Dohā 8 / 60
▶ Listen to recitation🔊 Tap any line to hear it — or ▶ to recite the whole stanza
जानतहूँ अस स्वामि बिसारी। फिरहिं ते काहे न होहिं दुखारी॥ एहि बिधि कहत राम गुन ग्रामा। पावा अनिर्बाच्य बिश्रामा॥ पुनि सब कथा बिभीषन कही। जेहि बिधि जनकसुता तहँ रही॥ तब हनुमंत कहा सुनु भ्राता। देखी चहउँ जानकी माता॥ जुगुति बिभीषन सकल सुनाई। चलेउ पवनसुत बिदा कराई॥ करि सोइ रूप गयउ पुनि तहवाँ। बन असोक सीता रह जहवाँ॥ देखि मनहि महुँ कीन्ह प्रनामा। बैठेहिं बीति जात निसि जामा॥ कृस तन सीस जटा एक बेनी। जपति हृदयँ रघुपति गुन श्रेनी॥
jānatahū~ asa svāmi bisārī phirahiṃ te kāhe na hohiṃ dukhārī ehi bidhi kahata rāma guna grāmā pāvā anirbācya biśrāmā puni saba kathā bibhīṣana kahī jehi bidhi janakasutā taha~ rahī taba hanumaṃta kahā sunu bhrātā dekhī cahau~ jānakī mātā juguti bibhīṣana sakala sunāī caleu pavanasuta bidā karāī kari soi rūpa gayau puni tahavā~ bana asoka sītā raha jahavā~ dekhi manahi mahu~ kīnha pranāmā baiṭhehiṃ bīti jāta nisi jāmā kṛsa tana sīsa jaṭā eka benī japati hṛdaya~ raghupati guna śrenī
निज पद नयन दिएँ मन राम पद कमल लीन। परम दुखी भा पवनसुत देखि जानकी दीन॥8॥
nija pada nayana die~ mana rāma pada kamala līna parama dukhī bhā pavanasuta dekhi jānakī dīna 8