Narayana Suktam in Malayalam
മലയാളം
Read and chant the complete Narayana Suktam written in the Malayalam script (മലയാളം). The Roman (IAST) transliteration is given below each verse for pronunciation. For the meaning and benefits, see the full page.
ഓം സഹ നാവവതു। സഹ നൌ ഭുനക്തു। സഹ വീര്യം കരവാവഹൈ। തേജസ്വിനാവധീതമസ്തു മാ വിദ്വിഷാവഹൈ॥ ഓം ശാന്തിഃ ശാന്തിഃ ശാന്തിഃ॥
Om saha navavatu, saha nau bhunaktu, saha viryam karavavahai; Tejasvinavadhitamastu ma vidvishavahai. Om shantih shantih shantih.
ഓം സഹസ്രശീര്ഷം ദേവം വിശ്വാക്ഷം വിശ്വശമ്ഭുവമ്। വിശ്വം നാരായണം ദേവമക്ഷരം പരമം പദമ്॥
Om sahasrashirsham devam vishvaksham vishvashambhuvam; Vishvam Narayanam devamaksharam paramam padam.
വിശ്വതഃ പരമാന്നിത്യം വിശ്വം നാരായണം ഹരിമ്। വിശ്വമേവേദം പുരുഷസ്തദ്വിശ്വമുപജീവതി॥
Vishvatah paramannityam vishvam Narayanam Harim; Vishvamevedam purushastadvishvamupajivati.
പതിം വിശ്വസ്യാത്മേശ്വരം ശാശ്വതം ശിവമച്യുതമ്। നാരായണം മഹാജ്ഞേയം വിശ്വാത്മാനം പരായണമ്॥
Patim vishvasyatmeshvaram shashvatam shivamachyutam; Narayanam mahajneyam vishvatmanam parayanam.
നാരായണപരോ ജ്യോതിരാത്മാ നാരായണഃ പരഃ। നാരായണപരം ബ്രഹ്മ തത്ത്വം നാരായണഃ പരഃ॥
Narayanaparo jyotiratma Narayanah parah; Narayanaparam brahma tattvam Narayanah parah.
നാരായണപരോ ധ്യാതാ ധ്യാനം നാരായണഃ പരഃ। യച്ച കിഞ്ചിജ്ജഗത്സര്വം ദൃശ്യതേ ശ്രൂയതേഽപി വാ॥
Narayanaparo dhyata dhyanam Narayanah parah; Yachcha kinchijjagatsarvam drishyate shruyate'pi va.
അന്തര്ബഹിശ്ച തത്സര്വം വ്യാപ്യ നാരായണഃ സ്ഥിതഃ। അനന്തമവ്യയം കവിം സമുദ്രേഽന്തം വിശ്വശമ്ഭുവമ്॥
Antarbahishcha tatsarvam vyapya Narayanah sthitah; Anantamavyayam kavim samudre'ntam vishvashambhuvam.
പദ്മകോശപ്രതീകാശം ഹൃദയം ചാപ്യധോമുഖമ്। അധോ നിഷ്ട്യാ വിതസ്ത്യാന്തേ നാഭ്യാമുപരി തിഷ്ഠതി॥
Padmakoshapratikasham hridayam chapyadhomukham; Adho nishtya vitastyante nabhyamupari tishthati.
ജ്വാലാമാലാകുലം ഭാതി വിശ്വസ്യായതനം മഹത്। സന്തതം സിരാഭിസ്തു ലമ്ബത്യാകോശസന്നിഭമ്॥
Jvalamalakulam bhati vishvasyayatanam mahat; Santatam sirabhistu lambatyakoshasannibham.
തസ്യാന്തേ സുഷിരം സൂക്ഷ്മം തസ്മിന്സര്വം പ്രതിഷ്ഠിതമ്। തസ്യ മധ്യേ മഹാനഗ്നിര്വിശ്വാര്ചിര്വിശ്വതോമുഖഃ॥
Tasyante sushiram sukshmam tasminsarvam pratishthitam; Tasya madhye mahanagnirvishvarchirvishvatomukhah.
സോഽഗ്രഭുഗ്വിഭജന്തിഷ്ഠന്നാഹാരമജരഃ കവിഃ। തിര്യഗൂര്ധ്വമധഃശായീ രശ്മയസ്തസ്യ സന്തതാഃ॥
So'grabhugvibhajantishthannaharamajarah kavih; Tiryagurdhvamadhahshayi rashmayastasya santatah.
സന്താപയതി സ്വം ദേഹമാപാദതലമസ്തകഃ। തസ്യ മധ്യേ വഹ്നിശിഖാ അണീയോര്ധ്വാ വ്യവസ്ഥിതാ॥
Santapayati svam dehamapadatalamastakah; Tasya madhye vahnishikha aniyordhva vyavasthita.
നീലതോയദമധ്യസ്ഥാദ്വിദ്യുല്ലേഖേവ ഭാസ്വരാ। നീവാരശൂകവത്തന്വീ പീതാ ഭാസ്വത്യണൂപമാ॥
Nilatoyadamadhyasthadvidyullekheva bhasvara; Nivarashukavattanvi pita bhasvatyanupama.
തസ്യാഃ ശിഖായാ മധ്യേ പരമാത്മാ വ്യവസ്ഥിതഃ। സ ബ്രഹ്മ സ ശിവഃ സ ഹരിഃ സേന്ദ്രഃ സോഽക്ഷരഃ പരമഃ സ്വരാട്॥
Tasyah shikhaya madhye paramatma vyavasthitah; Sa brahma sa shivah sa harih sendrah so'ksharah paramah svarat.
ഋതം സത്യം പരം ബ്രഹ്മ പുരുഷം കൃഷ്ണപിങ്ഗലമ്। ഊര്ധ്വരേതം വിരൂപാക്ഷം വിശ്വരൂപായ വൈ നമോ നമഃ॥
Ritam satyam param brahma purusham krishnapingalam; Urdhvaretam virupaksham vishvarupaya vai namo namah.
ഓം നാരായണായ വിദ്മഹേ വാസുദേവായ ധീമഹി। തന്നോ വിഷ്ണുഃ പ്രചോദയാത്॥ ഓം ശാന്തിഃ ശാന്തിഃ ശാന്തിഃ॥
Om Narayanaya vidmahe Vasudevaya dhimahi; Tanno Vishnuh prachodayat. Om shantih shantih shantih.