं निजबोधरूपा ॥ ३॥
अनुष्टुप् छन्द -
काश्यां हि काश्यते काशी काशी सर्वप्रकाशिका ।
सा काशी विदिता येन तेन प्राप्ता हि काशिका ॥ ४॥
स्रग्धरा छन्द -
काशीक्षेत्रं शरीरं त्रिभुवन-जननी व्यापिनी ज्ञानगङ्गा ।
भक्तिः श्रद्धा गयेयं निजगुरु-चरणध्यानयोगः प्रयागः ।
विश्वेशोऽयं तुरीयः सकलजन-मनःसाक्षिभूतोऽन्तरात्मा
देहे सर्वं मदीये यदि वसति पुनस्तीर्थमन्यत्किमस्ति ॥ ५॥
इति श्रीमद् शङ्कराचार्यविरचितं काशीपञ्चकं समाप्तम् ।
manonivṛttiḥ paramopaśāntiḥ
sā tīrthavaryā maṇikarṇikā ca |
jñānapravāhā vimalādigaṅgā
sā kāśikāhaṃ nijabodharūpā || 1||
yasyāmidaṃ kalpitamindrajālaṃ
carācaraṃ bhāti manovilāsam |
saccitsukhaikā paramātmarūpā
sā kāśikāhaṃ nijabodharūpā || 2||
indravajrā chanda -
kośeṣu pañcasvadhirājamānā
buddhirbhavānī pratidehageham |
sākṣī śivaḥ sarvagato'ntarātmā
sā kāśikāhaṃ nijabodharūpā || 3||
anuṣṭup chanda -
kāśyāṃ hi kāśyate kāśī kāśī sarvaprakāśikā |
sā kāśī viditā yena tena prāptā hi kāśikā || 4||
sragdharā chanda -
kāśīkṣetraṃ śarīraṃ tribhuvana-jananī vyāpinī jñānagaṅgā |
bhaktiḥ śraddhā gayeyaṃ nijaguru-caraṇadhyānayogaḥ prayāgaḥ |
viśveśo'yaṃ turīyaḥ sakalajana-manaḥsākṣibhūto'ntarātmā
dehe sarvaṃ madīye yadi vasati punastīrthamanyatkimasti || 5||
iti śrīmad śaṅkarācāryaviracitaṃ kāśīpañcakaṃ samāptam |
Adi Shankaracharya’s five verses on Kashi (Varanasi) — revealing the holy city not only as a place but as the inner seat of consciousness: the stilling of the mind is Kashi, and the light of awareness its eternal Ganga.
Want to understand every word?
Read Word-by-Word Meaning →