Hari Stotram in Kannada
ಕನ್ನಡ
Read and chant the complete Hari Stotram written in the Kannada script (ಕನ್ನಡ). The Roman (IAST) transliteration is given below each verse for pronunciation. For the meaning and benefits, see the full page.
ಜಗಜ್ಜಾಲಪಾಲಂ ಚಲತ್ಕಣ್ಠಮಾಲಂ ಶರಚ್ಚನ್ದ್ರಭಾಲಂ ಮಹಾದೈತ್ಯಕಾಲಮ್। ನಭೋನೀಲಕಾಯಂ ದುರಾವಾರಮಾಯಂ ಸುಪದ್ಮಾಸಹಾಯಂ ಭಜೇಽಹಂ ಭಜೇಽಹಮ್॥ ೧॥
Jagaj-jāla-pālaṃ chalat-kaṇṭha-mālaṃ Sharach-chandra-bhālaṃ mahā-daitya-kālam. Nabho-nīla-kāyaṃ durāvāra-māyaṃ Su-padmā-sahāyaṃ bhaje'haṃ bhaje'ham. (1)
ಸದಾಮ್ಭೋಧಿವಾಸಂ ಗಲತ್ಪುಷ್ಪಹಾಸಂ ಜಗತ್ಸನ್ನಿವಾಸಂ ಶತಾದಿತ್ಯಭಾಸಮ್। ಗದಾಚಕ್ರಶಸ್ತ್ರಂ ಲಸತ್ಪೀತವಸ್ತ್ರಂ ಹಸಚ್ಚಾರುವಕ್ತ್ರಂ ಭಜೇಽಹಂ ಭಜೇಽಹಮ್॥ ೨॥
Sadāmbhodhi-vāsaṃ galat-puṣpa-hāsaṃ Jagat-sannivāsaṃ shatāditya-bhāsam. Gadā-chakra-shastraṃ lasat-pīta-vastraṃ Hasach-chāru-vaktraṃ bhaje'haṃ bhaje'ham. (2)
ರಮಾಕಣ್ಠಹಾರಂ ಶ್ರುತಿವ್ರಾತಸಾರಂ ಜಲಾನ್ತರ್ವಿಹಾರಂ ಧರಾಭಾರಹಾರಮ್। ಚಿದಾನನ್ದರೂಪಂ ಮನೋಜ್ಞಸ್ವರೂಪಂ ಧೃತಾನೇಕರೂಪಂ ಭಜೇಽಹಂ ಭಜೇಽಹಮ್॥ ೩॥
Ramā-kaṇṭha-hāraṃ shruti-vrāta-sāraṃ Jalāntar-vihāraṃ dharā-bhāra-hāram. Chid-ānanda-rūpaṃ manojña-svarūpaṃ Dhṛtāneka-rūpaṃ bhaje'haṃ bhaje'ham. (3)
ಜರಾಜನ್ಮಹೀನಂ ಪರಾನನ್ದಪೀನಂ ಸಮಾಧಾನಲೀನಂ ಸದೈವಾನವೀನಮ್। ಜಗಜ್ಜನ್ಮಹೇತುಂ ಸುರಾನೀಕಕೇತುಂ ತ್ರಿಲೋಕೈಕಸೇತುಂ ಭಜೇಽಹಂ ಭಜೇಽಹಮ್॥ ೪॥
Jarā-janma-hīnaṃ parānanda-pīnaṃ Samādhāna-līnaṃ sadaivā-navīnam. Jagaj-janma-hetuṃ surānīka-ketuṃ Tri-lokaika-setuṃ bhaje'haṃ bhaje'ham. (4)
ಕೃತಾಮ್ನಾಯಗಾನಂ ಖಗಾಧೀಶಯಾನಂ ವಿಮುಕ್ತೇರ್ನಿದಾನಂ ಹರಾರಾತಿಮಾನಮ್। ಸ್ವಭಕ್ತಾನುಕೂಲಂ ಜಗದ್ವೃಕ್ಷಮೂಲಂ ನಿರಸ್ತಾರ್ತಶೂಲಂ ಭಜೇಽಹಂ ಭಜೇಽಹಮ್॥ ೫॥
Kṛtāmnāya-gānaṃ khagādhīsha-yānaṃ Vimukter-nidānaṃ harārāti-mānam. Sva-bhaktānukūlaṃ jagad-vṛkṣa-mūlaṃ Nirastārta-shūlaṃ bhaje'haṃ bhaje'ham. (5)
ಸಮಸ್ತಾಮರೇಶಂ ದ್ವಿರೇಫಾಭಕೇಶಂ ಜಗದ್ಬಿಮ್ಬಲೇಶಂ ಹೃದಾಕಾಶದೇಶಮ್। ಸದಾ ದಿವ್ಯದೇಹಂ ವಿಮುಕ್ತಾಖಿಲೇಹಂ ಸುವೈಕುಣ್ಠಗೇಹಂ ಭಜೇಽಹಂ ಭಜೇಽಹಮ್॥ ೬॥
Samastāmar-eshaṃ dvirephābha-keshaṃ Jagad-bimba-leshaṃ hṛd-ākāsha-desham. Sadā divya-dehaṃ vimuktākhil-ehaṃ Su-vaikuṇṭha-gehaṃ bhaje'haṃ bhaje'ham. (6)
ಸುರಾಲಿಬಲಿಷ್ಠಂ ತ್ರಿಲೋಕೀವರಿಷ್ಠಂ ಗುರೂಣಾಂ ಗರಿಷ್ಠಂ ಸ್ವರೂಪೈಕನಿಷ್ಠಮ್। ಸದಾ ಯುದ್ಧಧೀರಂ ಮಹಾವೀರವೀರಂ ಮಹಾಮ್ಭೋಧಿತೀರಂ ಭಜೇಽಹಂ ಭಜೇಽಹಮ್॥ ೭॥
Surāli-baliṣṭhaṃ tri-lokī-variṣṭhaṃ Gurūṇāṃ gariṣṭhaṃ svarūpaika-niṣṭham. Sadā yuddha-dhīraṃ mahā-vīra-vīraṃ Mahāmbhodhi-tīraṃ bhaje'haṃ bhaje'ham. (7)
ರಮಾವಾಮಭಾಗಂ ತಲಾನಗ್ರನಾಗಂ ಕೃತಾಧೀನಯಾಗಂ ಗತಾರಾಗರಾಗಮ್। ಮುನೀನ್ದ್ರೈಃ ಸುಗೀತಂ ಸುರೈಃ ಸಮ್ಪರೀತಂ ಗುಣೌಘೈರತೀತಂ ಭಜೇಽಹಂ ಭಜೇಽಹಮ್॥ ೮॥
Ramā-vāma-bhāgaṃ talān-agra-nāgaṃ Kṛtādhīna-yāgaṃ gatārāga-rāgam. Munīndraiḥ su-gītaṃ suraiḥ samparītaṃ Guṇaughair-atītaṃ bhaje'haṃ bhaje'ham. (8)
ಇದಂ ಯಸ್ತು ನಿತ್ಯಂ ಸಮಾಧಾಯ ಚಿತ್ತಂ ಪಠೇದಷ್ಟಕಂ ಕಣ್ಠಹಾರಂ ಮುರಾರೇಃ। ಸ ವಿಷ್ಣೋರ್ವಿಶೋಕಂ ಧ್ರುವಂ ಯಾತಿ ಲೋಕಂ ಜರಾಜನ್ಮಶೋಕಂ ಪುನರ್ವಿನ್ದತೇ ನೋ॥ ೯॥
Idaṃ yas tu nityaṃ samādhāya chittaṃ Paṭhed aṣṭakaṃ kaṇṭha-hāraṃ murāreḥ. Sa viṣṇor vishokaṃ dhruvaṃ yāti lokaṃ Jarā-janma-shokaṃ punar vindate no. (9)