Dakshinamurthy Stotram in Tamil

மௌநவ்யாக்யாப்ரகடிதபரப்ரஹ்மதத்த்வம் யுவாநம் வர்ஷிஷ்டாந்தே வஸத்ரு'ஷிகணைராவ்ரு'தம் ப்ரஹ்மநிஷ்டைஃ । ஆசார்யேந்த்ரம் கரகலிதசிந்முத்ரமாநந்தரூபம் ஸ்வாத்மாராமம் முதிதவதநம் தக்ஷிணாமூர்திமீடே ॥

maunavyākhyāprakaṭitaparabrahmatattvaṃ yuvānaṃ varṣiṣṭhānte vasadṛṣigaṇairāvṛtaṃ brahmaniṣṭhaiḥ | ācāryendraṃ karakalitacinmudramānandarūpaṃ svātmārāmaṃ muditavadanaṃ dakṣiṇāmūrtimīḍe ||

விஶ்வம் தர்பணத்ரு'ஶ்யமாநநகரீதுல்யம் நிஜாந்தர்கதம் பஶ்யந்நாத்மநி மாயயா பஹிரிவோத்பூதம் யதா நித்ரயா । யஃ ஸாக்ஷாத்குருதே ப்ரபோதஸமயே ஸ்வாத்மாநமேவாத்வயம் தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௧॥

viśvaṃ darpaṇadṛśyamānanagarītulyaṃ nijāntargataṃ paśyannātmani māyayā bahirivodbhūtaṃ yathā nidrayā | yaḥ sākṣātkurute prabodhasamaye svātmānamevādvayaṃ tasmai śrīgurumūrtaye nama idaṃ śrīdakṣiṇāmūrtaye || 1||

பீஜஸ்யாந்தரிவாங்குரோ ஜகதிதம் ப்ராங்நிர்விகல்பம் புநஃ மாயாகல்பிததேஶகாலகலநாவைசித்ர்யசித்ரீக்ரு'தம் । மாயாவீவ விஜ்ரு'ம்பயத்யபி மஹாயோகீவ யஃ ஸ்வேச்சயா தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௨॥

bījasyāntarivāṅkuro jagadidaṃ prāṅnirvikalpaṃ punaḥ māyākalpitadeśakālakalanāvaicitryacitrīkṛtam | māyāvīva vijṛmbhayatyapi mahāyogīva yaḥ svecchayā tasmai śrīgurumūrtaye nama idaṃ śrīdakṣiṇāmūrtaye || 2||

யஸ்யைவ ஸ்புரணம் ஸதாத்மகமஸத்கல்பார்தகம் பாஸதே ஸாக்ஷாத்தத்த்வமஸீதி வேதவசஸா யோ போதயத்யாஶ்ரிதாந் । யத்ஸாக்ஷாத்கரணாத்பவேந்ந புநராவ்ரு'த்திர்பவாம்போநிதௌ தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௩॥

yasyaiva sphuraṇaṃ sadātmakamasatkalpārthakaṃ bhāsate sākṣāttattvamasīti vedavacasā yo bodhayatyāśritān | yatsākṣātkaraṇādbhavenna punarāvṛttirbhavāmbhonidhau tasmai śrīgurumūrtaye nama idaṃ śrīdakṣiṇāmūrtaye || 3||

நாநாச்சித்ரகடோதரஸ்திதமஹாதீபப்ரபாபாஸ்வரம் ஜ்ஞாநம் யஸ்ய து சக்ஷுராதிகரணத்வாரா பஹிஃ ஸ்பந்ததே । ஜாநாமீதி தமேவ பாந்தமநுபாத்யேதத்ஸமஸ்தம் ஜகத் தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௪॥

nānācchidraghaṭodarasthitamahādīpaprabhābhāsvaraṃ jñānaṃ yasya tu cakṣurādikaraṇadvārā bahiḥ spandate | jānāmīti tameva bhāntamanubhātyetatsamastaṃ jagat tasmai śrīgurumūrtaye nama idaṃ śrīdakṣiṇāmūrtaye || 4||

தேஹம் ப்ராணமபீந்த்ரியாண்யபி சலாம் புத்திம் ச ஶூந்யம் விதுஃ ஸ்த்ரீபாலாந்தஜடோபமாஸ்த்வஹமிதி ப்ராந்தா ப்ரு'ஶம் வாதிநஃ । மாயாஶக்திவிலாஸகல்பிதமஹா வ்யாமோஹஸம்ஹாரிணே தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௫॥

dehaṃ prāṇamapīndriyāṇyapi calāṃ buddhiṃ ca śūnyaṃ viduḥ strībālāndhajaḍopamāstvahamiti bhrāntā bhṛśaṃ vādinaḥ | māyāśaktivilāsakalpitamahā vyāmohasaṃhāriṇe tasmai śrīgurumūrtaye nama idaṃ śrīdakṣiṇāmūrtaye || 5||

ராஹுக்ரஸ்ததிவாகரேந்துஸத்ரு'ஶோ மாயாஸமாச்சாதநாத் ஸந்மாத்ரஃ கரணோபஸம்ஹரணதோ யோऽபூத்ஸுஷுப்தஃ புமாந் । ப்ராகஸ்வாப்ஸமிதி ப்ரபோதஸமயே யஃ ப்ரத்யபிஜ்ஞாயதே தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௬॥

rāhugrastadivākarendusadṛśo māyāsamācchādanāt sanmātraḥ karaṇopasaṃharaṇato yo’bhūtsuṣuptaḥ pumān | prāgasvāpsamiti prabodhasamaye yaḥ pratyabhijñāyate tasmai śrīgurumūrtaye nama idaṃ śrīdakṣiṇāmūrtaye || 6||

பால்யாதிஷ்வபி ஜாக்ரதாதிஷு ததா ஸர்வாஸ்வவஸ்தாஸ்வபி வ்யாவ்ரு'த்தாஸ்வநுவர்தமாநமஹமித்யந்தஃ ஸ்புரந்தம் ஸதா । ஸ்வாத்மாநம் ப்ரகடீகரோதி பஜதாம் யோ முத்ரயா பத்ரயா தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௭॥

bālyādiṣvapi jāgradādiṣu tathā sarvāsvavasthāsvapi vyāvṛttāsvanuvartamānamahamityantaḥ sphurantaṃ sadā | svātmānaṃ prakaṭīkaroti bhajatāṃ yo mudrayā bhadrayā tasmai śrīgurumūrtaye nama idaṃ śrīdakṣiṇāmūrtaye || 7||

விஶ்வம் பஶ்யதி கார்யகாரணதயா ஸ்வஸ்வாமிஸம்பந்ததஃ ஶிஷ்யாசார்யதயா ததைவ பித்ரு'புத்ராத்யாத்மநா பேததஃ । ஸ்வப்நே ஜாக்ரதி வா ய ஏஷ புருஷோ மாயாபரிப்ராமிதஃ தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௮॥

viśvaṃ paśyati kāryakāraṇatayā svasvāmisaṃbandhataḥ śiṣyācāryatayā tathaiva pitṛputrādyātmanā bhedataḥ | svapne jāgrati vā ya eṣa puruṣo māyāparibhrāmitaḥ tasmai śrīgurumūrtaye nama idaṃ śrīdakṣiṇāmūrtaye || 8||

பூரம்பாம்ஸ்யநலோऽநிலோऽம்பரமஹர்நாதோ ஹிமாம்ஶுஃ புமாந் இத்யாபாதி சராசராத்மகமிதம் யஸ்யைவ மூர்த்யஷ்டகம் । நாந்யத்கிஞ்சந வித்யதே விம்ரு'ஶதாம் யஸ்மாத்பரஸ்மாத்விபோஃ தஸ்மை ஶ்ரீகுருமூர்தயே நம இதம் ஶ்ரீதக்ஷிணாமூர்தயே ॥ ௯॥

bhūrambhāṃsyanalo’nilo’mbaramaharnātho himāṃśuḥ pumān ityābhāti carācarātmakamidaṃ yasyaiva mūrtyaṣṭakam | nānyatkiñcana vidyate vimṛśatāṃ yasmātparasmādvibhoḥ tasmai śrīgurumūrtaye nama idaṃ śrīdakṣiṇāmūrtaye || 9||

ஸர்வாத்மத்வமிதி ஸ்புடீக்ரு'தமிதம் யஸ்மாதமுஷ்மிந் ஸ்தவே தேநாஸ்ய ஶ்ரவணாத்ததர்தமநநாத்த்யாநாச்ச ஸங்கீர்தநாத் । ஸர்வாத்மத்வமஹாவிபூதிஸஹிதம் ஸ்யாதீஶ்வரத்வம் ஸ்வதஃ ததஃ ஸித்த்யேத்தத்புநரஷ்டதா பரிணதம் சைஶ்வர்யமவ்யாஹதம் ॥ ௧௦॥

sarvātmatvamiti sphuṭīkṛtamidaṃ yasmādamuṣmin stave tenāsya śravaṇāttadarthamananāddhyānācca saṅkīrtanāt | sarvātmatvamahāvibhūtisahitaṃ syādīśvaratvaṃ svataḥ tataḥ siddhyettatpunaraṣṭadhā pariṇataṃ caiśvaryamavyāhatam || 10||

வடவிடபிஸமீபே பூமிபாகே நிஷண்ணம் ஸகலமுநிஜநாநாம் ஜ்ஞாநதாதாரமாராத் । த்ரிபுவநகுருமீஶம் தக்ஷிணாமூர்திதேவம் ஜநநமரணதுஃகச்சேததக்ஷம் நமாமி ॥

vaṭaviṭapisamīpe bhūmibhāge niṣaṇṇaṃ sakalamunijanānāṃ jñānadātāramārāt | tribhuvanagurumīśaṃ dakṣiṇāmūrtidevaṃ jananamaraṇaduḥkhacchedadakṣaṃ namāmi ||