Durga Kavach in Bengali

ওঁ অস্য শ্রী চণ্ডী কবচস্য ব্রহ্মা ঋষিঃ। অনুষ্টুপ্ ছন্দঃ। চামুণ্ডা দেবতা। অংগন্যাসোক্তমাতরো বীজম্। দিগ্বন্ধদেবতাস্তত্ত্বম্। শ্রী জগদম্বাপ্রীত্যর্থে সপ্তশতীপাঠাঙ্গত্বেন জপে বিনিযোগঃ॥

Om Asya Shri Chandi Kavachasya Brahma Rishiph Anushtup Chhandah Chamunda Devata Anganyasokta Mataro Bijam Digbandha Devatas Tattvam Shri Jagadamba Prityarthe Saptashati Pathangtvena Jape Viniyogah

ওঁ নমশ্চণ্ডিকাযৈ মার্কণ্ডেয উবাচ — যদ্গুহ্যং পরমং লোকে সর্বরক্ষাকরং নৃণাম্। যন্ন কস্যচিদাখ্যাতং তন্মে ব্রূহি পিতামহ॥

Om Namash Chandikayai Markandeya Uvacha — Yad Guhyam Paramam Loke Sarva Raksha Karam Nrinam Yanna Kasyachid Akhyatam Tanme Bruhi Pitamaha

ব্রহ্মোবাচ — অস্তি গুহ্যতমং বিপ্র সর্বভূতোপকারকম্। দেব্যাস্তু কবচং পুণ্যং তচ্ছৃণুষ্ব মহামুনে॥

Brahma Uvacha — Asti Guhyatamam Vipra Sarva Bhutopakaarakam Devyas Tu Kavacham Punyam Tat Shrinushva Mahamune

প্রথমং শৈলপুত্রী চ দ্বিতীযং ব্রহ্মচারিণী। তৃতীযং চন্দ্রঘণ্টেতি কূষ্মাণ্ডেতি চতুর্থকম্॥

Prathamam Shailaputri Cha Dvitiyam Brahmacharini Tritiyam Chandraghanteti Kushmandeti Chaturthakam

পঞ্চমং স্কন্দমাতেতি ষষ্ঠং কাত্যাযনীতি চ। সপ্তমং কালরাত্রীতি মহাগৌরীতি চাষ্টমম্॥

Panchamam Skanda Mateti Shashtham Katyayani Ti Cha Saptamam Kalaratri Ti Mahagauri Ti Chashtamam

নবমং সিদ্ধিদাত্রী চ নবদুর্গাঃ প্রকীর্তিতাঃ। উক্তান্যেতানি নামানি ব্রহ্মণৈব মহাত্মনা॥

Navamam Siddhidatri Cha Nava Durgah Prakirtitah Uktanyetani Namani Brahmanaiva Mahatmana

শূলেন পাহি নো দেবি পাহি খড্গেন চাম্বিকে। ঘণ্টাস্বনেন নঃ পাহি চাপজ্যানিঃস্বনেন চ॥

Shulena Pahi No Devi Pahi Khadgena Chambike Ghanta Swanena Nah Pahi Chapajya Nihswanena Cha

প্রাচ্যাং রক্ষতু মামৈন্দ্রী আগ্নেয্যামগ্নিদেবতা। দক্ষিণে চাবতু বারাহী নৈঋত্যামসিধারিণী॥

Prachyam Rakshatu Mam Aindri Agneyam Agni Devata Dakshine Chavatu Varahi Nairityam Asi Dharini

প্রতীচ্যাং বারুণী রক্ষেদ্বাযব্যাং মৃগবাহিনী। উদীচ্যাং পাতু কৌমারী ঐশান্যাং শূলধারিণী॥

Pratichyam Varuni Rakshed Vayavyam Mrigavahini Udichyam Patu Kaumari Aishanyam Shuladharini

ঊর্ধ্বং ব্রহ্মাণী মে রক্ষেদধস্তাদ্বৈষ্ণবী তথা। এবং দশ দিশো রক্ষেচ্চামুণ্ডা শববাহনা॥

Urdhvam Brahmani Me Rakshed Adhastad Vaishnavi Tatha Evam Dasha Disho Rakshet Chamunda Shava Vahana

জযা মে চাগ্রতঃ পাতু বিজযা পাতু পৃষ্ঠতঃ। অজিতা বামপার্শ্বে তু দক্ষিণে চাপরাজিতা॥

Jaya Me Chagratah Patu Vijaya Patu Prishthatah Ajita Vama Parshve Tu Dakshine Cha Aparajita

শিখামুদ্যোতিনী রক্ষেদুমা মূর্ধ্নি ব্যবস্থিতা। মালাধরী ললাটে চ ভ্রুবৌ রক্ষেদ্যশস্বিনী॥

Shikham Udyotini Rakshed Uma Murdhni Vyavasthita Maladhari Lalate Cha Bhruvau Rakshed Yashaswini

ত্রিনেত্রা চ ভ্রুবোর্মধ্যে যমঘণ্টা চ নাসিকে। শংখিনী চক্ষুষোর্মধ্যে শ্রোত্রযোর্দ্বারবাসিনী॥

Trinetra Cha Bhruvor Madhye Yamaghanta Cha Nasike Shankhini Chakshushor Madhye Shrotrayor Dvaravasini

কপোলৌ কালিকা রক্ষেত্কর্ণমূলে তু শাংকরী। নাসিকাযাং সুগন্ধা চ উত্তরোষ্ঠে চ চর্চিকা॥

Kapolau Kalika Rakshet Karnamule Tu Shankari Nasikayam Sugandha Cha Uttaroshthe Cha Charchika

অধরে চামৃতকলা জিহ্বাযাং চ সরস্বতী। দন্তান্ রক্ষতু কৌমারী কণ্ঠদেশে তু চণ্ডিকা॥

Adhare Chamrita Kala Jihvayam Cha Saraswati Dantan Rakshatu Kaumari Kantha Deshe Tu Chandika

ঘণ্টিকাং চিত্রঘণ্টা চ মহামাযা চ তালুকে। কামাক্ষী চিবুকং রক্ষেদ্বাচং মে সর্বমংগলা॥

Ghantikam Chitraghanta Cha Mahamaya Cha Taluke Kamakshi Chibukam Rakshed Vacham Me Sarvamangala

গ্রীবাযাং ভদ্রকালী চ পৃষ্ঠবংশে ধনুর্ধরী। নীলগ্রীবা বহিঃকণ্ঠে নলিকাং নলকূবরী॥

Grivayam Bhadrakali cha prishthavamshe Dhanurdhari; Nilagriva bahihkanthe nalikam Nalakubari.

স্কন্ধযোঃ খড্গিনী রক্ষেদ্ বাহূ মে বজ্রধারিণী। হস্তযোর্দণ্ডিনী রক্ষেদম্বিকা চাঙ্গুলীস্তথা॥

Skandhayoh Khadgini rakshed bahu me Vajradharini; Hastayor Dandini rakshed Ambika changulistatha.

নখাঞ্ছূলেশ্বরী রক্ষেত্ কুক্ষৌ রক্ষেন্নলেশ্বরী। স্তনৌ রক্ষেন্মহালক্ষ্মীর্মনঃশোকবিনাশিনী॥

Nakhanchhuleshwari rakshet kukshau rakshen Naleshwari; Stanau rakshen Mahalakshmir manahshokavinashini.

হৃদযে ললিতা দেবী উদরে শূলধারিণী। নাভৌ চ কামিনী রক্ষেদ্গুহ্যং গুহ্যেশ্বরী তথা॥

Hridaye Lalita Devi udare Shuladharini; Nabhau cha Kamini rakshed guhyam Guhyeshwari tatha.

পূতনা কামিকা মেঢ্রং গুদে মহিষবাহিনী। কট্যাং ভগবতী রক্ষেজ্জানুনী বিন্ধ্যবাসিনী॥

Putana Kamika medhram gude Mahishavahini; Katyam Bhagavati rakshej januni Vindhyavasini.

জঙ্ঘে মহাবলা প্রোক্তা সর্বকামপ্রদাযিনী। গুল্ফযোর্নারসিংহী চ পাদৌ চামিততেজসী॥

Janghe Mahabala prokta sarvakamapradayini; Gulphayor Narasimhi cha padau chamitatejasi.

পাদাঙ্গুলীঃ শ্রীর্মে রক্ষেত্পাদাধস্তলবাসিনী। নখান্দংষ্ট্রাকরালী চ কেশাংশ্চৈবোর্ধ্বকেশিনী॥

Padangulih Shrir me rakshet padadhastalavasini; Nakhan Damshtrakarali cha keshanshchaivordhvakeshini.

রোমকূপেষু কৌবেরী ত্বচং বাগীশ্বরী তথা। রক্তমজ্জাবসামাংসান্যস্থিমেদাংসি পার্বতী॥

Romakupeshu Kauberi tvacham Vagishwari tatha; Raktamajjavasamamsanyasthimedamsi Parvati.

অন্ত্রাণি কালরাত্রিশ্চ পিত্তং চ মুকুটেশ্বরী। পদ্মাবতী পদ্মকোশে কফে চূডামণিস্তথা॥

Antrani Kalaratrishcha pittam cha Mukuteshwari; Padmavati padmakoshe kaphe Chudamanistatha.

জ্বালামুখী নখজ্বালা অভেদ্যা সর্বসন্ধিষু। শুক্রং ব্রহ্মাণী মে রক্ষেচ্ছাযাং ছত্রেশ্বরী তথা॥

Jvalamukhi nakhajvala Abhedya sarvasandhishu; Shukram Brahmani me rakshech chhayam Chhatreshwari tatha.

অহঙ্কারং মনো বুদ্ধিং রক্ষ মে ধর্মচারিণি। প্রাণাপানৌ তথা ব্যানং সমানোদানমেব চ॥

Ahankaram mano buddhim raksha me Dharmacharini; Pranapanau tatha vyanam samanodanameva cha.

বজ্রহস্তা চ মে রক্ষেত্প্রাণং কল্যাণশোভনা। রসে রূপে চ গন্ধে চ শব্দে স্পর্শে চ যোগিনী॥

Vajrahasta cha me rakshet pranam Kalyanashobhana; Rase rupe cha gandhe cha shabde sparshe cha Yogini.

সত্ত্বং রজস্তমশ্চৈব রক্ষেন্নারাযণী সদা। আযূ রক্ষতু বারাহী ধর্মং রক্ষতু বৈষ্ণবী॥

Sattvam rajastamashchaiva rakshen Narayani sada; Ayu rakshatu Varahi dharmam rakshatu Vaishnavi.

যশঃ কীর্তিং চ লক্ষ্মীং চ ধনং বিদ্যাং চ চক্রিণী। গোত্রমিন্দ্রাণী মে রক্ষেত্পশূন্মে রক্ষ চণ্ডিকে॥

Yashah kirtim cha Lakshmim cha dhanam vidyam cha Chakrini; Gotram Indrani me rakshet pashun me raksha Chandike.

পুত্রান্ রক্ষেন্মহালক্ষ্মীর্ভার্যাং রক্ষতু ভৈরবী। পন্থানং সুপথা রক্ষেন্মার্গং ক্ষেমকরী তথা॥

Putran rakshen Mahalakshmir bharyam rakshatu Bhairavi; Panthanam Supatha rakshen margam Kshemakari tatha.

রাজদ্বারে মহালক্ষ্মীর্বিজযা সর্বতঃ স্থিতা। রক্ষাহীনং তু যত্স্থানং বর্জিতং কবচেন তু॥

Rajadvare Mahalakshmir Vijaya sarvatah sthita; Rakshahinam tu yatsthanam varjitam kavachena tu.

তত্সর্বং রক্ষ মে দেবি জযন্তী পাপনাশিনী। পদমেকং ন গচ্ছেত্তু যদীচ্ছেচ্ছুভমাত্মনঃ॥

Tatsarvam raksha me Devi Jayanti papanashini; Padamekam na gachchhet tu yadichchhech chubhamatmanah.

কবচেনাবৃতো নিত্যং যত্র যত্রাধিগচ্ছতি। তত্র তত্রার্থলাভশ্চ বিজযঃ সার্বকামিকঃ॥

Kavachenavrito nityam yatra yatradhigachchhati; Tatra tatrarthalabhashcha vijayah sarvakamikah.

যং যং কামযতে কামং তং তং প্রাপ্নোতি নিশ্চিতম্। পরমৈশ্বর্যমতুলং প্রাপ্স্যতে ভূতলে পুমান্॥

Yam yam kamayate kamam tam tam prapnoti nishchitam; Paramaishvaryamatulam prapsyate bhutale puman.

নির্ভযো জাযতে মর্ত্যঃ সঙ্গ্রামেষ্বপরাজিতঃ। ত্রৈলোক্যে তু ভবেত্পূজ্যঃ কবচেনাবৃতঃ পুমান্॥

Nirbhayo jayate martyah sangrameshvaparajitah; Trailokye tu bhavet pujyah kavachenavritah puman.

ইদং তু দেব্যাঃ কবচং দেবানামপি দুর্লভম্। যঃ পঠেত্প্রযতো নিত্যং ত্রিসন্ধ্যং শ্রদ্ধযান্বিতঃ॥

Idam tu Devyah kavacham devanamapi durlabham; Yah pathet prayato nityam trisandhyam shraddhayanvitah.

দৈবী কলা ভবেত্তস্য ত্রৈলোক্যেষ্বপরাজিতঃ। জীবেদ্বর্ষশতং সাগ্রমপমৃত্যুবিবর্জিতঃ॥

Daivi kala bhavet tasya trailokyeshvaparajitah; Jived varshashatam sagram apamrityuvivarjitah.

নশ্যন্তি ব্যাধযঃ সর্বে লূতাবিস্ফোটকাদযঃ। স্থাবরং জঙ্গমং বাপি কৃত্রিমং চাপি যদ্বিষম্॥

Nashyanti vyadhayah sarve lutavisphotakadayah; Sthavaram jangamam vapi kritrimam chapi yadvisham.

অভিচারাণি সর্বাণি মন্ত্রযন্ত্রাণি ভূতলে। ভূচরাঃ খেচরাশ্চৈব জলজাশ্চোপদেশিকাঃ॥

Abhicharani sarvani mantrayantrani bhutale; Bhucharah khecharashchaiva jalajashchopadeshikah.

সহজাঃ কুলজা মালাঃ শাকিনী ডাকিনী তথা। অন্তরিক্ষচরা ঘোরা ডাকিন্যশ্চ মহাবলাঃ॥

Sahajah kulaja malah Shakini Dakini tatha; Antarikshachara ghora Dakinyashcha mahabalah.

গ্রহভূতপিশাচাশ্চ যক্ষগন্ধর্বরাক্ষসাঃ। ব্রহ্মরাক্ষসবেতালাঃ কূষ্মাণ্ডা ভৈরবাদযঃ॥

Grahabhutapishachashcha yakshagandharvarakshasah; Brahmarakshasavetalah kushmanda Bhairavadayah.

নশ্যন্তি দর্শনাত্তস্য কবচে হৃদি সংস্থিতে। মানোন্নতির্ভবেদ্রাজ্ঞস্তেজোবৃদ্ধিকরং পরম্॥

Nashyanti darshanat tasya kavache hridi samsthite; Manonnatirbhaved rajnastejovriddhikaram param.

যশসা বর্ধতে সোঽপি কীর্তিমণ্ডিতভূতলে। জপেত্সপ্তশতীং চণ্ডীং কৃত্বা তু কবচং পুরা॥

Yashasa vardhate so'pi kirtimanditabhutale; Japet saptashatim Chandim kritva tu kavacham pura.

যাবদ্ভূমণ্ডলং ধত্তে সশৈলবনকাননম্। তাবত্তিষ্ঠতি মেদিন্যাং সন্ততিঃ পুত্রপৌত্রকী॥

Yavad bhumandalam dhatte sashailavanakananam; Tavat tishthati medinyam santatih putrapautraki.

দেহান্তে পরমং স্থানং যত্সুরৈরপি দুর্লভম্। প্রাপ্নোতি পুরুষো নিত্যং মহামাযাপ্রসাদতঃ॥

Dehante paramam sthanam yatsurairapi durlabham; Prapnoti purusho nityam Mahamayaprasadatah.

লভতে পরমং রূপং শিবেন সহ মোদতে॥ ॥ ইতি শ্রীবারাহপুরাণে হরিহরব্রহ্মবিরচিতং দেব্যাঃ কবচং সম্পূর্ণম্ ॥

Labhate paramam rupam Shivena saha modate. Iti shri Varahapurane Hariharabrahmavirachitam Devyah kavacham sampurnam.