Bhaja Govindam in Telugu

భజ గోవిన్దం భజ గోవిన్దం గోవిన్దం భజ మూఢమతే । సమ్ప్రాప్తే సన్నిహితే కాలే నహి నహి రక్షతి డుకృఞ్కరణే ॥

Bhaja govindam bhaja govindam govindam bhaja mudhamate Samprapte sannihite kale nahi nahi rakshati dukrinkarane

మూఢ జహీహి ధనాగమతృష్ణాం కురు సద్బుద్ధిం మనసి వితృష్ణామ్ । యల్లభసే నిజకర్మోపాత్తం విత్తం తేన వినోదయ చిత్తమ్ ॥

Mudha jahihi dhanagamatrishnam kuru sadbuddhim manasi vitrishnam Yallabhase nijakarmopattam vittam tena vinodaya chittam

నారీస్తనభర నాభీదేశం దృష్ట్వా మా గా మోహావేశమ్ । ఏతన్మాంసవసాదివికారం మనసి విచిన్తయ వారం వారమ్ ॥

Naristanabhara nabhidesham drishtva ma ga mohavesham Etanmamsavasadivikaram manasi vichintaya varam varam

నలినీదల గతజలమతితరలం తద్వజ్జీవితమతిశయ చపలమ్ । విద్ధి వ్యాధ్యభిమానగ్రస్తం లోకం శోకహతం చ సమస్తమ్ ॥

Nalinidala gatajalamatitaralam tadvajjivitamatishaya chapalam Viddhi vyadhyabhimanagrastam lokam shokahatam cha samastam

యావద్విత్తోపార్జనసక్తః తావన్నిజపరివారో రక్తః । పశ్చాజ్జీవతి జర్జరదేహే వార్తాం కోఽపి న పృచ్ఛతి గేహే ॥

Yavadvittoparjanasaktah tavannijaparivaro raktah Pashchajjivati jarjaradehe vartam kopi na prichchhati gehe

యావత్పవనో నివసతి దేహే తావత్పృచ్ఛతి కుశలం గేహే । గతవతి వాయౌ దేహాపాయే భార్యా బిభ్యతి తస్మిన్కాయే ॥

Yavatpavano nivasati dehe tavatprichchhati kushalam gehe Gatavati vayau dehapaye bharya bibhyati tasminkaye

బాలస్తావత్క్రీడాసక్తః తరుణస్తావత్తరుణీసక్తః । వృద్ధస్తావచ్చిన్తాసక్తః పరమే బ్రహ్మణి కోఽపి న సక్తః ॥

Balastavatkridasaktah tarunastavattarunisaktah Vriddhastavachchintasaktah parame brahmani kopi na saktah

కా తే కాన్తా కస్తే పుత్రః సంసారోఽయమతీవ విచిత్రః । కస్య త్వం కః కుత ఆయాతః తత్త్వం చిన్తయ తదిహ భ్రాతః ॥

Ka te kanta kaste putrah samsaroyamativa vichitrah Kasya tvam kah kuta ayatah tattvam chintaya tadiha bhratah

సత్సఙ్గత్వే నిస్సఙ్గత్వం నిస్సఙ్గత్వే నిర్మోహత్వమ్ । నిర్మోహత్వే నిశ్చలతత్త్వం నిశ్చలతత్త్వే జీవన్ముక్తిః ॥

Satsangatve nissangatvam nissangatve nirmohatvam Nirmohatve nishchalatattvam nishchalatattve jivanmuktih

వయసి గతే కః కామవికారః శుష్కే నీరే కః కాసారః । క్షీణే విత్తే కః పరివారః జ్ఞాతే తత్త్వే కః సంసారః ॥

Vayasi gate kah kamavikarah shushke nire kah kasarah Kshine vitte kah parivarah jnate tattve kah samsarah

మా కురు ధన యౌవన గర్వం హరతి నిమేషాత్కాలః సర్వమ్ । మాయామయమిదమఖిలం హిత్వా బ్రహ్మపదం త్వం ప్రవిశ విదిత్వా ॥

Ma kuru dhana yauvana garvam harati nimeshatkalah sarvam Mayamayamidamakhilam hitva brahmapadam tvam pravisha viditva

దినయామిన్యౌ సాయం ప్రాతః శిశిరవసన్తౌ పునరాయాతః । కాలః క్రీడతి గచ్ఛత్యాయుః తదపి న ముఞ్చత్యాశావాయుః ॥

Dinayaminyau sayam pratah shishiravasantau punarayatah Kalah kridati gachchhatyayuh tadapi na munchatyashavayuh

కా తే కాన్తా ధనగతచిన్తా వాతుల కిం తవ నాస్తి నియన్తా । త్రిజగతి సజ్జనసఙ్గతిరేకా భవతి భవార్ణవతరణే నౌకా ॥

Ka te kanta dhanagatachinta vatula kim tava nasti niyanta Trijagati sajjanasangatireka bhavati bhavarnavatarane nauka

ద్వాదశ మఞ్జరికాభిరశేషః కథితో వైయాకరణస్యైషః । ఉపదేశోఽభూద్విద్యా నిపుణైః శ్రీమచ్ఛఙ్కర భగవచ్ఛరణైః ॥

Dvadasha manjarikabhirasheshah kathito vaiyakaranasyaishah Upadeshobhudvidya nipunaih shrimachchhankara bhagavachchharanaih

జటిలో ముణ్డీ లుఞ్ఛితకేశః కాషాయామ్బర బహుకృతవేషః । పశ్యన్నపి చ న పశ్యతి మూఢః ఉదరనిమిత్తం బహుకృతవేషః ॥

Jatilo mundi lunchhitakeshah kashayambara bahukritaveshah Pashyannapi cha na pashyati mudhah udaranimittam bahukritaveshah

అఙ్గం గలితం పలితం ముణ్డం దశనవిహీనం జాతం తుణ్డమ్ । వృద్ధో యాతి గృహీత్వా దణ్డం తదపి న ముఞ్చత్యాశాపిణ్డమ్ ॥

Angam galitam palitam mundam dashanavihinam jatam tundam Vriddho yati grihitva dandam tadapi na munchatyashapindam

అగ్రే వహ్నిః పృష్ఠే భానుః రాత్రౌ చుబుక సమర్పిత జానుః । కరతల భిక్షస్తరుతలవాసః తదపి న ముఞ్చత్యాశాపాశః ॥

Agre vahnih prishthe bhanuh ratrau chubuka samarpita januh Karatala bhikshastarutalavasah tadapi na munchatyashapashah

కురుతే గఙ్గాసాగరగమనం వ్రత పరిపాలనమథవా దానమ్ । జ్ఞానవిహీనః సర్వమతేన భజతి న ముక్తిం జన్మశతేన ॥

Kurute gangasagaragamanam vrata paripalanamathava danam Jnanavihinah sarvamatena bhajati na muktim janmashatena

సురమన్దిర నివాసః శయ్యా భూతలమజినం వాసః । సర్వ పరిగ్రహ భోగత్యాగః కస్య సుఖం న కరోతి విరాగః ॥

Suramandira nivasah shayya bhutalamajinam vasah Sarva parigraha bhogatyagah kasya sukham na karoti viragah

యోగరతో వా భోగరతో వా సఙ్గరతో వా సఙ్గవిహీనః । యస్య బ్రహ్మణి రమతే చిత్తం నన్దతి నన్దతి నన్దత్యేవ ॥

Yogarato va bhogarato va sangarato va sangavihinah Yasya brahmani ramate chittam nandati nandati nandatyeva

భగవద్గీతా కిఞ్చిదధీతా గఙ్గాజల లవకణికా పీతా । సకృదపి యేన మురారిసమర్చా క్రియతే తస్య యమేన న చర్చా ॥

Bhagavadgita kinchidadhita gangajala lavakanika pita Sakridapi yena murarisamarcha kriyate tasya yamena na charcha

పునరపి జననం పునరపి మరణం పునరపి జననీజఠరే శయనమ్ । ఇహ సంసారే బహుదుస్తారే కృపయాఽపారే పాహి మురారే ॥

Punarapi jananam punarapi maranam punarapi jananijathare shayanam Iha samsare bahudustare kripayapare pahi murare

రథ్యాచర్పట విరచిత కన్థః పుణ్యాపుణ్య వివర్జిత పన్థః । యోగీ యోగనియోజిత చిత్తః రమతే బాలోన్మత్తవదేవ ॥

Rathyacharpata virachita kanthah punyapunya vivarjita panthah Yogi yoganiyojita chittah ramate balonmattavadeva

కస్త్వం కోఽహం కుత ఆయాతః కా మే జననీ కో మే తాతః । ఇతి పరిభావయ సర్వమసారం విశ్వం త్యక్త్వా స్వప్నవిచారమ్ ॥

Kastvam koham kuta ayatah ka me janani ko me tatah Iti paribhavaya sarvamasaram vishvam tyaktva svapnavicharam

త్వయి మయి చాన్యత్రైకో విష్ణుః వ్యర్థం కుప్యసి మయ్యసహిష్ణుః । భవ సమచిత్తః సర్వత్ర త్వం వాఞ్ఛస్యచిరాద్యది విష్ణుత్వమ్ ॥

Tvayi mayi chanyatraiko vishnuh vyartham kupyasi mayyasahishnuh Bhava samachittah sarvatra tvam vanchhasyachiradyadi vishnutvam

శత్రౌ మిత్రే పుత్రే బన్ధౌ మా కురు యత్నం విగ్రహసన్ధౌ । సర్వస్మిన్నపి పశ్యాత్మానం సర్వత్రోత్సృజ భేదాజ్ఞానమ్ ॥

Shatrau mitre putre bandhau ma kuru yatnam vigrahasandhau Sarvasminnapi pashyatmanam sarvatrotsrija bhedajnanam

కామం క్రోధం లోభం మోహం త్యక్త్వాఽఽత్మానం పశ్యతి సోఽహమ్ । ఆత్మజ్ఞానవిహీనా మూఢాః తే పచ్యన్తే నరకనిగూఢాః ॥

Kamam krodham lobham moham tyaktvatmanam pashyati soham Atmajnanavihina mudhah te pachyante narakanigudhah

గేయం గీతా నామసహస్రం ధ్యేయం శ్రీపతి రూపమజస్రమ్ । నేయం సజ్జన సఙ్గే చిత్తం దేయం దీనజనాయ చ విత్తమ్ ॥

Geyam gita namasahasram dhyeyam shripati rupamajasram Neyam sajjana sange chittam deyam dinajanaya cha vittam

సుఖతః క్రియతే కామాభోగః పశ్చాదన్త శరీరే రోగః । యద్యపి లోకే మరణం శరణం తదపి న ముఞ్చతి పాపాచరణమ్ ॥

Sukhatah kriyate kamabhogah pashchadanta sharire rogah Yadyapi loke maranam sharanam tadapi na munchati papacharanam

అర్థమనర్థం భావయ నిత్యం నాస్తితతః సుఖలేశః సత్యమ్ । పుత్రాదపి ధనభాజాం భీతిః సర్వత్రైషా విహితా రీతిః ॥

Arthamanartham bhavaya nityam nastitatah sukhaleshah satyam Putradapi dhanabhajam bhitih sarvatraisha vihita ritih

ప్రాణాయామం ప్రత్యాహారం నిత్యానిత్య వివేకవిచారమ్ । జాప్యసమేతసమాధివిధానం కుర్వవధానం మహదవధానమ్ ॥

Pranayamam pratyaharam nityanitya vivekavicharam Japyasametasamadhividhanam kurvavadhanam mahadavadhanam

గురుచరణామ్బుజ నిర్భరభక్తః సంసారాదచిరాద్భవ ముక్తః । సేన్ద్రియమానస నియమాదేవం ద్రక్ష్యసి నిజహృదయస్థం దేవమ్ ॥

Gurucharanambuja nirbharabhaktah samsaradachiradbhava muktah Sendriyamanasa niyamadevam drakshyasi nijahridayastham devam

మూఢః కశ్చన వైయాకరణో డుఃకృఙ్కరణాధ్యయనధురీణః । శ్రీమచ్ఛఙ్కర భగవచ్ఛిష్యైః బోధిత ఆసీచ్ఛోధిత కరణః ॥

Mudhah kashchana vaiyakarano duhkrinkaranadhyayanadhurinah Shrimachchhankara bhagavachchhishyaih bodhita asichchhodhita karanah

భజ గోవిన్దం భజ గోవిన్దం గోవిన్దం భజ మూఢమతే । నామస్మరణాదన్యముపాయం నహి పశ్యామో భవతరణే ॥

Bhaja govindam bhaja govindam govindam bhaja mudhamate Namasmaranadanyamupayam nahi pashyamo bhavatarane