Ganga Stotram in Odia

ଦେଵି ସୁରେଶ୍ଵରି ଭଗଵତି ଗଙ୍ଗେ ତ୍ରିଭୁଵନତାରିଣି ତରଲତରଙ୍ଗେ। ଶଙ୍କରମୌଲିଵିହାରିଣି ଵିମଲେ ମମ ମତିରାସ୍ତାଂ ତଵ ପଦକମଲେ॥

Devi Sureshwari Bhagavati Gange Tribhuvana-tarini Tarala-tarange. Shankara-mauli-viharini Vimale Mama matir-astam tava pada-kamale.

ଭାଗୀରଥି ସୁଖଦାଯିନି ମାତସ୍ତଵ ଜଲମହିମା ନିଗମେ ଖ୍ଯାତଃ। ନାଽହଂ ଜାନେ ତଵ ମହିମାନଂ ପାହି କୃପାମଯି ମାମଜ୍ଞାନମ୍॥

Bhagirathi Sukhadayini Matas-tava jala-mahima nigame khyatah. Naham jane tava mahimanam Pahi kripamayi mam-ajnanam.

ହରିପଦପାଦ୍ଯତରଙ୍ଗିଣି ଗଙ୍ଗେ ହିମଵିଧୁମୁକ୍ତାଧଵଲତରଙ୍ଗେ। ଦୂରୀକୁରୁ ମମ ଦୁଷ୍କୃତିଭାରଂ କୁରୁ କୃପଯା ଭଵସାଗରପାରମ୍॥

Hari-pada-padya-tarangini Gange Hima-vidhu-mukta-dhavala-tarange. Duri-kuru mama dushkriti-bharam Kuru kripaya bhava-sagara-param.

ତଵ ଜଲମମଲଂ ଯେନ ନିପୀତଂ ପରମପଦଂ ଖଲୁ ତେନ ଗୃହୀତମ୍। ମାତର୍ଗଙ୍ଗେ ତ୍ଵଯି ଯୋ ଭକ୍ତଃ କିଲ ତଂ ଦ୍ରଷ୍ଟୁଂ ନ ଯମଃ ଶକ୍ତଃ॥

Tava jalam-amalam yena nipitam Parama-padam khalu tena grihitam. Matar-Gange tvayi yo bhaktah Kila tam drashtum na Yamah shaktah.

ପତିତୋଦ୍ଧାରିଣି ଜାହ୍ନଵି ଗଙ୍ଗେ ଖଣ୍ଡିତଗିରିଵରମଣ୍ଡିତଭଙ୍ଗେ। ଭୀଷ୍ମଜନନି ହେ ମୁନିଵରକନ୍ଯେ ପତିତନିଵାରିଣି ତ୍ରିଭୁଵନଧନ୍ଯେ॥

Patitod-dharini Jahnavi Gange Khandita-girivara-mandita-bhange. Bhishma-janani he muni-vara-kanye Patita-nivarini tribhuvana-dhanye.

କଲ୍ପଲତାମିଵ ଫଲଦାମ୍ ଲୋକେ ପ୍ରଣମତି ଯସ୍ତ୍ଵାଂ ନ ପତତି ଶୋକେ। ପାରାଵାରଵିହାରିଣି ଗଙ୍ଗେ ଵିମୁଖଯୁଵତିକୃତତରଲାପାଙ୍ଗେ॥

Kalpa-latam-iva phaladam loke Pranamati yas-tvam na patati shoke. Paravara-viharini Gange Vimukha-yuvati-krita-tarala-pange.

ତଵ ଚେନ୍ମାତଃ ସ୍ରୋତଃ ସ୍ନାତଃ ପୁନରପି ଜଠରେ ସୋଽପି ନ ଜାତଃ। ନରକନିଵାରିଣି ଜାହ୍ନଵି ଗଙ୍ଗେ କଲୁଷଵିନାଶିନି ମହିମୋତ୍ତୁଙ୍ଗେ॥

Tava chen-matah srotah snatah Punar-api jathare so'pi na jatah. Naraka-nivarini Jahnavi Gange Kalusha-vinashini mahimottunge.

ପୁନରସଦଙ୍ଗେ ପୁଣ୍ଯତରଙ୍ଗେ ଜଯ ଜଯ ଜାହ୍ନଵି କରୁଣାପାଙ୍ଗେ। ଇନ୍ଦ୍ରମୁକୁଟମଣିରାଜିତଚରଣେ ସୁଖଦେ ଶୁଭଦେ ଭୃତ୍ଯଶରଣ୍ଯେ॥

Punar-asad-ange punya-tarange Jaya jaya Jahnavi karuna-pange. Indra-mukuta-mani-rajita-charane Sukhade shubhade bhritya-sharanye.

ରୋଗଂ ଶୋକଂ ତାପଂ ପାପଂ ହର ମେ ଭଗଵତି କୁମତିକଲାପମ୍। ତ୍ରିଭୁଵନସାରେ ଵସୁଧାହାରେ ତ୍ଵମସି ଗତିର୍ମମ ଖଲୁ ସଂସାରେ॥

Rogam shokam tapam papam Hara me bhagavati kumati-kalapam. Tribhuvana-sare Vasudha-hare Tvam-asi gatir-mama khalu samsare.

ଅଲକାନନ୍ଦେ ପରମାନନ୍ଦେ କୁରୁ କରୁଣାମଯି କାତରଵନ୍ଦ୍ଯେ। ତଵ ତଟନିକଟେ ଯସ୍ଯ ନିଵାସଃ ଖଲୁ ଵୈକୁଣ୍ଠେ ତସ୍ଯ ନିଵାସଃ॥

Alakanande Paramanande Kuru karunamayi katara-vandye. Tava tata-nikate yasya nivasah Khalu Vaikunthe tasya nivasah.

ଵରମିହ ନୀରେ କମଠୋ ମୀନଃ କିଂ ଵା ତୀରେ ଶରଟଃ କ୍ଷୀଣଃ। ଅଥଵା ଶ୍ଵପଚୋ ମଲିନୋ ଦୀନସ୍ତଵ ନ ହି ଦୂରେ ନୃପତିକୁଲୀନଃ॥

Varam-iha nire kamatho minah Kim va tire sharatah kshinah. Athava shvapacho malino dinas-tava na hi dure nripati-kulinah.

ଭୋ ଭୁଵନେଶ୍ଵରି ପୁଣ୍ଯେ ଧନ୍ଯେ ଦେଵି ଦ୍ରଵମଯି ମୁନିଵରକନ୍ଯେ। ଗଙ୍ଗାସ୍ତଵମିମମମଲଂ ନିତ୍ଯଂ ପଠତି ନରୋ ଯଃ ସ ଜଯତି ସତ୍ଯମ୍॥

Bho Bhuvaneshwari Punye Dhanye Devi dravamayi muni-vara-kanye. Ganga-stavam-imam-amalam nityam Pathati naro yah sa jayati satyam.

ଯେଷାଂ ହୃଦଯେ ଗଙ୍ଗାଭକ୍ତିସ୍ତେଷାଂ ଭଵତି ସଦା ସୁଖମୁକ୍ତିଃ। ମଧୁରାକାନ୍ତାପଞ୍ଝଟିକାଭିଃ ପରମାନନ୍ଦକଲିତଲଲିତାଭିଃ॥

Yesham hridaye Ganga-bhaktis-tesham bhavati sada sukha-muktih. Madhura-kanta-panjhatikabhih Paramananda-kalita-lalitabhih.

ଗଙ୍ଗାସ୍ତୋତ୍ରମିଦଂ ଭଵସାରଂ ଵାଞ୍ଛିତଫଲଦମ୍ ଵିମଲଂ ସାରମ୍। ଶଙ୍କରସେଵକଶଙ୍କରରଚିତଂ ପଠତି ସୁଖୀସ୍ତଵ ଇତି ଚ ସମାପ୍ତଃ॥

Ganga-stotram-idam bhava-saram Vanchhita-phaladam vimalam saram. Shankara-sevaka-Shankara-rachitam Pathati sukhi bhava tava iti cha samaptah.